Dawitanne Saami
5 Kawoy Dawiti Biraqima katama yaa wode Saa7ola dabbo gidida issi addey yaape keyis. Iya sunthay Geera na7aa Saami. I Dawita baaddishe keyis. 7 Saami Dawita baaddishe, "Kicha; ha iitay kicha! Asa suuthu gussiya ha pathonaysi kicha.
10 Kawoy, "Hinteno, Xaruya nayto, hintera taara aybi gathii? Goday, ‘Dawita baadda’ yaagida gisho I baaddiyaba gidiko, ‘Neeni ayis hessa oothay?’ yaagidi oychanaw danda7ey oonee?" yaagis.
11 Hessafe guye, Dawiti Abisanne ba moorinnata, "Ta na7ay, ta ashoy, tana wodhanaw koyees; yaatin, ha Biniyaame addey waati aggane! Goday iya kiitida gisho I baaddees, iya bochofite. 12 Ooni eri, Goday ta metuwa be7idi, taani hachi ekiya baadetha gisho taw keeha qopaneeko" yaagis.