13 GALA ge ɠɛni Nowe ma: «Gè devea ga gè kpɛtɛanii kpein sii ɠaaɓela, mazɔlɔɔ nuiti ti eteai laavega ga toomai. Naa ɠa é ba, nà ti undaaʋilisu zooi ɠa. 14 Kein golai ɓɛtɛ ga gulu ʋagɔi. Ɗa teʋeleʋe su ga pɛlɛ goiti, è managi ziɛ koozuʋɛ ta poluʋɛ. 15 Wɛlɛ ʋelei ɗa kɛ la: keingi zakpai ɠa ɠɛ ga mɛtɛlɛ ungila puulɔɔlugɔ (150), kogi ɠɛ ga mɛtɛlɛ ʋuufelegɔ maazu lɔɔlugɔ (25), ta gaalɔgai ɠɛ ga mɛtɛlɛ puugɔ maazu lɔɔlugɔ (15). 16 Ɗa fiilɛ zosuʋɛ ɠɛ ba maazuʋɛ kavagi wu, é ɠaku ma, nii tiegɔi a ɠɛ ga mɛtɛlɛ ʋalisaamai liegɔi. Ɗa daaʋɛ ɠula kakamaʋɛ. Ɗa sangasoi lo suʋɛ, ma ʋɛlɛi ɠɛ ɓɔɠɔ maazu ga saʋagɔ.