Gálatas 2

ಪೌಲ್ ಆನಿ ಉರಲ್ಯಾಲ ಅಪೊಸ್ತಲ್

1 ಚೌ಼ದಾ ವರ್ಸಾಚೆ ನಂತರ್ ಮಿ ಬಾರ್ನಬಾಚೆ ಸಂಗ ತೀತಾಲಾ ಸಾಹಿತ್ ಗಿಹುನ್ ಆನಿ ಯಂಗ್ದಾ ಯೆರುಸಲೆಮತ್ ಗೆಲೊ. 2 ದೇವಾಚಾ ಹುಕ್ಮಾನಿ ಜಾ಼ವುನ್ ಯೆಹುದಿ ನಸ್‌ಲ್ಯಾಲ್ಯಾ ಲೊಕಾನಾ ಮಿ ಸಾಂಗ್‌ತ್ಯಾಲಿ ಬರಿ ಖಬರ್ ಕ್ಯಾ ಮನ್ಯಾಚಿ ಜಾಂತ್ಯಾನಾ ಯಕಾನ್ಸಿ ಸಾಂಗ್ಲ ಕಾಮಂಜೆ ಮೀ ಬರೆ ಖಬರಿಸಾಟಿ ಖಾಲ್ಯಾಲಿ ಖಟ್ಪಟ್ ಆತಾ ಖಾತ್ಯಾಲಿ ಖಟ್ಪಟ್ ಉಗಸ್ ವ್ಹವು ನಾಹಿ ಮನ್ಹುನ್ ಸಾಂಗ್ಲ. 3 ಮಾಜೆ ಸಂಗಚಾ಼ ತೀತ್ ಗ್ರೀಕ್ ಜಾ಼ಲ್ಹಾ ತರಿ ತ್ಯಚಿ ಮುಂಜಿ ವ್ಹಯಾವ್ಹಯಿ ಮನ್ಹುನ್ ಕುನಿ ಬಳ್ ಜು಼ರಿ ಕೆಲಿ ನಾಹಿ. 4 ಫನ್ ಚು಼ರುನ್ ಆತ್ ಆಲ್ಯಾಲ ಲಬ್ಡ ಬಾಹು ಆಮಾನಾ ಗುಲಾಮಾತ್ ಗಾಲ್ವಾಯಾ ವ್ಹಯಿ ಮನ್ಹುನ್ ಕ್ರಿಸ್ತ ಯೇಸುಪ ಆಸ್‌ಲ್ಯಾಲಾ ಸ್ವತಂತ್ರ ಕುನಾಲಾ ಸಮಜಾ಼ಚೆ ಆಂದಿ. ಇಚಾರಾಯಾ ಆಲ್ತ 5 ಬರೆ ಖಬರಿಚ಼ ಖರ ತುಮ್ಚಿಪ ಶಾರ್ಕ ರಾಹ್ಯಾ ವ್ಹಯಿ ಮನ್ಹುನ್ ಆಮಿ ತ್ಯಂಚಾ ತಾಬ್ಯಾತ್ ಜ಼ರಾಬಿ ಗಾವ್ಲಾವ್ ನಾಹಿ.

6 ಫನ್ ಕೊನ್ ಫುಡಾರಿ ಮನ್ಹುನ್ ಗಿಹ್ಯಾ ವ್ಹಯಿ ಮಂಥ್ಯಾತ, ಮಿ ಸಾಂಗ್ತೊ ಹ್ಯ ಮಾಜಿಪ ಆನಿ ತ್ಯಂಚಿಪ ಕಾಯ್ ವ್ಯತ್ಯಾಸ್ ಆನಿತ್ ನಾಹಿ; ದೇವ್ ಸಗ್‌ಳ್ಯಾನಾ ಯೇಕುಸ್ ತರನಿ ಬಗ್ತೊ. ಮನ್ಹುನ್ ತ್ಯಾ ಫುಡಾರ‍್ಯಾಂಚಾಪ್ನಿ ಮನಾ ಕಾಯ್ ಗಾವ್ಲ ನಾಹಿ. ✝2:6 ಧರ್ಮೋಪದೇಶ 10:17 7 ಫನ್ ಮುಂಜಿ ಜಾ಼ಲ್ಯಾಲ್ಯಾನಾ ಬರಿ ಖಬರ್ ಸಾಂಗಾಚ಼ಸ್ ಕಾಮ್ ಕಸ ಪೇತ್ರಾಲಾ ದಿಲ್ಯಾ ತಸಸ್ ಯೆಹುದಿ ನಸ್‌ಲ್ಯಾಲ್ಯಾ ಲೊಕಾನಾ ತ್ಯ ಸಾಂಗಾಚ಼ ಕಾಮ್ ಮನಾ ದಿಲ್ತ. 8 ಕಾ ಮಂಜೆ ಮುಂಜಿ ಜಾ಼ಲ್ಯಾಲ್ಯಾತ್ ಅಪೊಸ್ತಲ್ ಚಾ಼ಲ್ವಾಯಾ ಸಾಟಿ ಪೇತ್ರಾಚಾ ತಾಬ್ಯಾತ್ ದಿಲ್ಯಾಲ್ಯಾ ದೇವಾನಿ, ಮುಂಜಿ ನಸ್‌ಲ್ಯಾಲ್ಯಾನಾ ತ್ಯ ಚಾ಼ಲ್ವಾಯಾ ಸಾಟಿ ಮನಾ ದಿಲ. 9 ಸಭೆಚ಼ ಫುಡಾರಿ ಮನ್ಹುನ್ ಹಾಕ್ಟುನ್ ಗೆತಲ್ಯಾಲ ಯಾಕೊಬ್ ಪೇತ್ರಾ ಯೊಹಾನ್ ದೇವಾನಿ ದಿಲ್ಯಾಲ ಮನಾ ವರ ಸಮಜು಼ನ್ ಗಿಹುನ್ ಯಕಿ ದಾವಾಯಾ ಸಾಟಿ ಮನಾ ಬಾರ್ನಬಲಾ ಮಜ಼ತ್ ಕರುನ್ ಹಾತ್ ದಿವುನ್ ತುಮಿ ಯೆಹುದಿ ನಸ್‌ಲ್ಯಾಲ್ಯಾ ಲೊಕಾಪ್ನಿ ಜಾ಼ವಾ ಆಮಿ ಮುಂಜಿ ಕೆಲ್ಯಾಲ್ಯಾ ಲೊಕಾಪ್ನಿ ಜಾ಼ತಾವ್ ಮನ್ಲ. 10 ಫನ್ ತುಮಿ ಗರೀಬ್ ಲೊಕಾನಾ ಇಸ್ರು ನಾಹಿಸಾ ಮನ್ಹುನ್ ಯೆಕುಸ್‌ ಗ್ಯೊಸ್ಟ್ ಮಾಗತ್ಯಾತ, ತಸ ಕರ್ತ್ಯಾಲ್ಯಾತ್ ಮಿ ಮನ್ ಆಸ್ನಾರಾ ಜಾ಼ಲ್ಯೊ.

ಪೌಲಾನಿ ಅಂತಿ ಯೊಕ್ಯಾತ್ ಪೇತ್ರಾಚಿ ಚು಼ಕ್ ದಾವುನ್ ದಿಲ್ಯಾಲಿ

11 ಪೇತ್ರಾ ಅಂತಿಯೊಕ್ಯಾತ್ ಅಲ್ಲಾ ತವಾ ತ್ಯಂಚಿಪ ಚು಼ಕ್ ದಿಸ್ಲಿ ಮನ್ಹುನ್ ಮೀ ತ್ಯಲಾ ತೊಂಡಾ ಸಮುರ್ ಖಡ್ಯಾವ್ಲಾ. 12 ಕಾ ಮಂಜೆ ಯಾಕೊಬಾಪ್ನಿ ಥುಡಿ ಜ಼ನ ಯಯಾಚೆ ಆಂದಿ ಪೇತ್ರಾ ಯೆಹುದಿ ನಸ್‌ಲ್ಯಾಲ್ಯಾಂಚೆ ಸಂಗ ಜೆವತಾ. ತೇ ಅಲ್ಯಾ ನಂತರ್ ಮುಂಜಿ಼ ಜಾ಼ಲ್ಯಾಲ್ಯಾನಾ ತ್ಯೊ ಭೀವುನ್, ಯೆಹುದಿ ನಸ್‌ಲ್ಯಾಲ್ಯಾ ಲೊಕಾನಾ ಸುಡುನ್ ಆಪ್ನು ಯಗಾಳ್ಯಾಲಾ ದಿಸ್ತೊ. ✝2:12 ಅಪೊಸ್ತಲ್ 11:28; 12:1-3 13 ಯವ್ಡಸ್‍ನವ್ಹ ರಾಯ್‌ಲ್ಯಾಲಿ ಯಹುದ್ಯಿ ತ್ಯಂಚಿ ಸಂಗ ಮಿಳುನ್ ಕಸ ಕಪಟ್ ಕರ್‌ತ್ಯಾತ. ತಸಸ್ ಬಾರ್ನಬಾ ಸಾಯಿತ್ ತ್ಯಂಚಾ ಕಪಟಾತ್ ಪಡ್ತೊ. 14 ತೇ ಬರೆ ಖಬ್ರಿಚಾ ಖರ‍್ಯಾ ಶಾರ್ಕ ಚಾ಼ಲತ್ ನಾಹಿತ ಮನ್ಹುನ್ ಮೀ ಬಗ್ಲ ತವಾ ಸಗ್‌ಳ್ಯಾಂಚೆ ಮೊರ್ಹ ಪೇತ್ರಾಲಾ ಸಾಂಗ್‍ಲ್ಯಾಲ ಕ್ಯಾ ಮಂಜೆ, ತು ಯಹುದ್ಯಿ ವ್ಹವುನ್ ಯಹುದ್ಯಾಂಚೆಗತ್ ಚಾ಼ಲಾಚೆ ಆಂದಿ ಯೆಹುದಿ ನಸ್‌ಲ್ಯಾಚೆಗತ್ ಜೀವ್ನಾ ಕರುನ್, ದುಸರ‍್ಯಾ ಲೊಕಾನಾ, ತುಮಿ ಯಹುದ್ಯಿ ಲೊಕಾಂಚೆಗತ್ ಚಾ಼ಲಾಯಾ ವ್ಹಯಿಸಾ ಮನ್ಹುನ್ ಕಶಾಲಾ ಬಳ್ ಜು಼ರಿ ಕರ್ತೊಸ್?

ಯಹುದ್ಯಾನಾ ಆನಿ ಯೆಹುದಿ ನಸ್‌ಲ್ಯಾಲ್ಯಾನಾ ಇಸ್ವಾಸಾನಿ ರಕ್ಷನ್

15 ಆಮಿ ತರಿ ಜ಼ಲ್ಮಾತ್ ಯಹುದ್ಯಿ ಪಾಪಿ ಮನ್ಹುನ್ ಗೆತಲ್ಯಾಲ್ಯಾ ಯೆಹುದಿ ನಸ್‌ಲ್ಯಾಲ್ಯಾನಾ ನವ್ಹ. 16 ಕುನಿ ತರಿ ಯೇಸು ಕ್ರಿಸ್ತಾವ ಇಸ್ವಾಸ್ ತೆವ್‌ಲ್ಯಾಲ್ಯಾಸ್ ಲಾಗುನ್ ಧರ್ಮಶಾಸ್ತಾರಾಚ಼ ನೆಮ್ ಪ್ಯಾಳ್ಯಾತ ಮನ್ಹುನ್ ನೀಯತಿಚಾ಼ ಮನ್ಹುನ್ ಥರತ್ನಾಹಿ ಮನ್ಹುನ್ ಆಮಾನಾ ಸಮಾಜ಼ಲ್ಯಾ ಮನ್ಹುನ್ ಆಮಿ ಸಾಯಿತ್ ಧರ್ಮಶಾಸ್ತಾರಾಚ಼ ನೆಮ್ ಸುಡುನ್ ಕ್ರಿಸ್ತ ಯೇಸುವ ಇಸ್ವಾಸ್ ಥೆವ್ತಾವ್. ಕಾ ಮಂಜೆ ಕೊನ್ ಧರ್ಮಶಾಸ್ತಾರಾಚಾ ನೆಮಾ ಶಾರ್ಕ ಚಾ಼ಲತ್ಯಾಲಾ ನೀಯತಿಚಾ಼ ಮನ್ಹುನ್ ಥರತ್ ನಾಹಿತ. 17 ಫನ್ ಆಮಿ ಕ್ರಿಸ್ತಾಸ್ ಲಾಗುನ್ ನೀಯತಿಚ಼ ಮನ್ಹುನ್ ನಿರ್ಧಾರ್ ಗಿಹ್ಯಾ ಯತ್ನ ಕರ್ತಾನಾ, ಆಮಿ ಪಾಪಿ ಮನ್ಹುನ್ ದಿಸುನ್ ಆಲ್ಯಾವ ಕ್ರಿಸ್ತ ಪಾಪಾಲಾ ಮಜ಼ತ್ ಕರ್ನಾರಾ ಕ್ಯಾ? ಕಂದಿಸ್ನಾಹಿ. 18 ಮೀ ಪ್ಯಾಡ್‌ಲ್ಯಾಲ ಪರ್ತುನ್ ಬ್ಯಾಂದ್‌ಲ್ಯಾವ ಮನಾಸ್ ಮೀಸ್ ಗುನ್ಹದಾರ್ ಮನ್ಹುನ್ ದಿಸ್ತೊನವ್ಹ. 19 ಮೀ ತರಿ ದೇವಾ ಸಾಟಿ ಜೀವ್ನಾ ಕರಾಯಾ ಸಾಟಿ ಧರ್ಮಶಾಸ್ತಾರಾಸ್ ಲಾಗುನ್ ಧರ್ಮಶಾಸ್ತಾರಾ ಸಾಟಿ ಮೆಲ್ಯೊ. ಮೀ ಸಾಯಿತ್ ಕ್ರಿಸ್ತಾ ಸಂಗ ಶಿಲ್ಬೆವ ಹಾ, 20 ಮನ್ಹುನ್ ಹೀತ್ನಿ ಮೊರ್ಹ ಜೀವ್ನಾ ಕರ್ನಾರಾ ಮಿನವ್ಹ, ಫನ್ ಕ್ರಿಸ್ತ ಮಾಜಿಪ ಜೀವ್ನಾ ಕರ್ನಾರ್. ಆತಾ ಶರೀರಾನಿ ಆಸ್‌ಲ್ಯಾಲಾ ಮೀ ಜೀವ್ನಾ ಕರಾಚೊ಼ ಕಸಾ ಮಂಜೆ ದೇವಾಚಾ ಲೇಕಾವಲ್ಯಾ ಇಸ್ವಾಸಾನಿಸ್. ತ್ಯನಿ ಮಾಜಿ ಮಾಯಾ ಕರುನ್ ಮಾಜಿ ಸಾಟಿ ಆಪ್‌ಲ್ಯಾಲಾಸ್ ದಿಲಾ. 21 ಮೀ ದೇವಾಚೆ ಕ್ರಪೆಚಿ ನಕ್ವಾಟ್ ಕರಿತ್ನಾಹಿ. ಧರ್ಮಶಾಸ್ತಾರಾಸ್ ಲಾಗುನ್ ನೀಯತಿಚ಼ ವ್ಹಯಾಚ಼ ಜಾ಼ಲ್ಯಾವ ಕ್ರಿಸ್ತ ಮೆಲ್ಯಾಲಾ ಪುಕಟ್.