20 તોવે જબદયા પાહા આયહયે આરે જાયને ઈસુવાપાય યેયન પાગે પોડયેં, એને ઈસુલ રાવ્યાં કોઅરા લાગી. 21 ઈસુવે ચ્યેલ આખ્યાં, "તું કાય માગતીહી?" ચ્યેય ચ્યાલ આખ્યાં, "ઈ વચન દે કા મા યા બેન પાહા તો રાજ્યામાય યોક જાંઆ જમણે આથે એને યોક ડાબે આથે બોહે."
24 ઈ વોનાઈન દોહો શિષ્ય યાકૂબ એને યોહાનાલ ખિજવાયા લાગ્યા. 25 તોવે ઈસુય ચ્યાહાન પાહી હાદિન આખ્યાં કા, "તુમહાન ખોબાર હેય, કા જ્યા લોક યા દુનિયામાય જ્યા ઓદિકારી ગોણાતાહા, ચ્યે ચ્યાહા ઓદિકારા ઉપયોગ ચ્યાહા તાબામાઅને લોકહાઉપે ઓદિકાર ચાલાડાહાટી કોઅતાહા. 26 બાકી તુમહામાય ઓહડા નાંય ઓરી, બાકી તુમહેમાય જો કાદો મોઠો બોના માગહે, તો તુમહે ચાકાર બોને, 27 એને જો કાદો તુમહામાય મુખ્ય ઓરા માગે, તો તુમહે દાસ બોને. 28 જેહેકોય કા આંય, માઅહા પોહો, બીજહા સેવા કોઅરાહાટી યા દુનિયામાય યેનો, યાહાટી નાંય યેનો કા બીજે મા સેવા કોએ, આંય ઘોણા લોકહાન ચ્યાહા પાપાહામાને છોડાવાહાટી પોતાનો જીવ દાં યેનો."
બેન આંદળાહાન ઈસુ દેખતા કોઅના
(માર્ક 10:46-52; લુક. 18:35-43)