માથ્થી 15

3 ઈસુવે ચ્યાહાન જાવાબ દેનો, તુમા પોરમેહેરા આગના પાળના છોડી દેતહા કા "તુમા તુમહે રીવાજેકોય કામ કોઅઇ હોકે. 4 કાહાકા પોરમેહેરાય આખ્યેલ તો આયહે આબહાલ માન દે, જીં માઅહું આયહે આબહાલ ગાળી દેય, ચ્યાલ હાચ્ચાંજ માઆઇ ટાકવામાય યી. 5 બાકી તુમા આખતાહા કા જીં માઅહું આપહે આબહાલ એહેકેન આખહે, તુમહાન માયે પાયને જીં કાય મિળી હોકતા આતા, તી પોરમેહેરાલ બેટ ચોડવી હોકહ્યા. 6 તે તો ચ્યા આબહા આદર નાંય કોએ, એહેકેન તુમહે વડીલાહા રુડી પાળાહાટી તુમા પોરમેહેરા નિયમશાસ્ત્ર પાળના છોડી દેતહા. 7 ઓ ડોંગી લોકહાય યશાયા ભવિષ્યવક્તાય તુમહે બારામાય હાચ્ચાં આખ્યેલ કા. 8 ચ્યા લોક મા બારામાય બોજ હારાં બોલતાહા બાકી ચ્યા માયેવોય હાચ્ચાં પ્રેમ નાંય કોએત. 9 એને ચ્યાહા ભક્તિ માંહાટી નકામી હેય, કાહાકા ચ્યા માઅહાથી બોનાડલા નિયામાહાન પોરમેહેરા નિયમા રુપામાય લોકહાન હિકાડતાહા."