Yesusi Bonchchon Yerusalaame Gelides
12 Wonteththa gallas ba7aaleza bonchchana yida derey Yesusi Yerusalaame yizayssa siyides. 13 Zamba hayth ekkidi Yesusa mokkana kezides; derey qaala dhoqqu histtidi, «Hoosa7inna! Godaa sunththan yiza Isra7eele kawoy anjjettidayssa!» gides.12:13 Maza 118:25-26
14,15 Beni, «Hanne!
Xiyoone nayee, babbofa!
Hekko ne kawoy
hare gutte toggidi yees»
geetetti xaafettida mala
Yesusi hare gutte
demmidi toggides.12:14-15 Zaka 9:9
16 Iza kaallizayti hessa ubbaa koyro wozinan woththibeettenna. Iza gishshas xaafettidayssanne izas oosettida hanokka ubbaa Yesusi hayqoppe dendidaappe guye erida.
17 Alazaare duufoppe xeygidi hayqoppe denththida wode izara issife diza asay iza denththaa gishshas markkattida. 18 Daro asikka izi hessa mala gita malaata ooththidayssa siyidi iza mokkana kezides. 19 Hessa gishshas Farsaaweti ba giddon issoy issaa, «Histtiin nuni ay ooththana dandayzonii? Be7ite! Kumeththa derey attontta iza kaallees» gida.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)