Xammaqiya Yohaanisa Oge Giigisuwa
1,2 He wode Xammaqiya Yohaanisi, "Xoossaa kawotethay matatida gisho hinte nagaraape simmite" yaagidi sabbakishe Yihuda mela biitta bis.3:1-2 Maato 4:17; Mar 1:15. 3 Nabiya Isayaasi Yohaanisaba odidaysa mela,
"Mela biittan,
issoy ba qaala dhoqu oothidi,
‘Godaa ogiya giigisite.
Iya horoga piddi oothite’ gis"3:3 Isa 40:3.
yaagetiday iyassa yaagis.
4 Yohaanisi gimale ikisepe oosetida afila ma77ees. Ba xeessan dafo dancees. I miya kathayka boolenne degera eessi.3:4 2 Kawo 1:8. 5 Asay he wode Yerusalaame katamaape, Yihuda biitta ubbaafenne Yordaanose Shaafa heerape iyako yoosona. 6 Banta nagaraa paaxidi Yordaanose Shaafan Yohaanisa kushen xammaqetosona.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)