માથ્થી 18

ગુનેગારાહા બદાલ આપહાય કાય કોઅના

15 જોવે તુમહેઆરે કાદો હાંગાત્યો વિસ્વાસી તો વિરુદ પાપ કોઅહે, તોવે જાયન યોખલામાંય ચ્યા બુલ હોમજાડી દે, જોવે તો તુમહે આખલ્યા પાળે, તો તુયે ચ્યાલ જીતી લેદહો. 16 બાકી જોવે તો નાંય પાળે, તોવે યોક બેન માઅહાન આરે લેતો જો, યાહાટી કા બોદી વાત બેન તીન સાક્ષીયાહા વાતહે કોઇન સાબિત ઓઅઇ. 17 જોવે તો ચ્યાહાબી નાંય પાળે, તોવે મંડળ્યેલ આખી દે, બાકી જોવે તો મંડળીબી નાંય પાળે, તોવે તુમા ચ્યાઆરે એહેકેન વેવહાર કોઅજા જેહેકોય ગેર યહૂદી એને કર લેનારા આરે કોઅહા.

યોકમોન ઓઇન માગના

18 "આંય તુમહાન હાચ્ચાં આખતાહાવ, જીં કાય તુમા દોરત્યેવોય બેગા કોઅહા, તીંજ હોરગામાય બેગા કોઅહા એને જીં કાય તુમા દોરત્યેવોય ખોલાહા, તી હોરગામાય ખુલી. 19 આંય પાછો તુમહાન આખતાહાવ, જોવે તુમહેમાઅને બેન માઅહે દોરતીવોય યોકદયે જરુરી વાતેહાટી યોકા મોનાકોય પ્રાર્થના કોઇન માગે, ચ્યાહાન હોરગામાઅને આબહો દી. 20 ઈ યાહાટી કા જાં બેન કા તીન મા શિષ્ય ઓઅના લીદે બેગા ઓઅતાહા તાં આંય ચ્યાહા વોચમાય રોતાહાંવ."