Efésios 4

25 ಮನ್ಹುನ್ ಪರತೆಕ್ ಯೊಕ್ ಆಪ್‌ಲ್ಯಾ ಯಕಾ ಮಕಾಚೆ ಸಂಗ ಲಬಾಡ್ ಸುಡುನ್ ಖರತ್ಯ ಬುಲುನಿ. ಕಾ ಮಂಜೆ ಆಮಿ ಪರತೆಕ್ ಜಾ಼ನ್ ಯಕಾಸ್ ಶರೀರಾಚ಼ ಭಾಗ್ ಜಾ಼ಲ್ಯಾವ್. 26 ರಾಗ್ ಕೆಲಾಸಾತರಿ ಪಾಪ್ ಕರುನಕೊಸಾ, ದೀಸ್ ಮಾವ್ಳಾಚೆ ಆಂದಿ ತುಮ್‍ಚಾ಼ ರಾಗ್ ನಿವ್ಳುನಿ. 27 ಸೈತಾನಾಲಾ ಜಾ಼ಗಾ ದಿವುನಕೊಸಾ. 28 ಚು಼ರಿ ಕರ್ನಾರಾ ಹಿತ್ನಿ ಮೊರ‍್ಹ ಚು಼ರಿ ಕರಾಚೆ ಆಂದಿ ಚಾ಼ಂಗ್ಲ ಕಾಮ್ ಕರುನಿ. ತವಾ ಗರಿಬಾನಾ ದಿಯಾ ತ್ಯಲಾ ವ್ಹನಾರ್. 29 ತುಮ್ಚಾ ತೊಂಡಾತ್ನಿ ಕಸ್ಲಸ್ ಬುರ್ಸ ಸಬಾತ್ ಯವುನಾಹಿತ. ಭಕ್ತಿ ವಾಡಾಯಾ ವ್ಹಯಿಜಾ಼ಲ್ಯಾಲ್ಯಾ ಬೊಲ್ಯಾ ಬೊಲ್ಯಾವ ಐಕ್‌ತ್ಯಾಲ್ಯಾನಾ ಬರ ರಾಹಿಲ್. 30 ದೇವಾಚಾ ಪವಿತ್ರಾತ್ಮಾಲಾ ದುಕ್ವು ನಕೊಸಾ. ತ್ಯಚಿಪ್ನಿಸ್ ಸುಟ್ನುಕಿಚಾ ದಿಸಾಸಾಟಿ ಸಿಕಾ ಗೆತಲ್ಯಾಸಾನವ್ಹ. 31 ಸಗ್ಳ ವಾದ್, ರಾಗ್, ಸಂತಾಪ್, ಬಾಂಡಾನ್, ನಿಂದಾ ಹ್ಯ ಸಗ್ಳೆ ತರಚ಼ ನೀಚ಼್ ಪನ್ ತುಮ್ಚಿಪ್ನಿ ದುರ್ ಕರಾ. 32 ಹ್ಯಚೆ ಬದಲ್ ಯಕಾಮಕಾಸಂಗ ದಯೆನಿ, ಕರ್ನಾನಿ ರಾವ್ಹಾ. ದೇವಾನಿ ತುಮಾನಾ ಕ್ರಿಸ್ತಾಪ ಮಾಪ್ ಕೆಲ್ಯಾ ಶಾರ್ಕ ತುಮಿ ಯಕಾ ಮಕಾಲಾ ಮಾಪ್‍ಕರಾ.