15 એને આંય જીં કોઅહુ ચ્યાલ નાંય જાંઉ, કાહાકા આંય જીં કોઅરા દારહું તી નાંય કોઉ, બાકી જ્યા માન ઘૃણા ઓઅહે, તીંજ આંય કોઅહુ.
18 કાહાકા આંય જાંઅહું, કા માંયેમાય એટલે કા મા શરીરા સ્વભાવામાય હારી વસ્તુ વાસ નાંય કોએ, ઇચ્છા તે મા માય હેય, બાકી હારેં કામે માયેકોય ઓઈ નાંય હોકે.
19 કાહાકા જીં હારાં કામ કોઅરાહાટી આંય ઇચ્છા કોઅહુ, તી તે નાંય કોઅય હોકુ, બાકી આંય જીં ખારાબ કામ નાંય કોઅરા માગુ, તીંજ કોઅયા કોઅહુ.
24 આંય કોહડો દુઃખી માઅહું હેતાંવ, માન પોરમેહેરાપાઅને દુઉ કોઅનારા યા શરીરાપાઅને કું છોડાવી? 25 આંય પોરમેહેરા ધન્યવાદ કોઅતાહાંવ, જ્યાંય પ્રભુ ઈસુ ખ્રિસ્તાકોય માન બોચાવ્યો, મોનાકોય આંય પોરમેહેરા નિયમાહા સેવા કોઅતાહાંવ, બાકી શરીરાકોય પાપા સેવા કોઅતાહાંવ.