35 કાહાકા આંય બુખો આતો, એને તુમાહાય માન ખાઅના દેના, આંય તરસ્યો આતો તોવે તુમાહાય માન પાઆઈ દેના, આંય પારકો આતો, બાકી તુમાહાય માન તુમહે ગોઆમાય જાગો દેનો. 36 આંય ઉગાડો આતો, એને તુમાહાય માન ડોગલેં પોવાડયે, આંય માંદગી માય આતો, તોવે તુમાહાય મા ચાકરી કોઅયી, આંય જેલેમાય આતો તોવે તુમા માન મિળાં યેના.’"

37 "તોવે ન્યાયી માન જાવાબ દેઅરી, ‘ઓ પ્રભુ, આમાહાય તુલ કોવે બુખો દેખ્યો, એને ખાઅના ખાવાડ્યા? કા તરસ્યો આતો તોવે પાઆઈ પાજ્યાં? 38 આમાહાય તુલ કોવે પારકો દેખ્યો એને આમે ગોઅમે રાખ્યો કા ઉગાડો દેખ્યો, એને ડોગલેં પોવાડયે? 39 આમાહાય કોવે તુલ બિમાર કા જેલેમાય દેખ્યો, એને તુલ મિળાં યેના?’ 40 તોવે રાજા ચ્યાહાન જાવાબ દી, આંય તુમહાન હાચ્ચાં આખતાહાવ કા, તુમાહાય મા યા વાહનામાય વાહના શિષ્ય માઅને યોકા આરેબી કોઅયા, તી માંજ આરે કોઅયા?"