માથ્થી 20

યોક આયહે માગણી

20 તોવે જબદયા પાહા આયહયે આરે જાયને ઈસુવાપાય યેયન પાગે પોડયેં, એને ઈસુલ રાવ્યાં કોઅરા લાગી. 21 ઈસુવે ચ્યેલ આખ્યાં, "તું કાય માગતીહી?" ચ્યેય ચ્યાલ આખ્યાં, "ઈ વચન દે કા મા યા બેન પાહા તો રાજ્યામાય યોક જાંઆ જમણે આથે એને યોક ડાબે આથે બોહે." 22 ઈસુવે ચ્યાહાન આખ્યાં, "તુમા ઈ નાંય જાંએ કા તુમા કાય માગતેહે? કાય તુમા બોગવાં હાટી તિયાર હેય, જેહેકોય આંય બોગાવનારો હેય, મોઅરાંહાટી જેહેકોય આંય મોઅહી?" ચ્યાહાય ઈસુલ આખ્યાં, "આમહે કોય ઓઅઇ હોકી." 23 ઈસુય ચ્યાહાન આખ્યાં, "જેહેકોય આંય બોગવીહીં, તેહેકોયજ તુમા બોગવાહા, તુમા મોઅઇ જાહા, જેહેકોય આંય મોઅઇ જાહીં, બાકી માન નોક્કી કોઅના ઓદિકાર નાંય હેય કા મા જમણે એને ડાબે આથે, કું તો માનાપાના જાગો મેળવી, પોરમેહેરાય ચ્યા જાગાલ તિયાર કોઅલા હેય, જ્યાહાન ચ્યાય નિવડયાહા ચ્યાહાહાટી."