Xiillo ayanay immida imotata
1 Ta ishato ayanay immiza imotetha gishshi inte issi miish erana mala ta koyays. 2 Inte ammananape kase coo mela heene haane guussan inte erontta kaalethetidi duuna muume gidida eeqatako bidayssa inteka ereta. 3 Hessa gishshi oonikka Xoossa ayanan hasa7ishe "Yesusay qangettidade" geena. Hessaththoka xiillo ayanan gididi attin oonka "Yesusay Goda" gaana uray donttayssa ta intes yotays. 4 Asas imotethi duma duma gidishin ayanay gidiko issinokko. 5 Oothoyka duma duma gidshin Goday gidiko issakko. 6 Duma duma ootho ogeti diikoka wursika oothizay issi Xoossakko. 7 Gido attin xiillo ayana qoncciso imotay issades imetizay issife go7etanaskko.