12 યાહાટી પાપ કોઅરાહાટી તુમહે શરીરાલ પાપા ગુલામ નાંય બોના દા, એને પાપા ઇચ્છા નુસાર કામ નાંય કોઅના. 13 તુમા તુમહે પોતાના શરીરા અવયવાલ ખારાબ કામ કોઅરાહાટી પાપાલ નાંય હોપતે, બાકી પોતાલ મોઅલા માઅને જીવી ઉઠના હોમજીન તુમહે જીવનાલ પોરમેહેરાલ હોઅપી દા, એને તુમહે શરીરા અવયવાલ હારેં કામ કોઅરાહાટી તુમહે જીવનાલ પુરીરીતે પોરમેહેરાલ હોઅપી દા. 14 તોવે તુમહાવોય પાપા ઓદિકાર નાંય ઓરી, કાહાકા તુમા મૂસા નિયમા આધીન નાંય બાકી પોરમેહેરા સદા મોયા આધીન જીવતાહા.
પાપા ગુલામથી, પોરમેહેરા ચાકાર
15 આપા મૂસા નિયમાહા આધીન નાંય હેય, બાકી પોરમેહેરા સદા મોયા આધીન હેય, યાહાટી આપહાન પાપ કોવેજ નાંય કોઅરા જોજે. 16 તુમા જાંઅતેહે કા જોવે તુમા કાદા ગુલામ બોની જાતહેં તોવે તી માઅહું તુમહે દોણી બોની જાહે, ઓઅય હોકે તુમા પાપા ગુલામ ઓઅય હોકતેહેં જીં મોરણા એછે લેય જાહે, યા તુમા પોરમેહેરા આગના પાળી હોકતેહેં જીં ન્યાયી જીવના એછે લેય જાહે.
17 તુમા પેલ્લા પાપા ગુલામ આતેં, બાકી આમી તુમા ચ્યા શિક્ષણા પાલન કોઅતેહે, જીં તુમહાન હિકાડયાં, યાહાટી આંય પોરમેહેરા ધન્યવાદ કોઅતાહાંવ. 18 પોરમેહેરાય તુમહાન પાપા ગુલામીમાઅને છોડાવીન ચ્યા ચાકાર બોનાડ્યા, જેથી તુમા જીં હારાં કામ હેય તી કોઆ.
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)