23 "આંય તુલ ઈ આખતાહાવ યાહાટી હોરગા રાજ્યા ચ્યા રાજા હારકા હેય, જ્યેય આપહે ચાકારાહા ઇસાબ લાં માગહે. 24 એને જોવે ઇસાબ કોઅતો લાગ્યો તોવે યોકા જાંઆલ લેય યેનલા, ચ્યા દસ ઓજાર તાલાંત એટલે યોક તાલાંત પંદર વોરહા મોજર્યે કોરજામાય આતો. 27 તોવે ચ્યા ચાકારાવોય રાજાલ દયા યેની, તોવે ચ્યા બોદાંજ કોરજાં માફ કોઅયા એને ચ્યાલ જાં દેનો.
28 "બાકી જોવે તો ચાકાર બાઆ ગીયો, તોવે ચ્યા હાંગાત્યા ચાકાર માઅને યોક બિજો ચાકાર મિળ્યો તો ચ્યા (૧૦૦ દીનાર) હોવ દિહાહા મોજર્યે પોયહા કોર્જદાર આતો, તોવે ચ્યે ચ્યાલ ગોગ્યેમાય દોઇન આખ્યાં, ‘જીં કાય તોપાય કોરજાં હેય ચ્યાલ તું ચુકાડી દે.’" 32 તોવે ચ્યા રાજાય ચ્યાલ હાદિન આખ્યાં, ઓ લુચ્યા ચાકાર, તુયે જીં માન રાવ્યાં કોઅયેલ, તોવે માયે તો બોદા કોરજાં માફ કોઅઇ દેનેલ. 33 તે જેહેકોય માયે તોવોય દયા કોઇન તો કોરજાં માફ કોઅયા, તેહેકોયન કાય તુલબી તો હાંગાત્યા ચાકારાવોય દોયા કોઇન ચ્યા કોરજાં માફ કોઆ નાંય જોજે કા?