1 ಯೇಸು, "ಮಿ ತುಮಾನಾ ಖರ ಸಾಂಗ್ತೊ. ಕೊನ್ ಮೆಂಡ್ರಾಂಚಾ ಸಾಟಾಚಾ ದಾರಾನಿ ಜಾ಼ಯಿತ್ ನಾಹಿ. ದುಸ್ರಿಕ್ನಿ ಚ಼ಡುನ್ ಆತ್ ಯತೊ ತ್ಯೊ ಚೊ಼ರ್ ಆನಿ ಲುಟ್ಯಾರಾ ಜಾ಼ಲ್ಯಾ.

2 ಕೊನ್ ದಾರಾತ್ನಿ ಆತ್ ಯತೊ ತ್ಯೊ ಮೆಂಡ್ರ ಚಾರತ್ಯಾಲಾ ದನ್ಹಿ ಜಾ಼ಲ್ಯಾ. 3 ದಾರ್ ರ‍್ಯಾಕ್ನಾರಾ ಕುರುಬುರಾಲಾ ದಾರ್ ಉಗಡ್ತೊ. ಆನಿ ಕುರುಬುರ್ ಆಪ್‌ಲ್ಯಾ ಮೆಂಡ್ರಾನಾ ನಾವ್ ಗಿಹುನ್ ಹಾಕಟಾನಾ ಮೆಂಡ್ರ ತ್ಯಚಾ ಸಬ್ದಾಲಾ ಕಾನ್ ದೇತ್ಯಾತ ತವಾ ಕುರುಬುರ್ ಮೊರ‍್ಹ ಲಾಗ್ತೊ ಮೆಂಡ್ರ ತ್ಯಚೆ ಮಾಗ್ನಿ ಜಾ಼ತ್ಯಾತ. 4 ಕವಾ ತ್ಯೊ ಆಪ್‌ಲ್ಯಾ ಸಗ್‌ಳ್ಯಾ ಮೆಂಡ್ರಾನಾ ಬಾಹಿರ್ ಗಿಹುನ್ ಜಾ಼ತೊ ತವಾ. ತ್ಯೊ ಮೊರ‍್ಹ ಜಾ಼ತ್ಯೊ ಮೆಂಡ್ರ ತ್ಯಚೆ ಮಾಗ್ನಿ ಜಾ಼ತ್ಯಾತ ಕಾ ಮಂಜೆ ತೀ ತ್ಯಚಾ಼ ಸಬ್ದ ವಳಕ್‌ತ್ಯಾತ.

5 ಫನ್ ಮೆಂಡ್ರ ಕವಾಸ್ ವಳಕ್ ನಸ್‌ಲ್ಯಾಲ್ಯಾಚೆ ಮಾಗ್ನಿ ಜಾ಼ಯಿತ್ ನಾಹಿತ. ತೀ ತ್ಯಚಿಪ್ನಿ ದುರ್ ಪಳುನ್ ಜಾ಼ತ್ಯಾತ ಕಾ ಮಂಜೆ ತೀ ವಳಕ್ ನಸ್‌ಲ್ಯಾಲ್ಯಾಚಾ಼ ಸಬ್ದ ವಳ್ಕಿತ್ ನಾಹಿತ.

6 ಯೇಸುನಿ ಹಿ ಕ್ಯಾಯ್ನಿ ಸಾಂಗ್ಲಿ ಫನ್ ತ್ಯನಾ ಹ್ಯಚಾ಼ ಅರ್ಥ ಸಮಾಜ಼್ಲಾ ನಾಹಿ.

7 ಮನ್ಹುನ್ ಯೇಸುನಿ ಆನಿಕ್ ಮಿ ತುಮಾನಾ ಖರ ಸಾಂಗ್ತೊ ಮೀಸ್ ಮೆಂಡ್ರಾನಾ ದಾರ್ 8 ಮಿ ಯಯಾಚೆ ಆಂದಿ ಆಲ್ಯಾಲ ಸಗ್ಳ ಚ್ವಾ಼ರ್ ಜಾ಼ಲ್ಥ ಆನಿ ಸುಲುನ್ ಖಾತ್ಯಾಲ ಜಾ಼ಲ್ಥ ಮೆಂಡ್ರಾಂಚಾನಿ ತ್ಯಂಚಾ಼ ಸಬ್ದ ಐಕ್ಲಾ ನವ್ಥಾ. 9 ಮೀಸ್ ದಾರ್ ಜಾ಼ಲ್ಯೊ. ಕೊನ್ ಮಾಜಿಸ್ ಲಾಗುನ್ ಯಯಿಲ್ ತ್ಯಚಿ ರಕ್ಶನ್ ವ್ಹನಾರ್ ತ್ಯೊ ಆತ್ ಜಾ಼ನಾರ್ ಆನಿ ಬಾಹಿರ್ ಯನಾರ್ ಆನಿ ತ್ಯಲಾ ಚಾ಼ರಾ ಗಾವಲ್. 10 ಚೊ಼ರ್ ಚು಼ರಿ ಕರಾಯಾ, ಮಾರುನ್ ಟಾಕಾಯಾ, ನಾಸ್ ಕರಾಯಾ ಯತೊ, ಮಿ ತರಿ ಜೀವ್ನಾ ದಿಯಾ ಆಲ್ಯೊ. ಆನಿ ಹ್ಯ ಸಗ್ಳ ಭರ್ಪುರ್ ಜಿವನ್ ದಿಯಾ ಆಲ್ಯೊ. ಕುರುಬುರ್ ಆಪಲ್ಯಾ ಮೆಂಡರಾಂಚಿ ಸಂಗ ವಾಡ್ಯಾತ್

11 ಮೀಸ್ ಚಾ಼Oಗ್ಲಾ ಕುರುಬುರ್ ಚಾ಼ಂಗ್ಲಾ ಕುರುಬುರ್ ಆಪ್‌ಲ್ಯಾ ಮೆಂಡ್ರಾಚೆ ಸಾಟಿ ಆಪ್ಲಾ ಜೀವ್ ದೇತೊ 12 ಆಳ್ ಮೆಂಡ್ರಾಚಾ಼ ಧನ್ಹಿ ವ್ಹಯಿತ್ ನಾಹಿ. ಆನಿ ಮೆಂಡ್ರ ತ್ಯಚಿ ಸ್ವತಾಚಿ ವ್ಹಯಿತ್ ನಾಹಿತ ನ್ಯಾನ್ಗ ಯತ್ಯಾಲ ಬಗುನ್ ಮೆಂಡ್ರ ಸುಡುನ್ ಪಳುನ್ ಜಾ಼ತೊ. ತವಾ ನ್ಯಾನ್ಗ ಮೆಂಡ್ರಾನಾ ದರ್‍ಹುನ್ ತ್ಯನಾ ಪಗಳ್‌ತ್ಯಾತ. 13 ತ್ಯೊ ಪಳುನ್ ಜಾ಼ತೊ ಕಾಮಂಜೆ ತ್ಯೊ ನಿಸ್ಥಾ ಆಳ್ ಜಾ಼ಲ್ಯಾ. ತ್ಯಚಾ ಮೆಂಡ್ರಾಚೆ ಗುಶ್ಟಿತ್ ಖರಿ ಕ್ಯಾಳ್ಜಿ ತ್ಯಲಾ ನಸ್ಥಿ. 14,15 ಮಿ ಚಾ಼Oಗ್ಲಾ ಕುರುಬುರ್ ಹಾ ಕಸಾ ಬಾ ಮನಾ ವಳಕ್ತೊ ತಸಾ ಮಿ ಬಾಲಾ ವಳಕ್ತೊ ತೇಸ್ ತರನಿ ಮಿ ಮಾಜಾ ಮೆಂಡ್ರಾನಾ ವಳಕ್ತೊ ಆನಿ ತೀ ಮನಾ ವಳಕ್‌ತ್ಯಾತ. ಆನಿ ಮಿ ಮಾಜಾ ಮೆಂಡ್ರಾಂಚೆಸಾಟಿ ಜೀವ್ ದಿಯಾ ತಯಾರ್ ಹಾ.

16 ಮನಾ ದುಸ್ರಿ ಮೆಂಡ್ರ ಸಾಹಿತ್ ಹಾತ್ತ ತೀ ಹಿತ್ತ ಸಾಟಾತ್ ನಾಹಿತ ಮಿ ತ್ಯನಾಬಿ ಆತ್ ನಿಹ್ಯಾ ವ್ಹಯಿತ ತೀ ಮಾಜ಼ ಸಬ್ದ ಐಕ್‍ತ್ಯಾತ. ತವಾ ಯೊಕುಸ್ ಹಿಂಡ್ ಆನಿ ಯೊಕುಸ್ ಕುರುಬುರ್ ರಾನ್ಹಾರ್.

17 ಬಾ ಮಾಜಿ ಮಾಯಾ ಕರ್ತೊ ಕಾ ಮಂಜೆ ಮಿ ಮಾಜಾ಼ ಜೀವ್ ಆನಿಕ್ ಗಿಹ್ಯಾ ಸಾಟಿ ದೇತೊ. 18 ಮಾಜಾ಼ ಜೀವ್ ಮಾಜಿಪ್ನಿ ಕೊನ್ ಕಾಡುನ್ ಗಿಹಿತ್ ನಾಹಿ ಮಿ ಮಾಜಾ ಮನಾನಿ ದೇತೊ. ಮಾಜಾ಼ ಜೀವ್ ದಿಯಾ ತ್ಯೊ ಆನಿಕ್ ಗಿಹ್ಯಾ ಮನಾ ಹಾಕ್ ಹಾ. ಆಸ ಕರಾಯಾ ವ್ಹಯಿ ಮನ್ಹುನ್ ಬಾನಿ ಮನಾ ಹುಕುಮ್ ದಿಲ್ಯಾ. ಮನ್ಹುನ್ ಸಾಂಗ್ತೊ.

19 ಆನಿ ಯಂಗ್ದಾ ಹ್ಯ ಐಕುನ್ ಯೆಹುದ್ಯಾಪ್ನಿ ಆನಿ ಯಂಗ್ದಾ ದುಯಿ ಪಡ್ಲಿ. 20 ಖುಬ್ ಜ಼ನ ಸಾಂಗಾಯಾ ಲಾಗ್ಲಿತ ಹ್ಯಚಿಪ ಲಾಗಿರ್ ಹಾ ಹ್ಯೊ ಖುಳಾ ಹಾ. ಹ್ಯಚ಼ ಕ್ಯಾ ಐಕ್ತಾಸಾ? 21 ಹಿತ್ತ ದುಸ್ರ ಸಾಂಗಿತ ಲಾಗಿರ್ ಲಾಗ್‌ಲ್ಯಾಲಾ ಆನಿ ಖುಳಾ ಜಾ಼ಲ್ಯಾಲಾ ಮಾನುಸ್ ಆಸಾ ಬೊಲತ್ ನಾಹಿ. ಆಂದ್‌ಳ್ಯಾಂಚ಼ ಡೊಳ ಬರ ಕರಾಯಾ ಲಾಗಿರಾಲಾ ವ್ಹತ ಕ್ಯಾ? ನಾಹಿ ಮನ್ಹುನ್ ಸಾಂಗ್‌ತ್ಯಾತ.

22 ದೇವ್ಳಾಚಾ಼ ಅರ್ಪನ್ ಕರ್ತ್ಯಾಲಾ ಸನ್ ಯೆರುಸಲೇಮಿತ್ ಚಾ಼ಲತಾ. ತ್ಯೊ ಥಂಡಿಚಾ ದಿಸಾತ್ ಕರ್ತ್ಯಾಲಾ. 23 ಯೇಸು ಸೊಲೊಮನಾಚಾ ದೇವ್ಳಾಚಾ ಮಾಂಡ್ವಾತ್ ಫಿರತಾ. 24 ಯೆಹುದಿ ಯೇಸುಚೆ ಸರ್ ಬವಾರ ಜ಼ಮ್ಲ ಹುತ್ತ. ತೆ ತ್ಯಲಾ, "ಆಜು಼ನ್ ಕ್ಯವ್ಡ ದಿಸ್ ತು ಆಮಾನಾ ಚು಼ರುನ್ ರಾಥೊಸ್? ಆಮಾನಾ ಖರ ಸಾಂಗ್" ತು ಕ್ರಿಸ್ತ್ ಕ್ಯಾ? ಮನ್ಹುನ್ ಇಚಾರ್ಲ.

25 ಯೇಸುನಿ ತ್ಯನಾ ಉತ್ತರ್ ದಿಲಾ, "ಮಿ ತವಾಸ್ ತುಮಾನಾ ಸಾಂಗಲ್ಯಾ. ಫನ್ ತುಮಿ ಇಸ್ವಾಸ್ ಥ್ಯೆವ್ಲಾ ನಾಹಿಸಾ. ಮಿ ಮಾಜಾ ಬಾಚಾ ಹುಕ್ಮಾನಿ ಚಮತ್ಕಾರಾಚಿ ಕಾಮ ಕರ್ತೊ. ಮಿ ಕೊನ್ ಮನ್ಹುನ್ ತಿ ಚಮತ್ಕಾರಾಚಿ ಕಾಮ ದ್ಯಾವತ್ಯಾತ. 26 ಫನ್ ತುಮಿ ಇಸ್ವಾಸ್ ಥಿವಿತ್ ನಾಹಿಸಾ. ಕಾ ಮಂಜೆ ತುಮಿ ಮಾಜಿ ಮೆಂಡ್ರ ನವ್ಹಸಾ. 27 ಮಾಜಿ ಮೆಂಡ್ರ ಮಾಜಾ಼ ಸಬ್ದ ಐಕ್‌ತ್ಯಾತ; ಮನಾ ತಿ ಠಾವಿ ಹಾತ ಆನಿ ತಿ ಮಾಜೆ ಮಾಗ್ನಿ ಯತ್ಯಾತ. 28 ಮಾಜಾ ಮೆಂಡ್ರಾನಾ ಮಿ ಶಾಶ್ವತ್ ಜೀವ್ ದೆತೊ. ತಿ ಕಂದಿಸ್ ಮರತ್ ನಾಹಿತ, ಆನಿ ತ್ಯನಾ ಮಾಜಿಪ್ನಿ ಕಾಡುನ್ ಗಿಹುನ್ ದುರ್ ಕರಾಯಾ ಕುನಾಲಾ ವ್ಹಯಿತ್ನಾಹಿ.

29 ತ್ಯನಾ ಮಾಜಾ ಬಾನಿಸ್ ಮನಾ ದಿಲಿತ. ತ್ಯೊ ಸಗಳ್ಯಾವ್ನಿ ಥೊರ್ ಜಾ಼ಲ್ಯಾ. ತ್ಯನಾ ಮಾಜಾ ಬಾಚಾ ಹಾತಾತ್ನಿ ಕಾಡುನ್ ಗಿಹ್ಯಾ ಕುನಾಲಾ ವ್ಹಯಿತ್ನಾಹಿ. 30 ಬಾ ಆನಿ ಮಿ ಯೆಕುಸ್ ಹಾವ್" ಮನ್ಲಾ.

31 ತವಾ ಯೆಹುದ್ಯಾಂಚಾನಿ ಯೇಸುಲಾ ಮಾರಾಯಾ ಆನಿಕ್ ದೊಂಢ ಯಚ಼ುನ್ ಗೆತ್ಲ. 32 ಫನ್ ಯೇಸುನಿ ತ್ಯನಾ, "ಮಿ ಬಾಪ್ನಿ ಖುಬ್ ಚಮತ್ಕಾರಾಚಿ ಕಾಮ ಕೆಲ್ಯಾತ. ತುಮಿ ತಿ ಕಾಮ ಬಗಲ್ಯಾಸಾ. ತ್ಯಾ ಚಮತ್ಕಾರಾಚಾ ಕಾಮಾತಲ್ಯಾ ಕಚಾಸ್ಲಾಗುನ್ ತುಮಿ ಮಾಜಿವ ದೊಂಢ ಮಾರಾಯಾ ವ್ಹಯಿ ಮಂಥಾಸಾ? ಮನ್ಲಾ.

33 ಯೆಹುದ್ಯಾಂಚಾನಿ, "ಆಮಿ ತುಜಿವ ದೊಂಢ ಮ್ಯಾರ್‌ಲ್ಯಾಲ ತು ಕೆಲ್ಯಾಲ್ಯಾ ಕಚಾಸ್ ಕಾಮಾಸ್ ಲಾಗುನ್ ನವ್ಹ. ತು ಬೊಲ್ಯಾಲೆ ನಿಂದಸಾಟಿ. ಕಾಮಂಜೆ ತು ಯೊಕ್ ಮಾನುಸ್. ಫನ್ ತು ತುಲಾಸ್ ದೇವ್ ಮನ್ಹುನ್ ಸಾಂಗ್‌ತ್ಯೊಸ್!" ಮನ್ಹುನ್.

34 ತ್ಯಲಾ ಯೇಸುನಿ "ತುಮ್ಚಾ ಧರ್ಮಶಾಸ್ತಾರಾತ್" ‘ಮಿ ಆನಿ ತುಮಿ ದ್ಯಾವ್ ಮನ್ಹುನ್ ಲಿವ್ಲ ನಾಹಿಕ್ಯಾ? ✝ 35 ಯೆಕ್ ಯಳಿ ದೇವಾಚಾ಼ ಸಬ್ದ ಕುನಾಪ ಆಲ್ಯಾ ತ್ಯನಾ ದೇವ್ ಮನ್ಹುನ್ ಹಾಕ್ಟಾಚ಼ ಜಾ಼ಲ್ಯಾವ. ಪವಿತ್ರ ಪುತೀಕ್ ಖೊಟ ನವ್ಹ. 36 ಆಸ ಆಸ್ಥಾನಾ ಬಾನಿ ಆಪ್‌ಲ್ಯಾಲಾ ಸ್ವತಾಚಾ಼ ಮನ್ಹುನ್ ನಿವ್ಡುನ್ ಹೆ ದುನೆತ್ ಲಾವುನ್ ದಿಲ್ಯಾಲ್ಯಾಚೆ ಗುಶ್ಟಿತ್ ಕಸ ಆಸಲ್? ಮಿ ದೇವಾಚಾ಼ ಲ್ಯೊಕ್ ಜಾ಼ಲ್ಯೊ ಮನ್ಹುನ್ ಸಾಂಗ್‌ಲ್ಯಾಲ್ಯಾಲಾ ಮಿ ದ್ವೆಶ್ ಕರ್ತ್ಯೊ ಮನ್ಹುನ್ ಸಾಂಗಾಚ಼ ಕಾ?

37 ಮಾಜಾ ಬಾಚಿ ಕಾಮ ಮಿ ಕೆಲ್ಯಾ ನಸ್‌ಲ್ಯಾವ, ತುಮಿ ಮಾಜಿವ ಇಸ್ವಾಸ್ ಥೀವುನಕೊಸಾ. 38 ಫನ್ ಮಿ ತೀ ಕಾಮ ಕರೀತ್ ರಾಯ್ಲೊ ತರಿ, ತುಮಿ ಮಾಜಿವ ಇಸ್ವಾಸ್ ಥಿವಿನ್ಸಾ. ಚಮತ್ಕಾರಾಂಚಿವ ಇಸ್ವಾಸ್ ಥೆವಾ ಆಸ ಬಾ ಮಾಜಿಪ ಮಿ ಬಾಪ ಹಾ ಮನ್ಹುನ್ ತುಮಾನಾ ಠಾವ ವ್ಹನಾರ್ ಆನಿ ಸಮಾಜ಼್ನಾರ್" ಮನ್ಲಾ.

39 ಆನಿಕ್ ಯೇಸುಲಾ ದರಾಯಾ ಯೆಹುದ್ಯಾಂಚಾನಿ ಆನಿ ಯತ್ನ ಕಿಲಿತ. ಫನ್ ಯೇಸುನಿ ತ್ಯಂಚಿಪ್ನಿ ಚು಼ಕುವುನ್ ಗೆಲಾ.

40 ಮಂಗ್ ಯೇಸು ಯೊರ್ದಾನ್ ನ್ಹಚೆ ಪಲಿಕ್ಡ ಮಾಗಾರಾ ಗೆಲಾ. ಯೊಹಾನ್ ಆಂದಿ ಬಾಪ್ತಿಸ್ಮಾ ದೆತ್ಯಾಲ್ಯಾ ಜಾ಼ಗ್ಯಾವ ಯೇಸು ಜಾ಼ವುನ್ ತಿಥ ರಾಯ್ಲಾ. 41 ತವಾ ಖುಬ್ ಲೊಕ ತ್ಯಚಿಪ ಆಲಿತ. "ಯೊಹಾನಾನಿ ಚಮತ್ಕಾರಾಚಿ ಕಾಮ ಕಂದಿಸ್ ಯಾಕ್ಬಿ ಕೆಲ ನಾಹಿ. ಫನ್ ಯೊಹಾನಾನಿ ಹ್ಯಾ ಮಾನ್ಸಾಚೆ ಗುಸ್ಟಿತ್ ಸಾಂಗಲ್ಯಾಲ ಸಗ್ಳ ಖರ" ಆಸ ತ್ಯಂಚಾನಿ ಸಾಂಗ್ಲ. 42 ಆನಿ ತಿಥ ಖುಬ್ ಲೊಕಾಂಚಾನಿ ಯೇಸುವ ಇಸ್ವಾಸ್ ಥೆವ್ಲಾ.