Xoossa Siiqo
31 Yaatin, nu ha ubbaas woyganee? Xoossay nu bagga gidiko nuura oone eqetanay? 32 I hari attoshin, ba na7aas qadhetonnashin, nu gisho aathidi immis. Yaatin, ba na7aa nuus aathidi immidaysi waanidi ubbaba coo immennee?
33 Xoossay entana xillisida gisho I dooridaysata oone mootanay? 34 Yaatin, enta bolla pirdanaw danda7ey oonee? Oonika baawa. Hayqope dendidi Xoossaa ushachan uttida, Kiristoos Yesuusi, I nuus gaannatees.
35 Hiza, nuna Kiristoosa siiquwape shaakanay oonee? Waayeye woyko metoye woyko goodeye woyko kosheye woyko kallotetheye woyko yashsheye woyko oleyee? 36 Geeshsha Maxaafan,
"Nuuni ne gisho kumetha gallas hayqoos;
shukas efiya dorsada taybetida"8:36 Maz 44:2.
geetetidi xaafetidaysa mela gidis.
37 Shin nuuni, nuna siiqida Kiristoosan ha ubbaa polo xoonos.
38 Hessa gisho, hayqo gidin de7o gidin kiitanchota gidin haareyisata gidin ha77i de7eysa gidin sinthafe yaanaysa gidin wolqaamata gidin, 39 salo wolqaa gidin sa7a wolqaa gidin ay medhetethi gidin nu Godaa, Kiristoos Yesuusan de7iya Xoossaa siiquwape nuna shaakanaw danda7onnaysa taani eras.