1 Kawota Maxaafa 5

13 Kawoy Solomoney Isra7eele 30,000 madda ootheyisata dooridi kessis. 14 Adonraama geetetiya addiya enta bolla halaqa oothidi shuumis. He oosanchota tammu tammu mukulan shaakidi, heedzu cuga kessis; issi issi cugay taran taran bidi, issi ageena Libaanosen oothanaadanne nam7u ageena banta son daanada oothis. 15 Solomones tooho tookiya 70,000 asatinne shuchu qoo7iya 80,000 asati gezze biittan de7oosona. 16 Enta bolla halaqa gididi oosisiya 3,300 asata shuumis.