1 Tessalonicenses 1

1 ಮೀ ಪೌಲ್ ಹ್ಯ ಪತ್ರ ಲಿವ್‌ತ್ಯೊ ಮಾಜಿ ಸಂಗ ಸಿಲ್ವಾನ್ ತಿಮೊತೆ ಹಾತ್ತ. ಬಾ ದೇವಾಪ ಆನಿ ಪ್ರಬು ಕ್ರಿಸ್ತ ಯೆಸುಪ ರಾಥ್ಯಾಲೆ ತೆಸಲೊನಿಕಾಚಾ ಮೆಳ್ಯಾತ್‌ಲ್ಯಾ ಲೊಕಾನಾ ಕ್ರಪಾ ಶಾಂತಿ ವ್ಹವುನಿ.

ತೆಸಲೊನಿಕಾಂಚಾ಼ ಜೀವ್ನಾ ಆನಿ ಇಸ್ವಾಸ್

2 ದೇವಾಪ ಮಾಗ್ನ ಕರ್ತಾನಾ ತುಮ್ಚಿ ಯಾದ್ ಕರುನ್ ತುಮ್ಚೆ ಸಗ್‌ಳ್ಯಾಂಚೆ ಗುಶ್ಟಿತ್ ದನ್ಯಾವಾದ್ ಸಾಂಗ್ತಾವ್. 3 ಕಶ್ಟಾತ್ ಆನಿ ತರಾಸಾತ್ ಬಿಹುನ್ ಕುನಿ ಸಾಹಿತ್ ದೇವಾವ ಇಸ್ವಾಸ್ ಸಾಂಡಾಚಾ಼ ನಕೊ ಮನ್ಹುನ್ ಆಮಿ ಆಶಾ ಕರ್ತಾವ್ ಆಮಿ ತರಾಸ್ ಸುಸ್ವುನ್ ಗಿಹುನ್ ದೇವಾಚಾ ಮನಾಚೆಗತ್ ಹಾ ಮನ್ಹುನ್ ಆಮಾನಾ ಠಾವ ಹಾ. 4 ಆಮ್ಚಾ ಬನ್ಹಿ ಬಾವ್ಹಾನು, ದೇವಾನಿ ತುಮಾನಾ ಮಾಯೆನಿ ಆಪ್ಲಿ ಆಸಿ ನಿವ್ಡುನ್ ಗೆತಲ್ಯಾತ ಮನ್ಹುನ್ ಆಮಾನಾ ಠಾವ ಹಾ. 5 ಕಾ ಮಂಜೆ ಆಮಿ ತುಮ್ಚಿಪ ಆನ್‌ಲ್ಯಾಲಿ ಬರಿ ಖಬರ್ ನಿಸ್ಥ ಸಬಾತ್ ನವ್ಹ ಬಳಾನಿ ಪವಿತ್ರಾತ್ಮಾನಿ ಆಲ್ಯಾ ಖುಬ್ ಶ್ರದ್ದೆನಿ ಆನ್‌ಲ್ಯಾ. ಆಮಿ ತುಮ್ಚಿ ಸಂಗ ಹುತ್ತಾವ್ ತುಮ್ಚಾ ಪ್ಯಾಯ್‍ದ್ಯಾ ಸಾಟಿ ಕಸಾ ಜೀವ್ನಾ ಕರ್ತಾವ್ ತುಮಾನಾ ಠಾವ ಹಾ.

6 ಫನ್ ತುಮಿ ಆಮ್ಚಿಗತ್ ಆನಿ ಪ್ರಭುಚಿಗತ್ ಚಾ಼ಲ್ಯಾಸಾ ತುಮಿ ಖುಬ್ ತರಾಸ್ ಖಾಲಾಸಾ ತರಿ ಪವಿತ್ರಾತ್ಮಾನಿ ಆಲ್ಯಾಲಿ ಬಾತ್ನಿ ಆನಂದಾನಿ ಆಮ್ಚಿ ಬರಿ ಖಬರ್ ಚಾ಼ಂಗ್ಲಿ ಸ್ವಿಕಾರ್ ಕರುನ್ ಗೆತ್ಲೆಸಾ. 7 ಆಸಸ್‌ ಮಕೆದೊನ್ಯಾ ಆನಿ ಅಖಾಯಾತ್ಬಿ ಕ್ರಿಸ್ತಾವ ಇಸ್ವಾಸ್ ಥೆವ್‌ಲ್ಯಾಲ್ಯಾನಾ ವಳಕ್ ಜಾ಼ಲ್ಯಾಸಾ. 8 ಪ್ರಭುಚ಼ ಸಬಾತ್ ತುಮ್ಚಿಪ್ನಿಸ್ ಮಕೆದೊನ್ಯಾತ್ಬಿ ಅಖಾಯಾತ್ಬಿ ಪಗಾಳ ತ್ಯವ್ಡಸ್ ನವ್ಹ ದೇವಾವ ಥೆವ್‌ಲ್ಯಾಲಾ ಇಸ್ವಾಸ್ ಸಗ್‌ಳ್ಯಾ ಜಾ಼ಗ್ಯಾತ್ನಿ ಪಗಾಳ್ಳಾ ತ್ಯಚಿಸ್ ಲಾಗುನ್ ತೇ ಗುಶ್ಟಿತ್ ಆಮಿ ಕಾಯಿಸ್ ಸಾಂಗಾಯಾ ವ್ಹಯಿ ಜಾ಼ಲನಾಹಿ 9 ಆಮಿ ತುಮಾನಾ ಬೇಟ್ ಜಾ಼ಲ್ತಾವ್ ತವಾ ತುಮಿ ಆಮಾನಾ ಕಸ ಸ್ವಿಕಾರ್ ಕೆಲ್ಯಾಸಾ ಮನ್ಹುನ್ ಹಿ ಲೊಕ ಸಾಂಗ್‌ತ್ಯಾತ. ಆನಿ ತುಮಿ ಪಾಶಾನ ಪುಜ್‍಼ತ್ಯಾಲ್ಯಾತ್ನಿ ಕಸಿ ಪರಾತ್‌ಲ್ಯಾಸಾ ಆನಿ ಜೀವ್‌ ಆಸ್‌ಲ್ಯಾಲ್ಯಾ ಆನಿ ಖರ‍್ಯಾ ದೇವಾಚಿ ಸೆವಾ ಕಸಿ ಕರ್ತ್ಯಾಸಾ ಮನ್ಹುನ್ ಸುಡುನ್ ದೇವಾಕ್ಡ ಪರ್ತುನ್ ಜೀವ್ ಆಸ್‌ಲ್ಯಾಲ್ಯಾ ಖರ‍್ಯಾ ದೇವಾಚಿ ಸೇವಾ ಕಸಿ ಕರ್ತ್ಯಾಸಾ ಮನ್ಹುನ್ ಬೊಲ್‌ತ್ಯಾತ. 10 ತ್ಯೊ ಮೆಲ್ಯಾಲ್ಯಾತ್ನಿ ಉಠಿವಲ್ಯಾಲಾ ಸ್ವರ್ಗಾತ್ನಿ ಯನಾರಾ ತ್ಯಚಾ ಲೇಕಾಚಿ ವಾಟ್ ಬಗ್‌ತ್ಯಾಲಿ ಮನ್ಹುನ್ ಸಾಂಗ್‌ತ್ಯಾತ ಹ್ಯೊ ಯೇಸು ಮೊರ‍್ಹ ಯತ್ಯಾಲ್ಯಾ ದೇವಾಚಾ ರಾಗಾತ್ನಿ ಆಮಾನಾ ಚುಕಿವ್ನಾರಾ.