Hebreus 8

6 ಫನ್ ಯೇಸುಲಾ ದಿಲ್ಯಾಲ ಕಾಮ್ ತ್ಯಾ ಯಾಜಕಾನಾ ದಿಲ್ಯಾಲ್ಯಾ ಕಾಮಾವ್ನಿ ಖುಬ್ ಮೊಟ ಜಾ಼ಲ್ಯಾ. ಆಸಸ್ ಯೇಸುನಿ ಆಪ್‌ಲ್ಯಾ ಲೊಕಾಂಚೆ ಸಾಟಿ ದೇವಾಪ್ನಿ ಆನಲ್ಯಾಲಾ ನವಾ ಕರಾರ್ ಜು಼ನ್ಯಾವ್ನಿ ಬರಾ. ಚಾ಼ಂಗಲ್ಯಾ ಗುಶ್ಟಿಚಾ ಸಬ್ದಾಚಾ ಆದಾರಾವ ನವ್ವಾ ಕರಾರ್ ಕೆಲ್ಯಾ.

7 ಆಂದಿಚಾ ಕರಾರಾತ್ ಕಾಯೇಕ್ ದೊಸ್ ನಸ್‌ಲ್ಯಾವ, ದೊನ್ವಾ ಕರಾರ್ ವ್ಹಯಿ ನವ್ತಾ. 8 ಫನ್ ದೇವಾನಿ ಲೊಕಾಂಚಿಪ ಕಸ್ಲಾಕಿ ದೊಸ್ ಬಗುನ್ ಸಾಂಗ್‌ಲ್ಯಾಲ ಕ್ಯಾ ಮಂಜೆ:

"ಇಸ್ರಾಯೆಲಾಚೆ ಸಗ ಯೆಹೂದ್ಯಾಂಚೆ ಸಂಗ

ಮಿ ನವಾ ಕರಾರ್ ಕರಾಚಾ಼ ಯೊಳ್ ಯತ್ಯೊ ಮನ್ಹುನ್ ಪ್ರಭು ಸಾಂಗ್ತೊ.

9 ತ್ಯೊ ತ್ಯಂಚಾ ವಡ್ಲಾನಾ ಮಿ ಈಜಿಪ್ಟಿತ್ನಿ ಹಾತ್ ದರುನ್ ಬಾಹಿರ್ ಆನಲ್ಯಾಲ್ಯಾ ದಿಸಾತ್

ತ್ಯಂಚಿ ಸಂಗ ಕೆಲ್ಯಾಲ್ಯಾ ಕರಾರಾಚೆಗತ್ ನವ್ಹ.

ಖರ ತ್ಯಂಚಾನಿ ತ್ಯ ಪ್ಯಾಳನಾಹಿ ಆನಿ

ತ್ಯಚಿ ಕ್ಯಾಳ್ಜಿ ಕಿಲಿನಾಹಿ ಮನ್ಹುನ್ ಪ್ರಭು ಸಾಗ್ತೊ.

10 ಮಿ ಇಸ್ರಾಯೆಲಾಂಚೆ ಸಂಗ ಮೊರ‍್ಹ ಕರ್‌ತ್ಯಾಲಾ

ನವಾ ಕರಾರ್ ಆಸಾ ಹಾ:

ಮಾಜಾ ಆಜ್ಞಾ ತ್ಯಚಾ ಮನಾತ್ ತೆವ್ತೊ;

ತ್ಯಚೆ ಶಾತಿವ ಲಿವ್ತೊ;

ಮಿ ತ್ಯಚಾ಼ ದೇವ್;

ತೀ ಮಾಜಿ ಲೊಕ.

11 ಪರ್ತೆಕಾನಿ ಬಾವ್ಹಾಲಾ ವ್ಹವುನಿ, ದುಸ್‍ರ್ಯಾನಾ ವ್ಹವುನಿ ಸಿಕ್ವಾಚ಼ ನಕೊ;

ದೇವಾಲಾ ಸಮಜು಼ನ್ ಗೆವ್ಹಾ ಮನ್ಹುನ್ ಸಾಂಗಾಚ಼ ನಕೊ. ಕಾ ಮಾಜೆ ನಾನ್ಹಾ ದರ್ನಿ ಥೊರಾ ಪರತ್ ಸಗ್ಳಿ ಮನಾ ಸಮಜು಼ನ್ ಗೆನಾರ್.

12 ತೀ ಮಾಜೆ ಆಡ್ವಿ ಕರ್‌ತ್ಯಾಲಿ ಸಗ್ಳಿ ಬುರ್ಸಿ ಕಾಮ ಕರುನೆನಿ ಮಾಪ್‌ ಕರ್ತೊ;

ತ್ಯಚಿ ಪಾಪ ಯದತ್ ಆನಿತ್ ನಾಹಿ. "

13 ದೇವಾನಿ ಹ್ಯೊ ನವಾ ಕರಾರ್ ಮನ್ಹುನ್ ಹಾಕಟ್ಲಾ. ಮನ್ಹುನ್ ಆಂದಿಚಾ ಕರಾರಾಲಾ ದೇವಾನಿ ಜು಼ನಾ ಕೆಲಾ. ಕಚ಼ ಜು಼ನ ವಾಪ್ರಾಯಾ ನಕೊ ಜಾ಼ಲ್ಯಾಲ ನಾಸ್ಟ ವ್ಹತ್ತ.