Ammaniya Asaa Woosa
23 Phexroosinne Yohaanisi birshetidi banta dabbotako bidi, kahine halaqatinne cimati bantako gidaba ubbaa entaw odidosona. 24 Enti hessa si7ida wode issi wozanan gididi Xoossaa haysada yaagidi woossidosona: "Ubbaa Haariya Godaw, saluwa, sa7aa, abbanne enta giddon de7iya ubbaba medhidayso,4:24 Kessa 20:11; Nahi 9:6; Maz 146:6. 25 Neeni ne aylliya, nu aawa Dawita doonan Geeshsha Ayyaanan,
" ‘Derey ayis yilotidonaa?
Asay ayis coo maqetidona?4:25 Maz 2:1-2.
26 Sa7aa kawotinne
deriya haareysati issife Godaa bollanne
Kiristoosa bolla dendidosona’ yaagadasa.
27 "Tumaka, Herodiisinne Phenxe Philaxoosi Ayhude gidonna asaaranne Isra7eele asaara ne doorida ne geeshsha Na7aa Yesuusa bolla dendanaw ha kataman shiiqidosona.4:27 Maato 27:1-2; Mar 15:1; Luqa 23:1, 7-11; Yoha 18:28-29. 28 Qassi neeni ne wolqaaninne ne sheniyan oothana gada qopa uttidaba ubbaa polidosona. 29 Ha77ika Godaw, enta mandetha be7a; nuuni ne aylleti ne qaala kumetha wozanan odana mela nuna danda7isa. 30 Ne geeshsha na7aa Yesuusa sunthan harganchota pathanaw, oorathabaynne malaatati oosetana mela ne kushiya micca" gidi woossidosona.
31 Enti Xoossa woossidaape guye, he enti shiiqida bessay qaaxis. Enta ubban Geeshsha Ayyaani kumin Xoossaa qaala minotethan odidosona.