Kessa 2

Muse Yeleteth

1 He wode issi Lewe qommo gidida addey Lewe macca nayo machcho ekkides; 2 iza qanththatada adde naa yeladus. Naazikka mala lo7o naa gididayssa beyada heedzdzu agina qottadus.✝2:2 Hawa 7:20; Ib 11:23 3 Gido attiin iza hessafe daro qottanaas dandayonttayssa erada, shaccafe keeshe izas daddada shidan meeshada, naaza iza giddon woththada Nayle shaafa doonan duureessa*2:3 Duureessa: Duureessa geetettizayssi issi issi bagga gamoththo qaalan halkasha geetettees. geetettiza maata giddon woththadus. 4 Iza michcheya iza bolla aazi hananaakko beyanaas haahon eqqada xeellawus.

5 Gibxe kawo naya bolla meecettanaas Nayle shaafa wodhdhadus; izi macca aylletikka haaththa doonan yaanne haa hemetteettes; iza keesheza duureessa geetettiza maata giddon beyada, baada ekkada yaana mala ba aylleyo kiittadus; 6 keesheza doyada he guuththa naaza beyadus. Izi yeekkiza gishshas izas qadhettada, «Hayssi Ibraaweta guuththa naytappe issaa gidontta aggenna» gadus.

7 He wode iza michcheya kawaa nayo, «Nees ha naaza dhanththanaas Ibraawetappe issi maccas ehanaas boo?» gaada oychchadus. 8 Histtiin iza, «Ee, ba» gadus. Naya baada he naaza aayo ehadus. 9 Kawoza naya he maccassayo, «Hayssa naaza efada taas dhanththaashsha; tani nees damoza qanxxana» gadus. Maccassaya naaza efada dhanththa dichchadus. 10 Naazi dicciin kawo naykko iza ehiin izi izis naa gidides; «Tani iza haaththafe kessadis» gaada iza Muse ga sunththadus.*2:10 Muse guussi Ibraaweta qaalara, «Keso» guussa.