18 Hessafe guye, Godaa Xoossay, "Addey barka de7eysi lo77o gidenna. Taani iya maaddana mela iyaw injetiya lagge medhana" yaagis.
19 Godaa Xoossay meheta, do7atanne salo kafota ubbaa biittafe medhis. Yaatidi, enta woygidi sunthaneko be7anaw Addaameko ehin, Addaamey de7oy de7iya medhetetha ubbaa sunthida sunthay enta sunthi gididi attis. 20 Hessadaka, Addaamey meheta, salo kafotanne bazzo do7ata ubbaa sunthis. Shin Addaames injetiyanne iya maaddiya laggey bentibeenna.
21 Hessa gisho, Godaa Xoossay Addaame wolqaama dhiskon yeggis. I dhisko hayqidashin iya miye meqethafe issuwa ekidi, he bessaa ashon kunthis. 22 Godaa Xoossay Addaamepe ekida meqetha macca oothidi medhis; yaatidi iyo iyako ehis. 23 Addaamey, "Ha meqethiya ta meqethafe, ha ashshiya ta ashope eketidaro. Iya addefe eketida gisho macca2:23 Macca: Ibraawetho doonan Macca geysaranne adde geysara nam7ay issino. Ibraawethon "Adde" geysi "Ish" geetetees; "Macca" geysi "Isha" geetetees. geeteto" yaagis. 24 Hessa gisho, asi ba aawanne ba aayiw aggidi, ba machera issife de7ees; nam7ay issi asi gidoosona.
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)