15 Hinte asatethay Kiristoosa asatethafe issi bagga gideysa ereketii? Yaatin, taani Kiristoosa asatethafe issi bagga efada laymatetha asatethi gidana mela ootho? Hanenna! 16 Laymatiya addey, I gahetiya maccaseera issi asatethi gideysa ereketii? Geeshsha Maxaafan, "Enti nam7ay issi asatethi gidana" geetetidi xaafetis.✝ 17 Shin Godaara issifiya asi iyara ayyaanan issino gidees.

18 Laymatethafe haakite. Issi asi oothiya hara nagari iya asatethafe karera oosetees, shin laymatiya asi ba asatethaa bolla nagara oothees. 19 Hinte asatethay, Xoossay hintew immida hintenan de7iya Geeshsha Ayyaana keethi gideysa ereketii? Hinte hintebaa gideketa.✝ 20 Xoossay hintena gaten shammis. Hessa gisho, hinte asatethan Xoosse bonchite.