17 જેહેકેન પવિત્રશાસ્ત્રમાય લોખલાં હેય, "માયે તુલ બોજ જાત્યેહે આબહો ઠોરવ્યોહો" પોરમેહેરા નોજરેમાય આબ્રાહામ આપહે આબહો હેય, ચ્ચાય ચ્ચા પોરમેહેરાવોય બોરહો કોઅયો, જો પોરમેહેર મોઅલા માઅને પાછો જીવતો કોઅહે, એને જ્યો વાતો અસ્તિત્વામાય હેયેજ નાંય, ચ્ચેહે નાંવ એહેકોયન લેતહેં કા ચ્ચે અસ્તિત્વામાય હેય.
18 ચ્યાય નિરાશા માયબી આશા રાખીન બોરહો કોઅયો, એને બોજ જાત્યેહે આબહો બોની ગીયો, જેહેકેન પવિત્રશાસ્ત્રમાય આબ્રાહામા બારામાય લોખલાં હેય, કા "આબ્રાહામ બોજ જાત્યેહે આબહો ઓઅરી." 19 આબ્રાહામ ઈ જાંઇનબી કા તો પોહેં પૈદા કોઅરાહાટી બોજ ડાયો ઓઅય ગીયહો કાહાકા ચ્યા ઉંબાર લગભગ હોવ વોરહે ઓઅય ગીયેલ, એને સારાબી વાંયટી આતી, તેરુંબી આબ્રાહામ બોરહો કોઅતો રિયો.
20 આબ્રાહામાય પોરમેહેરા વાયદાહાવોય શંકા નાંય કોઅયી બાકી ચ્યાવોય મજબુત બોરહો કોઇન પોરમેહેરા મહિમા કોઅયી. 21 એને નોક્કી જાંઅયા કા જીં વાતે પોરમેહેરાય વાયદો કોઅલો હેય, તી પુરી કોઅરાહાટી પોરમેહેર બોરહાવાળો હેય.