5 Xoossay ba qaalan, ba naytada hintena zoridaysa dogideta.✝12:5 Iyyo 5:17; Leemi 3:11-12.

"Ta na7aw, Xoossaa seera leqofa;

I nena seeriya wode ufaysi qanxofa.

6 Goday ba dosiya uraa seerees;

qassi ba na7ada ekiya ubba garaafes" yaagees.

7 Xoossay hintena ba naytada seeriya wode gencite; Aaway seeronna na7i oonee? 8 Xoossay ba nayta ubbaa seerees; hinte seerettonna ixiko tuma iya nayta gidonashin balako nayta. 9 Qassi nuna yelida nu aawati nuna seerosona; nuka entana bonchoos. Yaatin, nuuni nu ayyaana Aawas waanidi aathidi haaretoko?