માથ્થી 16

પોરૂષીયાહા એને સાદૂકીયાહા ખમીર

5 શિષ્ય નોયે ચ્યેમેરે જાત્યે સમાયે બાખે લેઅના વિહરાય ગીયા. 6 ઈસુવે ચ્યાહાન આખ્યાં, "એઆ પોરૂષી લોકહા એને સાદૂકીયા ખમીરથી બોચાંહાટી હાચવીન રોજા." 7 ચ્યા ચ્યાહા વોચમાય વિચાર કોઅતા એને આખા લાગ્યા, "તો એહેકેન યાહાટી આખી રીયલો હેય કાહાકા આમેપાય પુરત્યો બાખે નાંય હેય." 8 ઈ બોદા જાંઆઈન, ઈસુવે ચ્યાહાન આખ્યાં, "ઓ વોછા બોરહા વાળહાય, તુમા યોક-બિજા આરે કાહા વિચાર કોઅતાહા કા આપહેવોય બાખે નાંય હેય? 9 કાય તુમા આજુ લોગુ નાંય હોમજ્યાહા કા? કાય તુમહાન ચ્યા પાચ ઓજારાહા પાચ બાખ્યો નાંય ઇત હેય કા, એને નાંય કા તુમાહાય કોલ્યોહો ટોપલ્યો બોઅલ્યો? 10 એને ચ્યા ચાર ઓજાર લોકહાહાટી હાંત બાખ્યો મુડયો, એને નાંય કા તુમાહાય કોલ્યોહો ટોપલ્યો બોઅલ્યો? 11 તુમા કાહાનાય હોમજ્યા કા માયે તુમહાન બાખ્યે બારામાય નાંય આખલા કા, બાકી એહેકેન કા પોરૂષી લોકહા એને સાદૂકી લોકહા પાયને હાચવીન રોજા." 12 તોવે ચ્યાહાન હોમાજ પોડ્યા કા, ચ્યે બાખે ખમીરા આરે નાંય, બાકી પોરૂષી લોકહા એને સાદૂકી લોકહા શિક્ષણાથી હાચવીન રા આખલા આતા.