Apocalipse 2

ಎಫೆಸಾತ್ ಆಸ್‍ಲ್ಯಾಲ ಸಂದೇಶ್

1 ಎಫೆಸಾತ್ ಆಸ್‍ಲ್ಯಾಲ್ಯಾ ಸಭೆಚಾ ದುತಾಲಾ ಹ್ಯ ಲೀವ್:

ಆಪ್‌ಲ್ಯಾ ಉಜ಼ವ್ಯಾ ಹಾತಾತ್ ಸಾತ್ ಚಾನ್ಯಾ ದರ‍್ಹುನ್ ಆಸ್‍ಲ್ಯಾಲಾ ಆನಿ ಸಾತ್ ದಿವಲಾವನ್ಯಾಂಚೆ ಮದ್ದಿ ಫಿರ್ತ್ಯಾಲ್ಯಾ ತುಲಾ ಹಿ ಸಗ್ಳಿ ಬಾತ್ನಿ ಸಾಂಗ್ಲಿ.

2 "ತು ಕರ್ತ್ಯಾಲ ಮನಾ ಸಮಾಜ಼ಲ್ಯಾ. ತು ತರಾಸ್ ಖಾವುನ್ ಕಾಮ್ ಕರೀತ್ ಥಂಡ್ಫನಾನಿ ಹಾಸ್. ತು ಬುರ್ಶಾ ಲೊಕಾನಾ ಸುಸ್ವುನ್ ಗಿಹಿತ್ನಾಹಿಸ್ ಮನ್ಹುನ್ ಸಮಾಜ಼ಲ್ಯಾ. ಅಪೊಸ್ತಲ್ ಜಾ಼ಲ್ಹ ನಸ್ಲತರಿ ಆಪ್‍ಲ್ಯಾನಾ ಅಪೊಸ್ತಲ್ ಮನ್ಹುನ್ ಗೆಥ್ಯಾಲ್ಯಾನಾ ಸಮಜು಼ನ್ ತೇ ಲಬ್ಡ ಮನ್ಹುನ್ ಥರಿವ್ಲಸ್ 3 ತು ಥಂಡ್ಫನಾನಿ ಖಾಯಿಮ್ ಖಟ್ಪಟ್ ಕರ್ತ್ಯೊಸ್ ಮಾಜಾ ನಾವಾಸ್ಲಾಗುನ್ ತರಾಸ್ ಬೇಜಾರ್ಕರಾಚೆ ಆಂದಿ ಸುಸ್ವುನ್ ಗೇತ್‌ಲ್ಯಾಸ್

4 ಫನ್ ತುಜೆ ಆಡ್ವ ಮೀ ಸಾಂಗಾಚ಼ ಕ್ಯಾ ಮಂಜೆ ತುಜಿ ಪೈಲಿ ಮಾಯಾ ಸುಡುನ್ದಿಲೆಸ್ 5 ಮನ್ಹುನ್ ತು ಖುಟ್ನಿ ಪಡ್‍ಲ್ಯಾಸ್ ಮನ್ಯಾಚ಼ ಯಾದ್ ಕರ್ ಮನ್ ಪರತ್ ತು ಆಂದಿ ಕೇಲ್ಯಾಲಿ ಕಾಮ ಕರ್ ತು ಪರಾತ್ಲಾ ನಾಹಿಸ್ತ ಮೀ ತುಜಿಪ ಯವುನ್ ತುಜ಼ ದಿವಲಾವ್ನ ತ್ಯಂಚಾ ಜಾ಼ಗ್ಯಾವ್ನಿ ಕ್ಯಾಡ್ನಾರ್ 6 ಫನ್ ತು ಚಾ಼ಂಗ್ಲ ಯಾಕ್ ಕಾಮ್ ಕರ್ತ್ಯೊಸ್ ತ್ಯ ಕ್ಯಾ ಮಂಜೆ ನಿಕೊಲಾಯಾಂಚಾನಿ*2:6 ನಿಕೊಲಾಯಾ ಮಂಥ್ಯಾಲಾ ಯೊಕ್ ಮಾನುಸ್ ತ್ಯಚೆ ಮಾಗ್ನಿ ಜಾ಼ನಾರ‍್ಯಾನಾ ನಿಕೊಲಾಯಾ ಮಂಥ್ಯಾತ. ಕರ್ತ್ಯಾಲ್ಯಾ ಕಾಮಾಂಚಾ಼ ರಾಗ್ ಕರ್ತ್ಯೊಸ್ ಮೀ ಬಿ ತ್ಯಂಚಾ ಕಾಮಾಂಚಾ಼ ರಾಗ್ ಕರ್ತೊ.

7 ಪವಿತ್ರಾತ್ಮ ಸಭೆನಾ ಸಾಂಗ್‌ತ್ಯಾಲ್ಯಾ ಹ್ಯಾ ಖನ್ಕತಿ ಐಕ್‌ತ್ಯಾಲ್ಯಾ ಧ್ಯಾನ್ ದಿವುನ್ ಐಕ್. ಕೊನ್ ಜಿತ್ತೊ ತ್ಯಲಾ ಖಾಯಾಲಾ ಜೀವಾಚಾ ಜಾ಼ಡ್ಹಾಚಾ ಫಳಾಚಾ಼ ಹಾಕ್ ದೇತೊ. ಹ್ಯ ಝ಼ಾಡ್ ದೇವಾಚೆ ಬಾಗತ್ ಹಾ.

ಸ್ಮುರ್ನಾತ್ ಆಸ್‌ಲ್ಯಾಲೆ ಸಭೆಲಾ ಸಂದೇಶ್

8 ಸ್ಮುರ್ನಾತ್ ಆಸ್‌ಲ್ಯಾಲೆ ಸಭೆಚಾ ದುತಾಲಾ ಹ್ಯ ಲಿವ್:

ಪೈಲಾ ಆನಿ ಸರ್ತಾ ಜಾ಼ಲ್ಯಾಲ್ಯಾ ತುಲಾ ಹ್ಯ ಸಾಂಗ್‍ತ್ಯೊ ಮರುನ್ ಜಿತ್ತಾ ವ್ಹವುನ್ ಉಠುನ್ ಆಲ್ಯಾಲಾ ತ್ಯೊಸ್

9 "ತುಜಾ಼ ತರಾಸ್ ಮನಾ ಠಾವಾ ಹಾ. ತು ಗರೀಬ್ ಮನ್ಹುನ್ ಮನಾ ಸಮಾಜ಼ಲ್ಯಾ. ಫನ್ ತು ಖರ‍್ಯಾನಿ ಸಾವ್ಕೊರ್. ತುಜೆ ಗುಶ್ಟಿತ್ ಥುಡಿ ಲೊಕ ಸಾಂಗ್‌ತ್ಯಾಲ್ಯಾ ಬುರ್ಶಾ ಖನ್ಕತಿ ಮನಾ ಸಮಾಜ಼ಲ್ಯಾತಾ. ತೀ ಲೊಕ ಆಪ್‌ಲ್ಯಾಲಾ ಯಹುದಿ ಮನ್ಹುನ್ ಗೆಥ್ಯಾತ ಫನ್ ತೀ ಖರಿ ಯಹುದಿ ನವ್ಹತ. ತೀ ಸೈತಾನಾಚಾ ಮೆಳ್ಯಾತ್ಲಿ ಜಾ಼ಲ್ಯಾತ. 10 ತುಲಾ ವ್ಹನಾರ‍್ಯಾ ಖನ್ಕತಿಂಚೆ ಗುಶ್ಟಿತ್ ಬಿಹುನಕೊ ಮಿ ತುಲಾ ಸಾಂಗಾಚ಼ ಕ್ಯಾ ಮಂಜೆ ಸೈತಾನಾನಿ ತುಮ್ಚಾತ್‍ಲ್ಯಾ ಥೊಡ್ಯಾನಾ ಪಾರಕ್ ಕರಾಯಾ ಸಾಟಿ ತುರುಂಗಾತ್ ಗಾಲ್ನಾರ್ ತುಮಿ ಧಾ ದಿಸಾ ಪರ‍್ಯಾತ್ ತರಾಸ್ ಖಾನಾರ್ ತು ಮರ ಪರತ್ಬಿ ಇಸ್ವಾಸಾಚಾ಼ ಜಾ಼ಲ್ಯಾವ ಮೀ ತುಲಾ ಜೀವ್ ಮಂಥ್ಯಾಲ ಕಿರಿಟ್ ದಿಯಿನ್

11 ಪವಿತ್ರಾತ್ಮ ಸಭೆನಾ ಸಾಂಗ್‌ತ್ಯಾಲ್ಯಾ ಹ್ಯಾ ಖನ್ಕತಿ ಐಕ್‌ತ್ಯಾಲ್ಯಾ, ಧ್ಯಾನ್ ದಿವುನ್ ಐಕ್ ಜಿತ್‍ಲ್ಯಾಲ್ಯಾಲಾ ದೊನ್ವ ಮರಾನ್ ಬಾದತ್ ನಾಹಿ.

ಪೆರ್ಗಮಾತ್ಲೆ ಸಭೆಲಾ ಸಂದೆಶ್

12 ಪೆರ್ಗಮಾತ್ಲೆ ಸಭೆಚಾ ದುತಾಲಾ ಹ್ಯ ಲೀವ್:

ದುಯಿಕ್ಲೆ ದಾರ್ಹಚ಼ ಹಾತ್ಯಾರ ಆಸ್‌ಲ್ಯಾಲಾ ತುಲಾ ಹ್ಯ ಸಾಂಗ್‌ತ್ಯೊ.

13 ತು ಕುಠ ನಾಂದ್‌ತ್ಯೊಸ್ ಮನ್ಹುನ್ ಮನಾ ಸಮಾಜ್‍಼ಲ್ಯಾ ಸೈತಾನಾಚ಼ ಸಿಹಾಸನ್ ಹಾ ತಿಕ್ಡ ತು ನಾಂದ್‍ತ್ಯೊಸ್. ಫನ್ ತು ಮನಾ ಇಸ್ವಾಸಾಚಾ಼ ಹಾಸ್. ಅಂತಿಪಾಚಾ ಕಾಲಾತ್ ತು ಮಾಜಿವ ಥೆವ್‍ಲ್ಯಾಲಾ ಇಸ್ವಾಸ್ ಸಾಂಗಾಯಾ ನಾಹಿ ಮನ್ಲಾ ನಾಹಿಸ್. ತುಜೆ ಪೆಠ್ಹತ್ ಮಾರುನ್ ಟ್ಯಾಕ್‌ಲ್ಯಾಲಾ ಅಂತಿಪಾ ಮಾಜಾ ಇಸ್ವಾಸಾಚಿ ವಳಕ್ ಜಾ಼ಲ್ಥಾ. ತುಜ಼ ಶಾರ್ ಸೈತಾನ್ ನಾಂದ್‍ತ್ಯಾಲ ಶಾರ್ ಜಾ಼ಲ್ಯಾ.

14 ಫನ್ ತುಜೆ ಆಡ್‌ವ್ಯಾ ಸಾಂಗಾಯಾ ವ್ಹಯಿ ಜಾ಼ಲ್ಯಾಲ್ಯಾ ಥೊಡ್ಯಾ ಖನ್ಕತಿ ಹಾತ್ತಾ. ತುಜೆ ಸಭೆತ್ ಬಿಳಾಮಾಚಾ ಬುರ್ಶಾ ಗುಶ್ಟಿ ಚಾ಼ಲಿವತ್ಯಾಲಿ ಲೊಕ ಹಾತ್ತ. ಇಸ್ರಾಲೆಯಚಾ ಲೊಕಾನಾ ಕಸ ಪಾಪಾತ್ ಗಾಲ್ಹಾಚ಼ ಮನ್ಹುನ್ ಬಾಲಾಕಾಲಾ ಬುರ್ಸ ಸಿಕಿವ್ನ ಸಾಂಗ್ಲ. ಮನ್ಹುನ್ ಇಸ್ರಾಯಲಾಂಚಾನಿ ಪಾಶಾನಾನಾ ಥೆವ್‍ಲ್ಯಾಲ ಜೇವಾನ್ ಖಾಲ್ಯಾಲ್ಯಾಸ್ ಲಾಗುನ್ ಬುರ್ಸಿ ಶಾರೀರಿಕ್ ಪಾಪ ಕಿಲಿತ. 15 ತುಜೆ ಸಭೆತ್ಬಿ ಆಸಸ್ ಚಾ಼ಲತ್ಯಾ. ನಿಕೊಲಾಯಿತಾಂಚಾ ಸಿಕಿವ್‍ನ್ಯಾಚೆಗತ್ ಚಾ಼ಲತ್ಯಾಲಿ ಲೊಕ ತುಜಿಪ ಹಾತ್ತ. 16 ಮನ್ಹುನ್ ತುಜ಼ ಮನ್ ಬದಲ್! ನಾಹಿತ, ಮೀ ಆತಾಸ್ ತುಜಿಪ ಯವುನ್ ಮಾಜಾ ತೊಂಡಾತ್ನಿ ಬಾಹಿರ್ ಯತ್ಯಾಲ್ಯಾ ಹಾತ್ಯಾರ‍್ಯಾನಿ ತ್ಯಾ ಲೊಕಾಂಚೆ ಆಡ್ವಾ ಲಡ್ತೊ.

17 ಪವಿತ್ರಾತ್ಮ ಸಭೆನಾ ಸಾಂಗ್‌ತ್ಯಾಲ್ಯಾ ಹ್ಯಾ ಗುಶ್ಟಿ, ಕಾನ್ ಆಸ್ಲತ ಐಕ್.

ಜಿತ್‍ಲ್ಯಾಲ್ಯಾ ಪರತೇಕ್ ಮಾನ್ಸಾಲಾ ಮಿ ದಡ್ವುನ್ ಥೆವ್‍ಲ್ಯಾಲಾ ಮನ್ನಾ*2:17 ಮನ್ನಾ ಬಗಾ: ವಿಮೋಚನ್. 16:4-36; ಇಬ್ರಿಯ. 9:4. ದೇತೊ. ತ್ಯಲಾ ಮೀ ಪಾಂಡ್ರಾ ದೊಂಢಾ ದೇತೊ. ತ್ಯಾ ದೊಂಢ್ಯಾವ ನವ ನಾವ್ ಕ್ಯಾಡ್‍ಲ್ಯಾ. ಹ್ಯ ನವ ನಾವ್ ಕುನಾಲಾ ಸಮಾಜ಼ಲ ನಾಹಿ. ಹ್ಯೊ ದೊಂಢಾ ಗೇತಲ್ಯಾಲಾ ಮಾನುಸ್ ತ್ಯವ್ಡಾಸ್ ನವ ನಾವ್ ಸಮಜು಼ನ್ ಗೆಥೊ

ಥುವತೈರಾತ್ಲೆ ಸಭೆಲಾ ಸಂದೇಶ್

18 ಥುವತೈರಾತ್ಲೆ ಸಭೆಚಾ ದುತಾಲಾ ಹ್ಯ ಲೀವ್:

ದೇವಾಚಾ಼ ಲ್ಯೊಕ್ ಹ್ಯಾ ಖನ್ಕತಿ ಸಾಂಗ್‍ತ್ಯೊ. ಇಸ್‌ಥ್ಯಾಚೆ ಜ಼ಳ್ಹಿಚೆಗತ್ ಜ಼ಳ್ಹಾಕ್‌ತ್ಯಾಲ ಡೊಳ ಚಕ್ಮಕತ್ಯಾಲ್ಯಾ ತಾಂಬ್ಯಾಚೆಗತ್ ಆಸ್‌ಲ್ಯಾಲಿ ಪಾವ್ಲ ಆಸ್‍ಲ್ಯಾಲಾ, ತುಲಾ ಹ್ಯ ಸಗ್ಳ ಸಾಂಗ್‍ತ್ಯೊ.

19 ತು ಕರ್ತ್ಯಾಲಿ ಕಾಮ ಮನಾ ಸಮಾಜ಼ಲ್ಯಾತ. ತುಜಿ, ಮಾಯಾ, ಇಸ್ವಾಸ್ ಸೆವೆ ಆನಿ ಥಂಡ್ಫನ ಮನಾ ಸಮಾಜ಼ಲ್ಯಾತ. ಆತಾ ತು ಆಂದಿಚಾವ್ನಿ ಖುಬ್ ಕರ್ತ್ಯೊಸ್ ಮನ್ಹುನ್ ಠಾವ ಹಾ. 20 ಫನ್ ತುಜೆ ಆಡ್ವ ಹ್ಯ ಸಗ್ಳ ಸಾಂಗಾ ವ್ಹಯಿ ಜಾ಼ಲ್ಯಾ. ಯೆಜೆಬೆಲ್ ಮಂಥ್ಯಾಲೆ ಬ್ಯಾಯ್ಕಾ ಮಾನಸಾನಿ ಆಪ್‌ಲ್ಯಾ ಮನಾ ಶಾರ್ಕ ಕರಾಯಾ ಆವ್ಕಾಶ್ ದಿಲ್ಯಾ. ತೀ ಆಪ್‌ಲ್ಯಾಲಾ ಪ್ರವಾದಿನಿ ಮನ್ಹುನ್ ಸಾಂಗಿತ್ ಆಪ್‌ಲ್ಯಾ ಶಿಕ್ಷನಾನಿ ಮಾಜಾ ಸೇವಕಾನಾ ಬುರ್ಸೆ ವಾಟವ ನೆಥೆ ರಾಂಡ್ಸಂಗತ್ ಕರಾಯಾ ಪಾಶಾನಾನಾ ಥೆವ್‍ಲ್ಯಾಲ ಜೇವಾನ್ ಖಾಯಾ ತೀ ಮಾಜಾ ಲೊಕಾನಾ ಸಾಂಗ್ತೆ. *2:20 ಬಗಾ ಪ್ರಕಟನೆ 2:14 21 ಆಪ್ಲ ಮನ್ ಬದ್ಲುನ್ ಪಾಪಾತ್ನಿ ದುರ್ ಸರಾಯಾ ಮೀ ತಿಲಾ ಯೊಳ್ ದಿಲಾತರಿ ಅನೈತಿಕ್ ಸಂಬಂದಾತ್ನಿ ಪರತಾಯಾ ಮನ್ ಕರಿತ್ನಾಹಿ.

22 ಮನ್ಹುನ್ ತೀ ಮೊಟಾ ತರಾಸ್ ಗಿಹುನ್ ಹಾತ್ರುನಾತ್ ಪಡುನ್ ರಾಹಿಜೊ಼ಗ ಕರ್ತೊ. ತಿಚಿ ಸಂಗ ವ್ಯಬಿಚಾರ್ ಕೇಲ್ಯಾಲಿ ಲೊಕ ಸಗ್ಳಿ ಮೊಟಾ ತರಾಸ್ ಗೇನ್ಹಾರ್. ತಿನಿ ಕೆಲ್ಯಾಲ್ಯಾ ಕಾಮಾಂಚೆಸಾಟಿ ತೀ ಸುಟ್ಕಿ ಜಾ಼ಲ್ಯಾತ ಮೀ ಹ್ಯ ಆತಾಸ್ ಕರ್ತೊ 23 ಮೀ ತಿಚೆ ಮಾಗ್ನಿ ಗೇಲ್ಯಾಲ್ಯಾನಾ ಮಾರುನ್ ಟ್ಯಾಕ್ತೊ ಮಾನ್ಸಾಚ಼ ಆತ್ಲ ಮನ್ ತ್ಯಂಚಿ ಯವಜ್ನಾ಼ ಸಮಜು಼ನ್ ಗೇತಲ್ಯಾಲಾ ಮೀಸ್ ಮನ್ಹುನ್ ತವಾ ಸಗ್ಳೆ ಸಭೆತ್ಲಿ ಸಮಜು಼ನ್ ಗಿಥಿಲ. ತುಮ್ಚಾತ್‌ಲ್ಯಾ ಪರತೇಕಾಲಾ ತ್ಯಚಾ ತ್ಯಚಾ ಕಾಮಾ ಶಾರ್ಕ ಪ್ರತಿ ಫಳ್ ದೇತೊ.

24 ಫನ್ ಥುವತೈರಾತಲ್ಯಾ ಬಾಕಿಚಾನಾ, ಮಂಜೆ ಸೈತಾನಾಪ್ನಿ ಆಲ್ಯಾಲ್ಯಾ ಬುರ್ಶಾ ಶಿಕ್ಷೆನಾಚ಼ ಖೊಲ್ ಕುನಿ ಕುನಿ ಸಮಜಾ಼ಚೆ ಆಂದಿ ತ್ಯಚಿಗತ್ ಚಾ಼ಲಾಚೆ ಆಂದಿ ರಾತ್ಯಾತ ತ್ಯನಾ ಸಾಂಗಾಚ಼ ಕ್ಯಾ ಮಂಜೆ, ಮೀ ಆನಿ ಯಾಕ್ ವಜ಼ ತುಮ್ಚಿವ ವಾವಿತ್ನಾಹಿ. 25 ಮೀ ಯಯಿ ಪರತ್ ತುಮಿ ಆತಾ ಹಾಸಾ ತಸಿಸ್ ರಾವ್ಹಾ

26 ಜಿತ್‌ಲ್ಯಾಲ್ಯಾಲಾ ಆನಿ ಮೀ ಮನ್ ಕೆಲ್ಯಾಲ ಸರ್ತ್ಯಾ ಪರತ್ ಕರ್ತ್ಯಾಲ್ಯಾಲಾ ಸಗ್‌ಳ್ಯಾ ಲೊಕಾಂಚಿವ ಹುಕುಮ್ ದೇತೊ: 27 ‘ತ್ಯೊ ಲೊಖಾಂಡಾಚೆ ಕಾಠಿನಿ ತ್ಯನಾ ಚಾ಼ಲಿವ್ನಾರ್. ಮಾತಿಚಾ ಲ್ಯೊಟ್‍ಕ್ಯಾಚೆಗತ್ ತ್ಯಂಚ಼ ಬಳ್ ಪುಡಿ ಪುಡಿ ಕರ್ನಾರ್. *2:27 ಲಿವ್ನ: ಕೀರ್ತನೆ. 2:8-9. 28 ಮೀ ಮಾಜಾ ಬಾಪ್ನಿ ಗೆತಲ್ಯಾಲ ಬಳ್ ಹ್ಯಸ್. ಮೀ ತ್ಯಲಾ ಉಜಾ಼ಡತ್ಯಾಲಿ ಚಾನ್ನಿ ದೆತೊ.

29 ಪವಿತ್ರಾತ್ಮ ಸಭೆನಾ ಸಾಂಗ್‌ತ್ಯಾಲ್ಯಾ ಹ್ಯಾ ಖನ್ಕತಿ, ಕಾನ್ ಆಸ್‌ಲ್ಯಾಲಾ ಐಕುನಿ.