6 «Inttefe oonikka baas asho dabbora laymatoppo; tani GODAA.
7 «Ne aayeyra laymatada ne aawa kawushshofa; nees aayo gidida gishshas izira laymatoppa.
8 «Ne aawaas hara machchetarakka laymatada ne aawa yeellachchofa.18:8 Lewe 20:11; Zaare 22:30; 27:20
9 «Ne michcheyra laymatoppa; hessaththoka nenara issife diccidaaro gidiin woykko harason diccidaaro gidiin ne aaway yelida hara machchi naa woykko ne aaya hara azinas yelida macca nayra laymatoppa.18:9 Lewe 20:17; Zaare 27:22
10 «Nees yeella gidontta mala nees naaza nayra, woykko nees nay nayra laymatoppa.
11 «Ne aawaas hara machcha yelida ne michcheyra zin7ofa; gaasoykka iza nees michcho.
12 «Ne aawa michcheyra zin7ofa; gaasoykka iza nees michcho. 13 Ne aayey michcheyrakka zin7ofa; gaasoykka iza ne aayeys asho dabbo.
14 «Ne aawa isha machchira zin7ofa; gaasoykka iza nees aawa machchi mala.18:12-14 Lewe 20:19-20
15 «Ne naaza machcheyra zin7ofa; iza nees naaza machcho gidida gishshas izira zin7ofa.18:15 Lewe 20:1 16 Ne isha machcheyra zin7ofa; gaasoykka iza nees isha machcho; hessi ne isha kawushshiza miishsha.18:16 Lewe 20:21
17 «Aayeyranne nayra zin7ofa; izis nay naaza nayranne nays nay nayra zin7ofa; isttika izas mata dabbo gidida gishshas hessaththo hanoy kawushshateththa.18:17 Lewe 20:14; Zaare 27:23
18 «Ne machchiya paxa dishin izi michchiyo dawuth ekkofa; izirakka laymatoppa.
19 «Aginan aginan beettiza maccassa wogay yiza wode maccassara zin7ofa.
20 «Hara asa machchira zin7ada nerkka nena tunisoppa.18:20 Lewe 20:10
21 «Ne naytappe oonakka molooke geetettiza eeqas xuugettiza yarsho ooththa immofa; gaasoykka ne Xoossaa sunth tunisoppa; tani GODAA.18:21 Lewe 20:1-5
22 «GODAA sinththan ixettida miish gidida gishshas maccassara zin7iza mala addera zin7ofa.18:22 Lewe 20:13
23 «Adde gidiin woykko maccassi mehera parattidi banateththaa tunisoppo; hessa mala hanoy kawushshateththa.18:23 Kessa 22:19; Lewe 20:15-16; Zaare 27:21
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)