1 ಆಸ ಆಸ್ಥಾನಾ ಪೌಲ್ ಮಂಥ್ಯಾಲಾ ಮೀ ಯೆಹುದಿ ನಸ್‌ಲ್ಯಾಲ್ಯಾ ತುಮ್ಚಿಸ್ ಲಾಗುನ್ ಕ್ರಿಸ್ತ ಯೇಸುಸಾಟಿ ತುರುಂಗಾತ್ ಗೆಲ್ಯೊ. 2 ತುಮ್‌ಚಿ಼ ಸಾಟಿ ಕಾಮ್ ಪಾರ್ ಕರಾಯಾ ದೇವಾನಿ ಮನಾ ಕ್ರುಪೆನಿ ದಿಲ್ಯಾಲಾ ರಾಜ್ ಬಾರ್ ತುಮಿ ಐಕ್‌ಲ್ಯಾಸಾ, 3 ತ್ಯನಿ ಖರ ಚು಼ರುನ್ ನಸ್‌ಲ್ಯಾಲ ಮನಾ ಸಾಂಗ್‌ಲ್ಯಾ. ಮನ್ಹುನ್ ತ್ಯಚೆ ಗುಸ್ಟಿತ್ ಮೀ ಆಂದಿಸ್ ತುಮಾನಾ ಬಾರಿಕ್ ಕರುನ್ ಲಿವ್‌ಲ್ಯಾ. 4 ಆನಿ ಮಿ ಲಿವ್‌ಲ್ಯಾಲ ತುಮಿ ವಾಚ್ವು಼ನ್ ಬಗ್‌ಲ್ಯಾವ ಕ್ರಿಸ್ತಾಚೆ ಖರ‍್ಯಾಚೆ ಗುಸ್ಟಿತ್ ಮನಾ ಆಸ್‌ಲ್ಯಾಲ ಗಿಹುನ್ ತುಮಿ ಸಮಜು಼ನ್ ಗಿಹ್ಯಾ ವ್ಹಯಿಲ್. 5 ತೀ ಗುಟ್ ಹ್ಯಾ ಕಾಲಾತ್ ದೇವಾಚಾ ಪವಿತ್ರ ಅಪೊಸ್ತಲಾನಾಬಿ ಪ್ರವಾದಿನಾಬಿ ಪವಿತ್ರಾತ್ಮಾನಿ ಸಾಂಗ್‌ಲ್ಯಾ ಶಾರ್ಕ ದುಸ್‌ರ‍್ಯಾ ಕಾಲಾತ್ ಆಸ್‌ಲ್ಯಾಲ್ಯಾ ಲೊಕಾನಾ ಸಾಂಗ್ಲನಾಹಿ. 6 ತಿ ಗುಟ್ ಕ್ಯಾ ಮಂಜೆ, ಯೆಹುದಿ ನಸ್‌ಲ್ಯಾಲಿ ಬರೆ ಖಬ್ರಿಸ್ ಲಾಗುನ್ ಕ್ರಿಸ್ತ ಯೇಸುವ ದೇವಾಚಾ ಪೊರಾ ಸಂಗ್ನಿ ಯಕಾಸ್ ಶರೀರಾಚ಼ ಭಾಗ್, ಸಬ್ದಾತ್ ವಾಟದಾರ್ ಜಾ಼ಲ್ಯಾತ.

7 ದೇವಾನಿ ಅಪ್ಲೆ ತಾಕ್ತಿನಿ ಮನಾ ದಿಲ್ಯಾಲಿ ತ್ಯಚೆ ಕ್ರುಪೆಚಾ ದಾನಾನಿ ಮೀ ಹೇ ಬರೆ ಖಬ್ರಿಲಾ ಸೇವಕ್‍ ಜಾ಼ಲೊ. 8 ಸಗ್‌ಳ್ಯಾ ದೇವಾಚಾ ಲೊಕಾತ್ ಮಿ ಕಾಯ್ ನವ್ಹ ಮನ್ಹುನ್ ಜಾ಼ಲೊ ತರಿ ಕ್ರಿಸ್ತಾಚಾ ಸಮಜ಼ತ್ ನಸ್‌ಲ್ಯಾಲಿ ಸಾವ್ಕರ್ಕಿಚಿ ಬರಿ ಖಬರ್ ಯೆಹುದಿ ನಸ್‌ಲ್ಯಾಲ್ಯಾ ಲೊಕಾನಾ ಸಾಂಗಿ ಶಾರ್ಕ ಯೆಕ್ ಸೌಬಾಗ್ಯ ಮನಾ ದಿಲೆ 9 ತಸಸ್ ಸರ್ವ ಉತ್ಪನ್ ಕೆಲ್ಯಾಲ್ಯಾ ದೇವಾಪ ಪೈಲೆ ದರ್ನಿ ಚು಼ರುನ್ ಆಸ್‌ಲ್ಯಾಲ್ಯಾ ಖರ‍್ಯಾಚಿ ಯವಜ್ನಾ಼ ಸಗ್‌ಳ್ಯಾನಾ ದಿಲೆ. 10 ಮನ್ಹುನ್ ಸಭೆಸ್ ಲಾಗುನ್ ದೇವಾಚ಼ ಗಿನ್ಯಾನ್ ತ್ಯಚಿ ಸಾವ್ಕರ್ಕಿ ಆತಾ ಹ್ಯಾ ಸ್ವರ್ಗಾತ್ ಆಸ್‌ಲ್ಯಾಲ್ಯಾ ರಾಜಾನಾ, ಅಧಿಕಾರಿನಾ ದಾವುನ್ ದಿಯಾ ವ್ಹಯಿ ಜಾ಼ಲ್ಥ. 11 ಆಮ್ಚಾ ಪ್ರಭು ಯೇಸು ಕ್ರಿಸ್ತಾಸ್ ಲಾಗುನ್ ಆಪ್ನು ಖಾಯಿಮ್ಚಾ ಉದ್ದೆಶಾಚೆಗತ್ ದೇವಾನಿ ಹ್ಯ ಸಗ್ಳ ಕೆಲ. 12 ದೇವಾಚೆ ಮೊರ‍್ಹ ಮಿಳಾಯಾ ಆಮಾನಾ ಆಸ್‌ಲ್ಯಾಲಿ ಆಶಾ ಧೀರ್ ಕ್ರಿಸ್ತಾವ ಥೆವ್‌ಲ್ಯಾಲ್ಯಾ ಇಸ್ವಾಸಾಸ್ ಲಾಗುನ್ ತ್ಯಚಿಪಸ್ ಆಮಾನಾ ಹಾ. 13 ಮನ್ಹುನ್ ತುಮ್ಚಿಸ್ ಲಾಗುನ್ ಮನಾ ಆಲ್ಯಾಲಾ ತರಾಸ್ ಬಗುನ್ ತುಮಿ ಭಿಹು ನಕೊಸಾ ಮನ್ಹುನ್ ತುಮ್ಚಿಪ ಮಾಕ್ತೊ. ಹ್ಯ ತರಾಸ್ ತುಮಾನಾ ಮರ‍್ಯಾದ್ ಆಂತ್ಯಾತ.

14 ಆಸ ಆಸ್ಥಾನಾ. ತ್ಯಾ ಬಾಚೆ ಮೊರ‍್ಹ ಮೀ ನಡ್ಗ ಟಿಕ್ವುನ್, 15 ತ್ಯಾ ಬಾಪ್ನಿ ದರ್ತಿವ ಆನಿ ಸ್ವರ್ಗಾತ್ ಆಸ್‌ಲ್ಯಾಲ್ಯಾ ಪರ್ತೆಕ್ ಕುಟ್ಮಾನಿ ನಾವ್ ಗೆತಲ್ಯಾ. 16 ತುಮಿ ದೇವಾಚಾ ಆತಮ್ಯಾಸ್ ಲಾಗುನ್ ಮನಾತ್ ವಿಶೆಶ್ ಬಳ್ ಗಿಹ್ಯಾಲಾ ಮಾಗ್ನ ಕರ್ತೊ, 17 ಕ್ರಿಸ್ತ ತುಮ್ಚಾ ಇಸ್ವಾಸಾಸ್ ಲಾಗುನ್ ತುಮ್ಚಾ ಮನಾತ್ನಿ ಹಾ ಮನ್ಹುನ್,ತ್ಯೊ ಆಪ್ಲೆ ಮೊಟೆ ಮೈಮೆಚೆಗತ್ ದಿವುನಿ. 18 ತುಮಿ ದೇವಾಚೆ ಮಾಯೆತ್ ರಾಹುನ್, ದೇವಾಚಾ ಪೊರಾಂಚೆ ಮಾಯೆತ್ ರಾಹುನ್ ಕ್ರಿಸ್ತಾಚಿ ಮಾಯೆ ಕ್ಯವ್ಡಿ ರುಂದ್, ಲಾಮ್, ಉಚ಼್, ಖೊಲ್ ಸಮಜು಼ನ್ ಗಿಹ್ಯಾ ಬಳ್ ತುಮ್ಚಿಪ ರಾಹುನಿ. 19 ಮಾಜೆ ಸಮ್‌ಜು಼ಕಿವ್ನಿ ಚ಼ಡ್ ಆಸ್‌ಲ್ಯಾಲಿ ಕ್ರಿಸ್ತಾಚಿ ಮಾಯಾ ಸಮ್‍ಜು಼ನ್ ಗಿಹುನ್, ದೇವಾಚಾ ಸರ್ವ್ಯಾ ಪರ‍್ಯಾತ್ ಪುರ್ನವ್ಹಯಿ ಸಾರ ದೇವ್ ತುಮಾನಾ ದಿವುನಿ ಮನ್ಹುನ್ ತ್ಯಚಿಪ ಮಾಕ್ತೊ.

20 ಆಮ್ಚಿಪ ಕಾಮ್ ಕರ್ನಾರಾ ಆಪ್‌ಲ್ಯಾ ಬಳಾಚೆಗತ್ ಆಮಿ ಮಾಗ್‌ಲ್ಯಾಲ್ಯಾವ್ನಿ ಆನಿ ಯವಜ಼್‌ಲ್ಯಾಲ್ಯಾವ್ನಿ ಮೊಟ ಕಾಮ ಕರಾಯಾ ಶಕ್ಯಾ ಆಸ್‌ಲ್ಯಾಲ್ಯಾ ದೆವಾಲಾ 21 ಸಭೆತ್ ಆನಿ ಕ್ರಿಸ್ತ ಯೇಸುಪ ಪಿಡಿನ್ ಪಿಡಿ ಪರ‍್ಯಾತ್ ಖಾಯಿಮ್ ಮೈಮಾ ವ್ಹವುನಿ. ತಸಸ್ ವ್ಹವುನಿ.