1 Coríntios 7

Vulu vai

1 Ade naati pɛtɛna, faiti wo ti-ma zɛʋɛi ɠɛai mà. Pagɛ zunui ma ga é mina anzanu vulu.*7:1 Pagɛ zunui ma ga é mina anzanu vulu: Tati pelei taɠili ɓalaa ka ga nii: Wo ɠɛni ma: «Pagɛ zunui ma ga é mina anzanu vulu» 2 Kɛlɛ tama, nii a kɛ koloɠologi maala, fizɔgɛ zunui ɠilagilagi ɓɔɠɔ anzai ɠɛ zea, anzanui ɠilagilagi ɓɔɠɔ zinigi ɠɛ zea. 3 Zunui zini tosuʋɛ ɠɛ anzanui ʋɛ, anzai anzanu losuʋɛ ɠɛ ɠana nɔ sinigi ʋɛ. 4 Mazɔlɔɔ anzai ɓusɛi la nɔ ga tɔ ɓɔɠɔi nɔnɔ, toɠa ga sinigi nɔnɔ. Zenɔ ɠana é la, anzazinigi ɓusɛi la ɓalaa nɔ ga tɔ ɓɔɠɔi nɔnɔ, toɠa ga anzai nɔnɔ. 5 À mina yeeɠula wa-lakobai wu, kɛni wa zoloona su yeeɠɛɠala laawu, nii a kɛ wo ɓɔɠɔ ve GALA falii ya. Naa ʋolu wo ɠale ma ɓɔɠɔ ma, naa ɠa a kɛ, Setana mina wo lɛ ga, ga wa ɓɔɠɔzotalai maaʋele.