11 Godaa kiitanchoy yarsho yarshiya bessaafe ushacha baggara eqidi bentis. 12 Zakaryaasi iya be7ida wode dagammidi daro yayyis. 13 Shin kiitanchoy iyako, "Zakaryaasa yayyofa; ne woosay si7etis. Ne machiya Elsabeexa adde na7a yelana, iya Yohaanisa gada ne sunthana. 14 I new injenne ufaysi gidana; daroti iya yeletethan ufaytana. 15 Godaa sinthan I gita gidana; woyne ushshi gidin hara mathoyiya ushsha uyenna. Ba aaye ulon de7ishe Geeshsha Ayyaanan kumana.1:15 Taybo 6:3. 16 Isra7eele asatape darota banta Godaa, Xoossaako zaarana. 17 Aawata wozana naytako zaarana, kiitetonayisata xillota cincatethaako zaarana mela, Godaas bessiya dere giigisanaw Eeliyaasa ayyaananinne wolqan Godaa sinthan baana" yaagis.1:17 Milki 4:5-6.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)