1 ತುಮಿ ಕ್ರಿಸ್ತಾಪ ಬನ್ಹಿ ಬಾಹು ಜಾ಼ಲ್ಯಾಸಾ ಮನ್ಹುನ್ ಯಕಾಮಕಾಚಿ ಮಾಯಾ ಕರಿತ್ ರಾವ್ಹಾ. 2 ಸತ್ಕಾರ್ ಕರಾ. ಥೊಡ್ಯಾಂಚಾನಿ ಸಮಜಾ಼ಚೆ ಆಂದಿ ದೇವ್‌ ದುತಾನಾ ಸತ್ಕಾರ್ ಕೆಲ್ಯಾ. 3 ತುರುಂಗಾತ್ ಆಸ್‌ಲ್ಯಾಲ್ಯಾ ಲೊಕಾನಾ ಇಸ್ರು ನಕೊಸಾ. ತುಮಿ ತ್ಯಂಚಿ ಸಂಗ ತುರುಂಗಾತ್ ಹಾಸಾ ಕ್ಯಾ ಮನ್ಯಾಚಿ ಯಾದ್‌ಕರಾ ಆನಿ ತರಾಸಾತ್ ಆಸ್ನಾರ‍್ಯಾ ಲೊಕಾನಾ ಇಸ್ರು ನಕೊಸಾ. ತುಮಿ ತ್ಯಚಿ ಸಂಗ ತರಾಸ್‌ ಖಾತ್ಯಾಸಾ ಕ್ಯಾ ಮನ್ಯಾಚಿ ಯಾದ್ ಕರಾ.

4 ಸಗಳ್ಯಾಂಚಾನಿ ಲಗಿನ್ ಮೊಟ ಮನ್ಹುನ್ ಸಮಜಾ಼ಯಾವ್ಹಯಿ ಆನಿ ಲಗಿನ್ ಜಾ಼ಲ್ಯಾ ನಂತರಚಾ಼ ಜಿವ್ನಾ ಶುದ್ ರಾಹ್ಯಾ ವ್ಹಯಿ. ಕಾ ಮಂಜೆ ಬಾಹಿರ್ಲೆ ಸಂಗತಿಚಾನಾ ಆನಿ ವ್ಯಬಿಚಾರಿನಾಬಿ ದೆವ್ ನ್ಯಾಯಿ ನಿವಡ್ನಾರ್ ಮನ್ಹುನ್ ಸಮಜು಼ನ್ ಗೆವ್ಹಾ.

5 ಪೈಶಾವ್ನಿ ತುಮಾನಾ ಲ ಮಾಯಾ ಆಸ್ಲಿತ ದೂರ್ಕರಾ. ತುಮ್ಚಿಪ ಆಸ್‌ಲ್ಯಾಲ್ಯಾತ್ನಿಸ್ ಸಮಾಧಾನಾನಿ ರಾವ್ಹಾ. ದೇವಾನಿ ಆಸ ಸಾಂಗ್‌ಲ್ಯಾ:

"ಮಿ ತುಮಚಾ಼ ಹಾತ್‌ ಕಂದಿಸ್ ಸುಡಿತ್ ನಾಹಿ.

ಮಿ ತುಮಾನಾ ಕಂದಿಸ್ ದುರ್ಕರಿತ್ ನಾಹಿ ಆನಿ ಕಂದಿಸ್ ಸುಡಿತ್ ನಾಹಿ. " ಧರ್ಮೋಪದೇಶ 31:6

6 ಮನ್ಹುನ್ ಆಮಿ ದಿರ‍್ಹಾನಿ ಆಸ ಸಾಂಗು ಸಕ್ತ:

"ಪ್ರಬು ಮನಾ ಮಜ಼ತ್ ಕರ್ನಾರಾ;

ಮಿ ಬಿಹಿತ್ ನಾಹಿ.

ಲೊಕಾನಾ ಮನಾ ಕಾಯೇಕ್ ಕರಾಯಾ ವ್ಹಯಿತ್ ನಾಹಿ. " ಕೀರ್ತನೆ 118:6

7 ತುಮ್ಚೆ ಸಭೆಚಾ ಜಾಂತ್ಯಾಂಚಿ ಯಾದ್ ಕರಾ. ತೆ ತುಮಾನಾ ದೇವಾಚಾ಼ ಸಂದೇಸ್ ಸಾಂಗುನ್. ಮರಸ್ ಪರತ್ ಕಸ ಚಾ಼ಲ್ಲ ಮನ್ಯಾಚಿ ಯಾದ್ ಕರಾ. ತ್ಯಂಚಾ ಇಸ್ವಾಸಾಚೆಗತ್ ತುಮಿ ಚಾ಼ಲಾ. 8 ಯೇಸು ಕ್ರಿಸ್ತ ಕ್ಯಾಲ್ಬಿ ಆಜ಼ಬಿ ಆನಿ ಖಾಯಿಮ್ ಯೆಕುಸ್ ತರನಿ ರಾನಾರ್. 9 ತುಮಾನಾ ಚು಼ಕಿಚೆ ವಾಟವ ನೆನಾರ‍್ಯಾ ದುಸ್‌ರ‍್ಯಾಂಚೆ ಬೊಲಿವ್ನಿ ಲಕ್ಷೆ ದಿವುನಕೊಸಾ. ತುಮ್ಚಿ ಮನ ದೇವಾಚೆ ಕ್ರಪೆನಿ ಬರುನ್ ರಾಹ್ಯಾ ವ್ಹಯಿತ ಜೆವ್ನಾಚಾ಼ ನೆಮ್ ಪ್ಯಾಳ್‌ತ್ಯಾಲ್ಯಾನಿ ನವ್ಹ. ತೆ ನ್ಯಾಮ್ ಪ್ಯಾಳ್ನಾರ‍್ಯಾ ಲೊಕಾನಾ ಮಜ಼ತ್ ವ್ಹಯಿತ್ ನಾಹಿ.

10 ಆಮಾನಾ ಯೆಕ್ ಯಜ್ಞವೆದಿ ಹಾ. ಹ್ಯೊ ನಿವದ್ ಖಾಯಾ ಬಿಡಾರಾತ್ ರಾವ್ಹುನ್ ಚಾ಼ಕ್ರಿ ಕರ್ತ್ಯಾಲ್ಯಾಲಾ ಹಾಕ್ ನಾಹಿ. 11 ಮೊಟಾ ಯಾಜಕ್ ದೊಸ್ ಕಾಡುನ್ ಟ್ಯಾಕ್‌ತ್ಯಾಲ್ಯಾ ಜ಼ನಾವಾರಾಚ಼ ರಗಾತ್ ಗಿವ್ಹುನ್ ಪವಿತ್ರ ಜಾ಼ಗ್ಯಾತ್ ಜಾ಼ತೊ, ಫನ್ ತ್ಯಾ ಜ಼ನಾವಾರಾಚ಼ ಧಡ್ ಯಸಿಚೆ ಬಾಹಿರ್ ಜ಼ಳ್ತ. 12 ತ್ಯಚೆಗತ್ ಯೇಸು ಸಾಹಿತ್ ಆಪ್‌ಲ್ಯಾ ರಕ್ತಾನಿ ಆಪ್‍ಲ್ಯಾ ಲೊಕಾನಾ ಪರಿಶುದ್ದ ಕರಾಯಾಸಾಟಿ ಯಸಿಚೆ ಬಾಹಿರ್ ಮೆಲಾ. 13 ಮನ್ಹುನ್ ಯಸಿಚೆ ಬಾಹಿರ್ ಜಾ಼ವುಯಾ ಆನಿ ತ್ಯಚಾ ಅವ್ಮಾನಾತ್ ವಾಟದಾರ್ ವ್ಹವುಯಾ. 14 ಕಾ ಮಂಜೆ ಹೇ ದುನೆತ್ ಖಾಯಿಮ್ಚಿ ಪ್ಯಾಟ್ ಆಮಾನಾ ನಾಹಿ. ಮೊರ‍್ಹ ಯನಾರೆ ಪೆಠಚಿ ವಾಟ್ ಬಗಿತ್ ಹಾವ್. 15 ಮನ್ಹುನ್ ಯೇಸುಸ್ ಲಾಗುನ್ ದೇವಾಲಾ ಸ್ತೊತ್ರ ಮಂಥ್ಯಾಲ ಯಜ್ಞ ಕವ್ವಾಬಿ ದಿವುಯಾ, ತ್ಯಲಾ ಆಮಿ ಪ್ರಭು ಮನ್ಹುನ್ ಇಸ್ವಾಸ್ ಥಿವುನ್ ತೊಂಡಾನಿ ಸಾಂಗಾಚ಼ ತ್ಯಸ್ ಆಮಿ ದೆನಾರ ಯಜ್ಞ ಜಾ಼ಲ್ಯಾ. 16 ಯವ್ಡಸ್ ನವ್ಹ ದುಸ್‌ರ‍್ಯಾನಾ ಚಾ಼ಂಗ್ಲ ಕರಾಚ಼, ದುಸ್‌ರ‍್ಯಾನಾ ಮಜ಼ತ್ ಕರಾಚಿ ಇಸ್ರು ನಕೊಸಾ. ಕಾ ಮಂಜೆ ಹ್ಯಾಸ್ ದೇವಾಲಾ ಆವಾಡಲ್ಯಾಲ್ಯಾ ಯಜ್ಞ.

17 ತುಮಾನಾ ಮೊರ‍್ಹ ಚಾ಼ಲಿವತ್ಯಾಲ್ಯಾಂಚಿ ಬುಲಿ ಐಕಾ, ತ್ಯಚಾ ಹಾತಾಕಾಲ್ ರಾವ್ಹಾ. ತೇ ಲೆಖಾ ದೆನಾರ ಜಾ಼ಲ್ಯಾತ ಮನ್ಹುನ್ ತುಮಚ಼ ಆತ್ಮ ರ‍್ಯಾಕ್ನಾರ ಜಾ಼ಲ್ಯಾತ. ತೆ ತರಾಸ್ ಖಾಯಾಚೆ ಆಂದಿ ಸಂತೊಶಾನಿ ಹ್ಯ ಕರಿ ಜೊ಼ಗ ಚಾ಼ಲಾ. ಕಾ ಮಂಜೆ ತೆ ತರಾಸಾನಿ ರಾಹ್ಯಾಚ಼ ತುಮಾನಾ ಉಪೆಗ್ ನಸ್‌ಲ್ಯಾಲ.

18 ಆಮ್ಚಿ ಸಾಟಿ ಮಾಗ್ನ ಕರಾ. ಆಮಿ ಸಗ್‌ಳ್ಯಾ ಗುಶ್ಟಿತ್ನಿ ನೀಯತಿನಿ ಚಾ಼ಲಾಯಾ ವ್ಹಯಿ ಮನ್ಹುನ್ ಮನ್ ಕರುನ್ ಚಾ಼ಂಗ್ಲ ಮನ್ ಹಾ ಮನ್ಹುನ್ ನಿರ್ಧಾರ್ ಕೆಲ್ಯಾ. 19 ಆನಿ ಮಿ ತುಮ್ಚಿಪ ಬಿಗಿನಿ ಪರ್ತುನ್ ಯಯಾ ವ್ಹಯಿ ಮನ್ಹುನ್ ದೇವಾಪ ಮಾಗ್ನ ಕರಾಯಾ ಮಿ ತುಮಾನಾ ಖುಭ್ ಇನಂತಿ ಕರ್ತೊ.

20 ದೇವಾನಿ , ಆಮ್ಚಾ ಪ್ರಭು ಯೇಸುಲಾ ಖಾಯಿಮ್ಚಾ ಕರಾರಾಚಾ ರಗ್ತಾನಿ ಮೆಲ್ಯಾಲ್ಯಾತ್ನಿ ಜಿತ್ತಾ ಕರುನ್ ಉಠಿವ್ಲಾ. ತ್ಯೊ ಮೆಂಡ್ರಾಂಚಾ಼ ಚಾ಼ಂಗ್ಲಾ ಕುರ್ಬುರ್ ಜಾ಼ಲ್ಯಾ, 21 ತುಮಿ ತ್ಯಚಾ ಮನಾಚೆಗತ್ ಕರ್ತ್ಯಾಲ ವ್ಹಯಾ ತ್ಯೊ ಸಗ್‌ಳ್ಯಾ ಚಾ಼ಂಗಲ್ಯಾ ಥಂಡ್ಪನಾಚಾ಼ ದೇವ್ ತುಮಿ ತ್ಯಚ಼ ಮನ್ ಪುರ್ನ ಕರಾಯಾ ಸಗಳ್ಯಾ ಚಾ಼ಂಗಲ್ಯಾ ಕಾರ್ಯಾನಾವ್ಹಯಿ ಜಾ಼ಲ್ಯಾಲಾ ಆನಕುಲ್ ತುಮಾನಾ ದಿವುನ್. ಯೇಸು ಕ್ರಿಸ್ತಾಸ್ ಲಾಗುನ್ ತ್ಯಚೆ ನದ್ರಲಾ ಆವಾಡತ್ಯಾಚೆಗತ್ ಕಾಮ್ ಕರ್ತ್ಯಾ, ತ್ಯಲಾ ಕವಾಬಿ ಮೈಮಾ ವ್ಹವುನಿ. ತಸಸ್ ವ್ಹವುನಿ.

22 ಮಾಜಾ ಬನ್ಹಿ ಬವ್ಹಾನು, ಉಮೇದಿಚ಼ ಹೆ ಸಂದೇಶ್ ಥಂಡ್ಫನಾನಿ ಐಕಾ ಮಂತೊ. ತುಮಾನಾ ಲಿವ್‌ಲ್ಯಾಲ ಹ್ಯ ಪತ್ರ ಬಾರಿಕ್ ಹಾ. 23 ಆಮ್‍ಚಾ಼ ಬಾಹು ಜಾ಼ಲ್ಯಾಲ್ಯಾ ತಿಮೊಥೆಲಾ ತುರುಂಗಾತ್ನಿ ಸುಟ್ನುಕ್ ಜಾ಼ಲಿ ಮನ್ಹುನ್ ತುಮಾನಾ ಠಾವ ರಾಹುನಿ ತ್ಯೊ ಬಿಗಿ ಆಲಾತ ಮಿಬಿ ತ್ಯಚಿ ಸಂಗ ಯವುನ್ ತುಮಾನಾ ಬಕ್ತೊ.

24 ತುಮ್ಚಾ ಸಗ್‌ಳ್ಯಾ ಸಬೆಚಾ ಜಾಂತ್ಯಾನಾ ಆನಿ ದೇವಾಚಾ ಲೊಕಾನಾ ಇಚಾರ್ಲ ಮನ್ಹುನ್ ಸಾಂಗಾ. ಇತಾಲ್ಯಾ ದೇಶೆತ್ಲಿ ಬನ್ಹಿ ಬಾಹು ತುಮಾನಾ ಇಚಾರತ್ಯಾತ. 25 ದೇವಾಚಿ ಕ್ರಪಾ ತುಮ್ಚೆ ಸಗ್‌ಳ್ಯಾಂಚಿಪ ರಾವ್ಹುನಿ. ತಸಸ್ ವ್ಹವುನಿ.