Gênesis 2

21 Ɠɔoɠɔ GALAGI ɲiimɛni wolai lɔɔni zunui ɠaazu, é ɲi. É kaka ɠaegi gila seɠeni, é ma zuai laaɠulu pogi zu. 22 Ɠɔoɠɔ GALAGI anzanui ɓɛtɛni ga naama ɠaka ɠaegi, nii é seɠeni, é kula zunui ɠakai zu, é ʋaani la zunui ʋɔ.

23 Zunui ɠɛni ma:

«Niizu nii ɠa é ga kaei, nii é ga mà ɠaei,

kpusɛi nii é ga kpùsɛi.

Daaseigi ɠa ʋɛɛ ga anzanui,

mazɔlɔɔ kulaʋɛ zunui zu.»

24 Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti ɠɛ ga kpusɛ ɠila.