Yohaanisa Wongela 14:21-26

Em outras traduções

1. GFBEVF Bíblia Gesha

   21 "ታ ኪታ ኤክድ ናገይ ታና ዶሴስ። ታና ዶሰይሳ ታ አዋይካ ዶሴስ፤ ታንካ እያ ዶሳይስ፤ ታኒ እያዉ ቆንጫና" ያግስ።

   22 አስቆሮታ ይሁዳ ግዶና ይሁድ የሱሳኮ፥ "ጎዳዉ፥ ኔኒ ዋታዳ አላምያስ ግዶናሽን ኑስ ነና ቆንጭሳኔ?" ያግስ።

   23 የሱሲ ዛሪድ፥ "ታና ዶስያ ኦንካ ታ ቃላስ ኪተታና። ታ አዋይ እያ ዶሳና። ቃስ ታ አዋይነ ታኒ እያኮ ይድ እያራ ዳና። 24 ታና ዶሶና ኦንካ ታ ቃላስ ኪተተና። ህንተ ስእያ ቃላይ ታና ኪትዳ አዋባፐ አትሽን፥ ታባ ግደና።

   25 "ታኒ ህንተራ ሀእ ደአሸ ሄሳ ህንተዉ ኦዳስ። 26 ሽን አዋይ ታ ሱንን ኪታና ምንያ ጌሻ አያናይ፥ ህንተና ኡባባ ታማርሳና። ታኒ ህንተዉ ኦድዳ ኡባ እ ህንተና ሀሳይሳና።

2. GOFNT Gofa New Testament

   21 "Ta kiitaa ekkidi naagey tana dosees. Tana doseyssa ta Aawaykka dosees; taanikka iya dosays; taani iyaw qonccana" yaagis.

   22 Asqoroota Yihuda gidonna Yihudi Yesuusakko, "Godaw, neeni waatada alamiyas gidonnashin nuus nena qonccisanee?" yaagis.

   23 Yesuusi zaaridi, "Tana dosiya oonikka ta qaalas kiitettana. Ta Aaway iya dosana. Qassi ta Aawaynne taani iyaakko yidi iyara daana. 24 Tana dosonna oonikka ta qaalas kiitettenna. Hintte si7iya qaalay tana kiittida Aawayssafe attin tabaa gidenna.

   25 "Taani hinttera ha77i de7ashe hessa hinttew odas. 26 Shin Aaway ta sunthan kiittana minthethiya Geeshsha Ayyaanay, hinttena ubbabaa tamaarssana. Taani hinttew odida ubbaa I hinttena hassayisana.