Tumu Siiqo
1 Ta asa qaalaninne salo kiitanchchata qaalan haasaykkoka taas siiqoy baynda aggiko coo mela birata giirissa mala woykko daala giirissa mala. 2 Tinbite haasayza imotay taas diikkoka, woykko xuura yo7otanne erateth wursa ta erikkoka, zumay izi dizasoppe dhoqallada haraso diggiza ammanoy taas diikkoka hessa wursaka siiqoy baynda ta ooththiko hessi hada.13:2 Mato 17:20; 21:21; Mar 11:23 3 Taas dizaaz wursa manqotas ta immikokka, ta asateth ta taman xuuggikokka,13:3 Taman xuuggikokka: Taman xuuggikokka gizayssa issi issi Geeshsha Maxaafati otoreteththas geettes. siiqoy baynda aggiko tana hessi aykkoka maaddenna.
4 Siiqoy dandaya, qasseka kiya; siiqoy miqqaynenna; ceeqettenna; otorettenna; 5 bessonttaaz ooththenna; ba go7a xalla xeellenna; qoho qoodan yeggenna. 6 Siiqoy tumanppe attiin makkallan ufayettenna. 7 Siiqoy ubba wode dandayees; ubba wodekka ammanees; ufays ooththeessinne minni eqqees.