Wɔlɔme 2

GALA ná-tukpɔɠaaleʋei

1 Ɗa ʋe, ɗɛi è zɔiti tukpɔɠaaleʋezu, deɠɛmu goozuɠula nɔpɛ ge la è ya, è ɠɛni ga nui ma zii nɔpɛ. Mazɔlɔɔ siɛgi zu è zɔiti peelalazu la, ɗa ɓɔɠɔi ma è ɗa ziɛ ga ti ɠɛʋele, ɗa ɓɔɠɔ ʋeelalazu ɗa ɓɔɠɔi. 2 De kwɛni ga GALA ka naa ɠɛɠala ɠɛɛwotiiti kɛ nuiti tukpɔɠaaleʋezu gaamai zu. 3 Ɗa ɠisiɛzu ga GALA ge la è ʋeelalaa ɓaa, ɗɛi è nuiti peelalazu, niiti ti naama vaiti kɛɛzu, tama è ɗa kɛɠalai ɠɛ?