1 ಯೇಸು ಕ್ರಿಸ್ತಾಚಾ಼ ಅಪೊಸ್ತಲ್ ಜಾ಼ಲ್ಯಾಲ್ಯಾ ಪೇತ್ರಾನಿ, ಪೊಂತ, ಗಲಾತ್ಯ, ಕಪ್ಪದೊಕ್ಯ, ಆಶಾ, ಭಿಥುನ್ಯ ಮಂಥ್ಯಾಲೆ ಸೀಮತ್ನಿ ಪಗ್ಳುನ್ ಗೆಲ್ಯಾಲ್ಯಾ ಪರದೇಸಿ ಜಾ಼ಲ್ಯಾಲಿ ದೇವಾಚಾ ಲೊಕಾನಾ ಮಂಜೆ, 2 ಪವಿತ್ರಾತ್ಮಾನಿ ನಿವಡ್‌ಲ್ಯಾಲಿ ವ್ಹವುನ್, ಐಕಾಯಾವ್ಹಯಿ ಮನ್ಹುನ್, ಯೇಸು ಕ್ರಿಸ್ತಾಚ಼ ರಗಾತ್ ಸಿಪ್ಡುನ್, ಬಾ ದೇವಾಚಾ ಭವಿಶಾಚಾ ಗಿನ್ಯಾನಾನಿ ನಿವಡ್‌ಲ್ಯಾಲ್ಯಾನಾ ಲಿವಾಚ಼ ಕ್ಯಾ ಮಂಜೆ ತುಮನಾ ಕ್ರಪಾ ಥಂಡ್ಪನ್ ಖುಬ್ ವ್ಹವುನಿ.

3 ಆಮಚಾ಼ ಪ್ರಭು ಯೇಸು ಕ್ರಿಸ್ತಾಚಾ಼ ಬಾ ದೇವ್ ಜಾ಼ಲ್ಯಾಲ್ಯಾಲಾ ಸ್ತೊತ್ರ ವ್ಹವುನಿ. ತ್ಯನಿ ಯೇಸು ಕ್ರಿಸ್ತಾಲಾ ಮೆಲ್ಯಾಲ್ಯಾತ್ನಿ ಉಟಿವಲ್ಯಾಲ್ಯಾತ್, ಆಪ್ಲೆ ಮೊಟೆ ಕರ್ನಾನಿ ಆಮಾನಾ ಪರ್ತುನ್ ಜ಼ಗ್ನಾರಿ ಕರುನ್ ಪರ್ತುನ್ ಜ಼ಲ್ಮದಿವುನ್ ಜೀವಾಚಿ ಆಶಾ ಆಮ್ಚಿಪ ವಾಡ್ವುನ್, 4 ಆಮಾನಾ ನಾಹಿಸ, ಕಳಂಕಾ, ನಾಸ್ ನಸ್ನಾರಾ ಹಾಕ್ ಮೊರ‍್ಹ ಬಗ್ನಾರಿ ಕಿಲಿತ. ತ್ಯೊ ಹಾಕ್ ತುಮ್ಚಿ ಸಾಟಿ ಸ್ವರ್ಗಾತ್ ಥೆವ್‌ಲ್ಯಾ. 5 ಸರ್ತ್ಯಾಕಾಲಾತ್ ದಿಸಾಯಾ ತಯಾರ್ಜಾ಼ಲ್ಯಾಲಿ ರಕ್ಷನ್ ಇಸ್ವಾಸ್ ಥೆವ್ನಾರ‍್ಯಾ ತುಮಾನಾ ಗಾವ್ಹಾಯಾ ವ್ಹಯಿ ಮನ್ಹುನ್ ದೇವ್ ತುಮಾನಾ ಆಪ್‌ಲ್ಯಾ ಬಳಾನಿ ರ‍್ಯಾಕ್ನಾರ್. 6 ಆನಿ ತುಮಿ ಥೊಡ ದಿಸ್ ಗರಜ಼್ ಆಲಿತ ತರ ತರಚಾ ತರಾಸಾತ್ನಿ ದುಖ್ ಜಾ಼ಲತರಿ ಸಂತೊಶಾನಿ ಹಾಸಾ. 7 ನಾಸ್ ವ್ಹತ್ಯಾಲ, ಇಸ್‌ತ್ಯಾತ್ ಕಡಿವಲ್ಯಾಲ್ಯಾ ಸೊನ್ಯಾವ್ನಿ ಖುಬ್ ಕಿಮ್ತಿಚಾ಼ ತುಮಚಾ಼ ಇಸ್ವಾಸ್ ಹ್ಯಾ ಕಷ್ಟಾತ್ನಿ ಪಾರ್ಕುನ್ ಯೇಸು ಕ್ರಿಸ್ತ ದಿಸ್ತಾನಾ ತುಮಾನಾ ವವ್ಯಾಳ್ನ, ಮರ‍್ಯಾದ್, ಮೈಮಾ ಆನಾರ ಜಾ಼ಲ್ಯಾ. 8 ತುಮಿ ತ್ಯಲಾ ಡೊಳ್ಯಾನಿ ಬಗ್ಲಾ ನಸ್ಲಾಸಾತರಿ ತ್ಯಚಿ ಮಾಯಾ ಕರ್ತಾಸಾ. ತುಮಿ ಆತಾ ತ್ಯಲಾ ಬಗ್ಲಾ ನಸ್ಲಾಸಾತರಿ ತ್ಯಚಿವ ಇಸ್ವಾಸ್ ಥಿವುನ್, ತುಮ್ಚಾ ಇಸ್ವಾಸಾಚ಼ ಸರ್ತ ಫಳ್ ಜಾ಼ಲ್ಯಾಲ್ಯಾ ಆತ್ಮಾಚಿ ರಕ್ಶನ್ ಗೆನಾರಿ ವ್ಹವುನ್ ಸಾಂಗಾಯಾ ವ್ಹಯಿತ್ನಾಹಿ ತಸ್ಲೆ ಮೈಮಾಚಾ ಸಂತೊಶಾನಿ ಹಾವ್ಸಿ ವ್ಹತಾಸಾ. 9 ತುಮ್ಚಾ ಇಸ್ವಾಸಾಚ಼ ಸರ್ತ ಫಳ್ ಜಾ಼ಲ್ಯಾಲ್ಯಾ ಆತ್ಮಾಚಿ ರಕ್ಶನ್ ಗೆನಾರಿ ವ್ಹವುನ್ ಸಾಂಗಾಯಾ ವ್ಹಯಿತ್ನಾಹಿ ತಸ್ಲೆ ಮೈಮಾಚಾ ಸಂತೊಶಾನಿ ಉಲಾಸ್‌ವ್ಹತೊ.

10 ದೇವಾನಿ ತುಮನಾ ದ್ಯಾವ್‌ಲ್ಯಾಲೆ ಕ್ರಪಾಚೆ ಗುಸ್ಟಿತ್ ಆಂದಿಸ್ ಸಾಂಗಲ್ಯಾಲ್ಯಾ ಪ್ರವಾದಿಂಚಾನಿ ಹೇ ರಕ್ಶನಾಚೆ ಗುಸ್ಟಿತ್ ಶಾರ್ಕಾ ಇಚಾರ್ಕರುನ್ ಶೊದ್ಲ. 11 ಆಪ್ಲಿಪ ಆಸ್‌ಲ್ಯಾಲ ಕ್ರಿಸ್ತಾಚ಼ ಆತ್ಮ ಕ್ರಿಸ್ತಾಲಾ ಯಯಾ ವ್ಹಯಿಜಾ಼ಲ್ಯಾಲ ತರಾಸ್ ತ್ಯಾ ನಂತರ್ ಗಾವ್ನಾರಿ ಮೈಮಾ ಆಂದಿಸ್ ಸಾಂಗ್ಲಿ ತವಾ ತ್ಯೊ ಕಚಾ಼ ಯೊಳ್ ನಾಹಿತ ಕಸ್ಲಾ ಯೊಳ್ ದ್ಯಾವ್ನಾರ್ ಮನ್ಹುನ್ ತ್ಯಂಚಾನಿ ಇಚಾರ್ ಕೆಲಾ. 12 ಫನ್ ಹ್ಯಾ ಗುಸ್ಟಿ ಆಂದಿ ಸಾಂಗ್‌ಲ್ಯಾಲ್ಯಾನಿ ಆಪ್ಲಿ ಸಾಟಿ ನವ್ಹ ತುಮ್ಚಿ ಸಾಟಿಸ್ ಸೇವಾ ಕರ್ನಾರ ಜಾ಼ಲ್ಯಾತ ಮನ್ಹುನ್ ತ್ಯನಾ ದಿಸಲ್ಯಾ. ತ್ಯಂಚಾನಿ ಆಂದಿ ಸಾಂಗಲ್ಯಾಲ್ಯಾ ಗುಶ್ಟಿಸ್ ಆತಾ ಗಡ್‌ತ್ಯಾತಾ ಮಂಥ್ಯಾಲಿ ಖಬರ್ ಸ್ವರ್ಗಾತ್ನಿ ಆಲ್ಯಾಲ್ಯಾ ಪವಿತ್ರಾತ್ಮಾಚಾ ಬಳಾನಿ ತುಮಾನಾ ಬರಿ ಖಬರ್ ಸಾಂಗ್‌ಲ್ಯಾಲ್ಯಾನಿಸ್ ತುಮಾನಾ ಮುಟಿ ಕೆಲ್ಯಾತ. ದೇವ್ದುತ್ ಹ್ಯಾ ಗುಸ್ಟಿ ಲಕ್ಷಾ ಥಿವುನ್ ಬಗಾಯಾ ವ್ಹಯಿ ಮನ್ಹುನ್ ಮನ್ ಕರ್ತ್ಯಾತ.

13 ಮನ್ಹುನ್ ತುಮಿ ತುಮಚ಼ ಮನ್ ಗಟ್ ಕರುನ್, ಚಾ಼ಂಗಲ್ಯಾ ಮನಾಚ಼ ವ್ಹವುನ್ ಯೇಸು ಕ್ರಿಸ್ತ ದಿಸ್ತಾನಾ ತುಮಾನಾ ಗಾವ್ನಾರೆ ಕ್ರಪೆವ ತುಮ್ಚಿ ಪುರಿ ಆಶಾ ಥೆವಾ. 14 ಶಾನ್ಯಾ ಪೊರಾಂಚೆಗತ್ ಚಾ಼ಲಾ, ಗಿನ್ಯಾನ್ ಯಯಾಚೆ ಆಂದಿ ತುಮಾನಾ ಆಸ್‌ಲ್ಯಾಲೆ ಬುರ್ಸೆ ಆಶೆಚೆಗತ್ ಆಜು಼ನ್ ಚಾ಼ಲಾಚೆ ಆಂದಿ, 15 ತುಮಾನಾ ಹಾಕಟ್ನಾರಾ ನಿರ್ಮಳ್ ಹಾ ತಸಾಸ್ ತುಮಿ ಐಕುನ್ ತ್ಯಲಾ ತುಮ್ಚೆ ಸಗ್ಳೆ ಚಾ಼ಲ್ನುಕಿತ್ ಪರಿಶುದ್ಧ್ ವ್ಹವಾ. 16 ಕಾ ಮಂಜೆ, ಮೀ ಪರಿಶುದ್ಧ್ ಹಾ ತಸಾಸ್ ತುಮಿ ಪರಿಶುದ್ಧ್ ವ್ಹಯಾ ವ್ಹಯಿಸಾ ಮನ್ಹುನ್ ಪವಿತ್ರ ಗ್ರಂಥಾತ್ ಲಿವ್‌ಲ್ಯಾನವ್ಹ.

17 ಪರ್ತೆಕಾಚಿ ಚಾ಼ಲ್ನುಕ್ ಬಗುನ್ ಬೆದ್ ಬಾವ್ ನಸ್ತಾನಾ ತೀರ್ಮಾನ್ ಕರ್ನಾರ‍್ಯಾಲಾ ತುಮಿ ಬಾ ಮನ್ಹುನ್ ಹಾಕಟ್ಯಾಸಾ ಮನ್ಹುನ್ ಹ್ಯಾ ಲೊಕಾತ್ಲ ತುಮಚ಼ ಪರವಾಸಾಚ಼ ದಿಸ್ ಭ್ಯಾನಿ ಭಕ್ತಿನಿ ಗಾಲಾ. 18 ತುಮ್ಚಾ ವಡ್ಲಾಂಚಾಪ್ನಿ ಆಲ್ಯಾಲ ಉಗಚೆ ಪದ್ಧತಿಚೆ ಚಾ಼ಲ್ನುಕಿನಿ ತುಮಾನಾ ಸುಟ್ನುಕ್ ಕೆಲ್ಯಾಲಿ ಸೊನ ಚಾ಼ಂದಿ, ಖುಬ್ ತರಚಾ ನಾಸ್ ವ್ಹನಾರ‍್ಯಾ ಸಾಮಾನಾಚಾಂನಿನವ್ಹ. 19 ಯೇಸು ಕ್ರಿಸ್ತ ಮಂಥ್ಯಾಲ್ಯಾ ನಿರ್ದೊಷಿ, ನಿರ್ಮಳ್ ಜಾ಼ಲ್ಯಾಲ್ಯಾ ಮೆಂಡ್ರಾಚಾ ಪೊರಾಚಾ ಕಿಮ್ತಿಚಾ ರಕ್ತಾನಿಸ್ ಮನ್ಹುನ್ ತುಮಾನಾ ಠಾವ ಹಾ ನವ್ಹ. 20 ತ್ಯೊ ದುನ್ಯಾ ಉತ್ಪನ್ ವ್ಹಯಾಚೆ ಆಂದಿಸ್ ನಿವ್ಡುನ್ ಹ್ಯಾ ಸರ್ತ್ಯಾ ಕಾಲಾತ್ ತುಮ್ಚಿ ಸಾಟಿ ದಿಸ್ಲಾ. 21 ತ್ಯಲಾ ಮೆಲ್ಯಾಲ್ಯಾತ್ನಿ ಉಟ್ವುನ್ ತ್ಯಲಾ ಮೈಮಾ ದಿಲ್ಯಾಲ್ಯಾ ದೇವಾಪ ತುಮಿ ತ್ಯಚಿಸ್ಲಾಗುನ್ ಇಸ್ವಾಸ್ ಥೆವ್ನಾರಿ ಜಾ಼ಲ್ಯಾಸಾ ತ್ಯವ್ಡಿಸ್. ಮನ್ಹುನ್ ತುಮಚಾ಼ ಇಸ್ವಾಸ್ ಆಶಾ ದೇವಾಪಸ್ ಹಾ.

22 ತುಮಿ ಖರ ಐಕುನ್ ತುಮ್ಚಿ ಆತ್ಮ ನಿರ್ಮಳ್ ಕರುನ್ ಗೆತಲ್ಯಾಸಾ ಮನ್ಹುನ್ ಕಪಟ್ ನಸ್‌ಲ್ಯಾಲ್ಯಾ ಬಾವ್ಹಾಚಿ ಮಾಯಾಕರಾ. ಆಸ ಆಸ್ಥಾನಾ ಯಕಾ ಮಕಾಲಾ ನಿರ್ಮಳ್ ಮನಾನಿ, ಪುರ‍್ಯಾ ಮನಾನಿ ಮಾಯಾ ಕರಾ. 23 ಕಾ ಮಂಜೆ ತುಮಿ ನವಿನಿ ಜ಼ಲಾಮ್‌ಲ್ಯಾಲಿ ನಾಸ್ ವ್ಹನಾರಿ ವಾಕ್ಯಾನಿ ನವ್ಹ. ಫನ್ ನಾಸ್ ವ್ಹಯಿ ನಸ್ನಾರೆ ವಾಕ್ಯಾನಿಸ್. ತೀ ಖಾಯಿಮ್ ಜೀವ್ ಆಸ್ನಾರೆ ದೇವಾಚೆ಼ ವಾಕ್ಯಾಸ್ ಲಾಗುನ್ ಗಾವ್ಲಿ. 24 ಕಾ ಮಂಜೆ ಪವಿತ್ರ ಪುತಿಕಾತ್ ಲಿವ್‌ಲ್ಯಾ ಶಾರ್ಕ:

ಮಾನ್ಸ ಸಗ್ಳಿ ಗವ್ತಾಚೆಗತ್ ಹಾತ.

ತ್ಯಂಚಿ ಮೈಮಾ ಗವ್ತಾಚಾ ಪುಲಾಚೆಗತ್ ಹಾ.

ಗವಾತ್ ವಾಳುನ್ ಜಾ಼ನಾರ್ ತ್ಯಚ಼ ಪುಲ್ ಪಡುನ್ ಜಾ಼ನಾರ್.

25 ಫನ್ ಪ್ರಭುಚಿ ಬುಲಿ ಖಾಯಿಮ್ ರಾನ್ಹಾರ್.

ತಿ ಬುಲಿ ಕಚಿ ಮನ್‌ಲ್ಯಾವ ತುಮಾನಾ ಸಾಂಗ್‌ಲ್ಯಾಲೆ ಬರೆ ಖಬ್ರಿಚ಼ ವಾಕ್ಯಾಸ್.