Tɛnɛbo Nui 4

Tɛnɛ gooiti

9 Nu felegɔi ɓɔgai su, naa vizɔgɛ nu ɠilagi ʋa,

ta ɠɛna fele, ta ɗa ta-wotii zulɔnɔgi zɔlɔɔ.

10 Ni gila ka loona, bɔɔlai ɠa ɗa buzeɠe,

kɛlɛ zɔi tɔ ɠila be, naa maawɔingo,

ni a loona, bɔɔla la ná, nii a buzeɠe.

11 Ʋele nɔ ɠana é la, ni nu wa ɠɛna laani ga nu felegɔ betei zu,

diegi ɠa zoo zeizu wo ma,

kɛlɛ zɔi tɔ ɠila é laani,

diegi ɠa zoo zeizu ɠale naa ma?

12 Ni nui ta a ɠɛna ná, é ɗa vɔni nu ɠilagi ma,

nu felegɔi ɠa zoo vɔnisu tɔun ma.

Galu ʋɔɛngi nii é ma ga saʋagɔ,

naa leʋe la ɓaaʋɛ.