Mateus 17

Yesuusa Malay Laametis

1 Usupun gallasape guye Yesuusi, Phexroosa, Yayqoobanne iya ishaa Yohaanisa baara ekidi bantarka gidanaw zuma bolla keyis.✝17:1 2 Phex 1:17-18. 2 Yan enta sinthan Yesuusa malay kumethi laametis; iya som7oyka awada xolqis. Iya ma7oyka daro booxis. 3 Heko, Museynne Eeliyaasi iyara odetishin be7idosona. 4 Phexroosi Yesuusako, "Nuuni haysa hashshu yida. Ne koyko issino new, issino Muses, issino Eeliyaasas haysan heedzu shaqara shaqarana" yaagis. 5 Phexroosi hessa buroo odishin bootha shaaray entana kammis. Shaara giddora, "Tana ufaysiya, ta dosiya na7ay haysa, iya si7ite!" giya qaalay yis.✝17:5 Medhe 22:2; Maz 2:7; Isa 42:1; Maato 3:17; 12:18; Mar 1:11; Luqa 3:22; Zaare 18:15.