ಯಕಾ ಮಕಾಚ಼ ವಜ಼ ವಾಟುನ್ ಗೆವ್ಹಾ
1 ಬನ್ಹಿ ಬಾವ್ಹಾನು, ತುಮ್ಚಾತ್ ಕೊನ್ತರಿ ಕಸ್‌ಲೆತರಿ ಚು಼ಕಿತ್ ಗಾವಲ್ಯಾಲಾ ಆಸ್ಲಾತ ತಸ್‌ಲ್ಯಾಲಾ ಆತಮ್ಯಾನಿ ಬರ್ಲ್ಯಾಲ ತುಮಿ ಥಂಡ್ಪನಾನಿ ಸಾಂಗುನ್ ಶಾರ್ಕಾ ಕರಾಯಾ ವ್ಹಯಿ, ಫನ್ ತುಮಿ ಪರೀಕ್ಷೆತ್ ಗಾವ್ಹುನಾಹಿ ಆಸ ತುಮ್ಚೆ ಗುಸ್ಟಿತ್ ಹುಶಾರ್ ರಾವ್ಹಾ. 2 ತುಮಿ ಯಕಾಮಕಾಚ಼ ವಜ಼ ಉಚ್ಲು಼ನ್ ಗೆವಾ, ಆಸ ಕ್ರಿಸ್ತಾಚ಼ ನೇಮ್ ಪುರ್ತಿಕರಾ. 3 ಕಾ ಮಂಜೆ ಕಚಾನಿ ತರಿ ಬಾರಿಕ್ ರಾಹುನ್ ಆಪ್ನು ಮೊಟಾ ಮನ್ಹುನ್ ಯವಜ಼್‌ಲ್ಯಾವ ಆಪ್‍ಲ್ಯಾಲಾಸ್ ಆಪ್ನು ಪಸಿವಲ್ಯಾಚೆಗತ್ ವ್ಹನಾರ್. 4 ಪರ್ತೆಕಾನಿ ಆಪ್ನು ಕೇಲ್ಯಾಲ್ಯಾ ಕಾಮಾಚಿ ಪಾರಕ್ ಕರಾಯಾ ವ್ಹಯಿ. ತವಾ ತ್ಯೊ ಆಪ್‌ಲ್ಯಾಲಾ ಆಪ್ನುಸ್ ಮೊಟಾ ಮನ್ಹುನ್ ಗಿಹ್ಯಾವ್ಹಯಿಲ್ ಖರ ಆನಿಯಕಾ ಸಂಗ ಮಿಳುನ್ ಮೊಟಾ ವ್ಹಯಾ ವ್ಹಯಿ ಮನ್ಹುನ್ ನಾಹಿ. 5 ಕಾ ಮಂಜೆ ಪರತೇಕಾನಿ ಆಪ್ಲ ವಜ಼ ಆಪ್ನುಸ್ ಗಿಹ್ಯಾವ್ಹಯಿ.