Colossenses 1

12 mu paranga leana lao tana Tamada aza za vasomana izongodigita na kobuna na izizongo za vatana vadi ria nana tinoni qari suvere pa kabere. 13 Aza za na Tamaza za alogita pana neqi tana rodomo ko za vakarovogita pana binangara tana Tuna aza za roquroqua, 14 na Tuna aza za ruvatagita ko qari taleozo ria nada sela.

Na Karisito za Poreveveina Jola

15 Na Tuna aza za na kirena na Tamaza paena,

na podo moedi doru vinapodaka.

16 Ko pana Tuna za vapodakadi na Tamaza

za doru zakazava pa noka beto pa pezo-

ria na zakazava tabatadi beto na paedi,

ria na okokoto neqi beto na bangabangara,

ria qari totoli beto ria qari poredia viva.

Doru zakazava za vapodakaria na Tuna,

ko qari podaka vani aza.

17 Na Tuna za tori suverenana tu tonai qari oqoro podaka doru maka za,

ko aza tugu za aru varikamudi doru zakazava.