7 ಮಾತಿಚಾ ಗ್ಯಾಡ್‍ಗ್ಯಾಚೆಗತ್ ಆಮ್ಚಿಪ ಹೀ ಥರಿವ್‌ಲ್ಯಾಲಿ ದವ್ಲತ್ ಹಾ ಮನ್ಹುನ್ ಆಸ್ಲಿ ಮೊಟಿ ತಾಕತ್ ದೇವಾಚಿ ಸುಡುನ್ ಆಮ್ಚಿಪ್ನಿ ಆಲ್ಯಾಲಿ ನವ್ಹ. 8 ಚಾರಿಕ್ನಿಬಿ ಆಮಾನಾ ಕಷ್ಟ ಆಸ್ಲಾ ತರಿ ಆಮಿ ತರಾಸ್ ಖಾನಾರಿನವ್ಹ. ಆಮಿ ಗೊಂದಾಳಾವ ತರಿ ನಿರಾಶ್ ವ್ಹನಾರ್ ನಾಹಿ. 9 ತರಾಸಾತ್ ಆಸ್ಲಾವ್ತರಿ ಹಾತ್ ಸುಟಲ್ಯಾಲಿನವ್ಹ. ಮಾರುನ್ ಪ್ಯಾಡ್ಲಾವ್ತರಿ ನಾಸ್ ವ್ಹನಾರಿ ನವ್ಹ. 10 ಯೇಸುಚಾ಼ ಜೀವ್ ಆಮ್ಚಾ ಶರೀರಾತ್ ಹಾ ಮನ್ಹುನ್ ದಾವುನ್ ದಿಯಾಸಾಟಿ ಯೇಸುಚ಼ ಮರಾನ್ ಆಮಿ ಕವಾಬಿ ಶರೀರಾತ್ ಖಾನಾರಿ ಜಾಲ್ಯಾವ್. 11 ಯೇಸುಚಾ಼ ಜೀವ್ ಆಮ್ಚಾ ಮೆಲ್ಯಾಲ್ಯಾ ಶರೀರಾತ್ ಹಾ ಮನ್ಹುನ್ ದಿಸುನ್ ಯಯಾಸಾಟಿ ಜೀಥಿ ಆಸ್ನಾರಿ ಆಮಿ ಯೇಸುಸ್ ಲಾಗುನ್ ಕವಾಬಿ ಮರ್ನಾಚಾ ಹಾತಾತ್ ದೆತ್ಯಾವ್.