Gabreeley Sinthafe Hananaba Odis
20 Taani woossashe, ta nagaraanne ta asaa Isra7eele nagaraa paaxashenne ta Xoossaa geeshsha zumabaa, Yerusalaameba Godaa, ta Xoossaas odashe gam7as. 21 Taani woosa bolla de7ishin, kase qoncethan ta be7ida Gabreeley, taako eeson piradhishe, omarsa yarsho yarshiya wode puttu gis.9:21 Luqa 1:19, 26. 22 I haysada yaagidi, taw odis: "Daanela, ta new eranne akeeka immanaw ha77i yas. 23 Neeni buroo woosa doomida wode ne woosa zaaroy imetis; ta hessa new odanaw yas. Xoossay nena daro dosees. Hessa gisho, ta odeysa qopa; qoncethaa akeeka.