માર્ક 11

ઉખાલા અંજીરા જાડા બારામાય હિકાડના

20 આગલે દિહી હાકાળેહે, જોવે ઈસુ એને ચ્યા શિષ્ય પાછા યેરૂસાલેમ શેહેરા એછે જાં આતા, તોવે ચ્યાહાય તી અંજીરા જાડ પાછી દેખ્યા, તી મુળાહા લોગુ ઉખાઈ ગીઅલા આતા. 21 પિત્તરાલ તી વાત યાદ યેની એને ચ્યે ઈસુલ આખ્યાં, "ઓ ગુરુ એએ, ઈ તી અંજીરા જાડ તુયે હારાપ દેનલા તી જાડ ઉખાય ગીયા." 22 ઈસુય ચ્યાલ જાવાબ દેનો, "પોરમેહેરા ઉપે બોરહો રાખા કા જીં તુમાહાય માગલા હેય પોરમેહેર તી કોઅરી. 23 આંય તુમહાન હાચ્ચાંજ આખતાહાવ કા, જો કાદો એલા ડોગાલ એહેકેન આખે કા, ઉઠ એને દોરિયામાય જાય પોડ, એને મોનામાય શંકા નાંય રાખે તોવે, બાકી બોરહો કોએ કા જીં ચ્યાય માગલા હેય પોરમેહેર ચ્યાલ કોઅરી, તોવે પોરમેહેર ચ્યાહાટી ઈ કોઅઇ દી. 24 ચ્યાહાટી તુમહાન આંય આખતાહાવ કા, જીં કાય તુમા પ્રાર્થનામાય માગતાહા, ઓહડો બોરહો રાખા કા તી તુમહાન મિળી જાય, તોવે પોરમેહેર ચ્યાહાટી ઈ કોઅઇ દી. 25 એહેકેન જોવે તુમા ઉબા રોઇન પ્રાર્થના કોઅતાહા, તોવે પેલ્લા ચ્યાહાન માફ કોઅરા જ્યાંય તુમહે વિરુદમાય બુલ કોઅયી ઓરી. યાહાટી કા તુમહે પોરમેહેર જો હોરગામાય રોહે તેરુંબી તુમહાન તુમહે પાપ માફ કોઅય.