A tlapga Yasu ad ufa ghǝdiv
12 Tǝkǝtla sar, madv Yasu zǝ furakh sar ǝn ɗuda Betani. Ka ndzikǝnǝf way kǝ Yasu. 13 Ka nǝgha Yasu ad ufa ghǝdiv ngudǝv kǝ bit, ka dǝgal tsin da vaza zǝr ǝn tǝf. Da tsǝn da tǝ vǝgh, na dǝge a mbǝladuwin ǝn tǝ bi, uk mas, wirva sarta yig zǝr ba yanen kǝ gǝdiv bi. 14 Ka nǝv Yasu kǝ ufa ghǝdiven, "Na ude da gwidǝn zu zǝr ufagh bi." A tsǝna kǝ furakh sar ad dǝge kwargin.
20 Tǝkǝdla pǝrt, madv Yasu zǝ furakh sar ǝn dǝgal. Ka nǝgha nǝgha tsitar ufa ghǝdive tsa tlapga Yasu a ghulal tangw da tǝ tlǝl. 21 Ka dzamana Bitrus, niya kǝ Yasu, "Malǝm, vaza dǝ ufa ghǝdive tsa tlapgakh a ghulkaval."