1 ಯೇಸುನಿ ಹ್ಯಾ ಗುಶ್ಟಿ ಸಾಂಗ್‌ಲ್ಯಾ ನಂತರ್ ಆಬ್ಳಾಕ್ಡ ಬಗುನ್ ಆಸ ಮಾಗ್ನ ಕೆಲ, "ಬಾ ಯೊಳ್ ಆಲ್ಯಾ. ತುಜಾ ಲೇಕಾಲಾ ಮೈಮಾ ದೇ. ಹ್ಯಚಿಸ್ ಲಾಗುನ್ ತ್ಯೊ ತುಲಾ ಮೈಮಾ ದಿವುನಿ. 2 ಕಾ ಮಂಜೆ ಸಗ್‌ಳ್ಯಾ ಲೊಕಾಂಚಿವ ತು ಹುಕುಮ್ ದಿಲ್ಯಾ ಆಸ ತು ತ್ಯಲಾ ದಿಲ್ಯಾಲ್ಯಾ ಪರತೇಕಾಲಾ ಶಾಶ್ವತ್ ಜೀವ್ ದಿಲ್ಯಾ. 3 ಯಕ್ಲಾಸ್ ಖರಾ ದೇವ್ ಜಾ಼ಲ್ಯಾಲ್ಯಾ ತುಲಾ ಆನಿ ತು ಲಾವುನ್ ದಿಲ್ಯಾಲ್ಯಾ ಯೇಸು ಕ್ರಿಸ್ತಾಲಾ ಸಮ್‌ಜು಼ನ್ ಗಿಹ್ಯಾಚಾ಼ಸ್ ಶಾಶ್ವತ್ ಜೀವ್. 4 ತು ಮನಾ ದಿಲ್ಯಾಲ ಕಾಮ್ ಮಿ ಕರುನ್ ಸಪಿವ್ಲ ಮಿ ದರ್ಥಿವ ತುಲಾ ಮೈಮಾ ಕಿಲಿ. 5 ಆತಾ ಬಾ ತು ತುಜೆ ಮೊರ‍್ಹ ಮನಾ ಮೈಮಾ ಕರ್. ಆತಾ ದುನ್ಯಾ ಉತ್ಪನ್ ವ್ಹಯಾಚೆ ಆಂದಿ ಮಿ ತುಜಿ ಸಂಗ ಗೆತಲ್ಯಾಲಿ ಮೈಮಾ ಮನಾ ದೇ.

6 ತು ಹೆ ದುನೆತ್‌ಲ್ಯಾ ಲೊಕಾನಾ ಮನಾ ದಿಲಿತಸ್. ಮಿ ತ್ಯನಾ ತುಲಾ ದ್ಯಾವ್ಲಾ. ಹಿ ತುಜಿ ಜಾ಼ಲ್ಯಾತ. ಆನಿ ತು ಹ್ಯನಾ ಮನಾ ದಿಲ್ಯಾತಸ್. ಆನಿ ತೀ ತುಜಾ ಸಬ್ದಾ ಶಾರ್ಕಿ ಚಾ಼ಲ್ಲಿತ. 7 ತು ಮನಾ ಕ್ಯಾ ದಿಲ್ಯಾಸ್ ತ್ಯ ಸಗ್ಳ ತುಜಿಪ್ನಿಸ್ ಆಲ್ಯಾ ಮಂಥ್ಯಾಲ ಹ್ಯನಾ ಅತ್ತಾ ಸಮಾಜ಼ಲ್ಯಾ. 8 ತು ಮನಾ ದಿಲ್ಯಾಲ್ಯಾ ಬೊಲ್ಯಾ ಮಿ ಹ್ಯನಾ ದಿಲ್ಯಾ ತ್ಯಂಚಾನಿ ತ್ಯಾ ಬೊಲ್ಯಾ ಗೆತಲ್ಯಾ. ಮಿ ಖರ‍್ಯಾನಿಸ್ ತುಜಿಪ್ನಿ ಆಲ್ಯೊ ಮನ್ಹುನ್ ತ್ಯನಾ ಸಮಾಜ಼ಲ್ಯಾ ಆನಿ ತುಸ್ ಮನಾ ಲಾವುನ್ ದಿಲ್ಯಾಸ್ ಮನ್ಹುನ್ ಹ್ಯಂಚಾನಿ ಇಸ್ವಾಸ್ ಥೆವ್‌ಲ್ಯಾ.

9 ಮಿ ಹ್ಯಂಚಿಸಾಟಿ ಮಾಗ್ನ ಕರ್ತೊ. ಹೆ ದುನೆತಲ್ಯಾ ಲೊಕಾಂಚೆ ಸಾಟಿ ಮಾಗ್ನ ಕರೀತ್ ನಾಹಿ ಫನ್ ತು ಮಾಜಿಪ ದಿಲ್ಯಾಲ್ಯಾಂಚೆ ಸಾಟಿ ಮಾಗ್ನ ಕರ್ತೊ ಕಾಮಂಜೆ ಹಿ ತುಜಿ ಜಾ಼ಲ್ಯಾತ. 10 ಮಾಜಿಪ ಆಸ್‌ಲ್ಯಾಲ ಸಗ್ಳ ತುಜ಼ ಆನಿ ತುಜಿಪ ಆಸ್‌ಲ್ಯಾಲ ಸಗ್ಳ ಮಾಜ಼ ಹ್ಯಚಿಸ್ ಲಾಗುನ್ ಮನಾ ಮೈಮಾ ಜಾ಼ಲಿ.

11 ಆತಾ ಮಿ ತುಜಿಪ ಯತ್ಯೊ. ಆನಿಕ್ ಮಿ ಹೆ ದುನೆತ್ ಖುಬ್ ಯೊಳ್ ರಾನ್ಹಾರ್ ನಾಹಿ. ಫನ್ ಆನಿ ಹೆ ದುನೆತುಸ್ ರಾನ್ಹಾರ್ ಪರಿಶುದ್ದ ಬಾ ತುಜಾ ನಾವಾಚೆ ತಾಕ್ತಿನಿ ಹ್ಯಂಚಿ ರಖ್ವಾಲಿ ಕರ್. ತು ಕಚ಼ ನಾವ್ ಮನಾ ದಿಲ್ಯಾಸ್ ತ್ಯನಿ ಆಸಿ ತೀ ಯೆಕ್ ವ್ಹವುಂತ ಕಸ ಮಿ ಆನಿ ತು ಹಾವ್ ತಸ. 12 ಮಿ ಹ್ಯಂಚಿಪ ಆಸ್ಥಾನಾ ತುಜಾ ನಾವಾಚೆ ತಾಕ್ತಿನಿ ಹ್ಯಂಚಿ ರಖ್ವಾಲಿ ಕಿಲಿ. ತ್ಯ ನಾವ್ ತು ಮನಾ ದಿಲ್ಯಾಸ್. ಶಾಸ್ತಾರಾಚ಼ ವಚ಼ನ್ ಖರ ವ್ಹಯಾ ಮಿ ತ್ಯನಾ ರ‍್ಯಾಕ್ಲ ಆನಿ ತ್ಯಂಚಾತ್ಲ ಕೊನ್ ನಾಸ್ ಜಾ಼ಲಾ ನಾಹಿ. ನಾಸ್ ವ್ಹಯಾ ಜ಼ಲಾಮಲ್ಯಾಲಾ ಸುಡುನ್. 13 ಆತಾ ಮಿ ತುಜಿಪ ಯಯಾಲಾಗ್‌ಲ್ಯೊ ಫನ್ ಮಿ ಹೆ ದುನೆತ್ ಆನಿಕ್ ಆಸ್ಥಾನಾ ಹೆ ಗುಶ್ಟಿ ಸಾಟಿ ಮಾಗ್ನ ಕರ್ತ್ಯೊ ಹಿ ಲೊಕ ಮಾಜಿಪ ಆನಂದ್ ಗಿಹ್ಯಾ ವ್ಹಯಿ ಮನ್ಹುನ್ ಆನಿ ಮಾಜಿ ಹೌಸ್ ಹ್ಯಂಚಿಪ ಪುರ್ತಿ ವ್ಹಯಾಸಾಟಿ ಹ್ಯಾ ಗುಶ್ಟಿ ಸಾಂಗ್ತೊ 14 ಮಿ ಹ್ಯನಾ ತುಜಾ಼ ಸಮಾಚಾರ್ ದಿಲ್ಯಾ ಹಿ ದುನ್ಯಾ ಹ್ಯಂಚಾ಼ ದ್ವೆಶ್ ಕರ್ತೆ. ಕಸಾ ಮಿ ಹೆ ದುನೆತ್ಲಾ ನವ್ಹ ತಸ ತೆಬಿ ದುನೆತ್ಲ ನವ್ಹತ. 15 ತು ಹ್ಯನಾ ಹೆ ದುನೆತ್ನಿ ಗಿಹ್ಯಾ ವ್ಹಯಿಸ್ ಮನ್ಹುನ್ ಮಿ ಮಾಗ್ನ ಕರೀತ್ನಾಹಿ ಫನ್ ಹ್ಯನಾ ಬುರಶಾಪ್ನಿ ಚು಼ಕ್ವುನ್ ಚಾ಼Oಗ್ಲಿ ರಾಹ್ಯಾ ವ್ಹಯಿ ಮನ್ಹುನ್ ಮಿ ಮಾಗ್ನ ಕರ್ತ್ಯೊ 16 ಕಸಾ ಮಿ ಹೆ ದುನೆತ್ಲಾ ನವ್ಹ ತಸಿಸ್ ತೀ ಬಿ ಹೆ ದುನೆತ್ಲಿ ನವ್ಹತ. 17 ತು ತುಜೆ ಸಾಟಿ ಹ್ಯನಾ ಸಮರ್ಪನ್ ಕರುನ್ ಘೆ ಮಂಜೆ ಖರ‍್ಯಾಸಾಟಿ ತುಜ಼ ಸಬ್ದ ಖರ ಹಾತ್ತ. 18 ಕಸ ತು ಮನಾ ಹೆ ದುನೆತ್ ಲಾವುನ್ ದಿಲ್ಯಾ ಶಾರ್ಕ ತಸಿಸ್ ಮಿ ಹ್ಯನಾ ಹೆ ದುನೆತ್ ಲಾವುನ್ ದೆತೊ. 19 ಆನಿ ಮಿ ತ್ಯಂಚಿಸಾಟಿ ಮನಾಸ್ ತುಲಾ ಒಪ್ಸುನ್ ದೆತೊ ಆಸ ತೆಬಿ ಖರ‍್ಯಾನಿ ಆಪ್‌ಲ್ಯಾಲಾಸ್ ತುಲಾ ದಿವುಂತ.

20 ಮಿ ಹ್ಯಂಚಿಸಾಟಿ ತ್ಯವ್ಡಸ್ ನವ್ಹ ಕೊನ್ ಹ್ಯಂಚಾನಿ ಸಾಂಗಲ್ಯಾಲ ಐಕುನ್ ಮಾಜಿವ ಇಸ್ವಾಸ್ ಥೆವ್‌ಲ್ಯಾಲ್ಯಾ ಸಗ್‌ಳ್ಯಾಂಚೆ ಸಾಟಿ ಮಿ ಮಾಗ್ನ ಕರ್ತ್ಯೊ. 21 ಬಾ ಮಿ ತುಜಿಪ ತು ಮಾಜಿಪ ಕಸ ಹಾವ್ ತಸಿಸ್ ತಿ ಆಮ್ಚಿ ವ್ಹವುಂತ. ಹ್ಯನಿ ತುಸ್ ಮನಾ ಲಾವುನ್ ದಿಲ್ಯಾಸ್ ಮನ್ಹುನ್ ದುನ್ಯಾ ಇಸ್ವಾಸ್ ಥಿವುನಿ. 22 ತು ಮನಾ ದಿಲ್ಯಾಲಿ ಮೈಮಾ ಮಿ ತ್ಯನಾ ದಿಲೆ. ಕಾ ಮಂಜೆ ಕಸ ಮಿ ಆನಿ ತು ಯೆಕ್ ಹಾವ್ ತಸಿ ತೀ ಯೆಕ್ ವ್ಹಂವುತ. 23 ಮಿ ತ್ಯಂಚಿಪ ರಾಥೊ ಆನಿ ತು ಮಾಜಿಪ ರಾಥೊಸ್ ಆಸಿ ತೀ ಸಗ್ಳಿ ಯೇಕ್ ವ್ಹವುಂತ. ಮನಾ ತು ಲಾವುನ್ ದಿಲ್ಯಾಸ್ ಆನಿ ತು ಮಾಜಿ ಮಾಯಾ ಕಸಿ ಕಿಲಿಸ್ ತಸಿಸ್ ತ್ಯಂಚಿಬಿ ಮಾಯಾ ಕಿಲಿಸ್ ಮನ್ಹುನ್ ದುನ್ಯಾ ಸಮ್‍ಜು಼ನ್ ಗಿಹುನಿ.

24 ಬಾ ತು ಮನಾ ದಿಲ್ಯಾಲಿ ಹಿ. ಮಿ ಆಸ್ಥೊ ತಿಥ ಮಾಜಿ ಸಂಗ ರಾಹ್ಯಾ ವ್ಹಯಿತ ಮನ್ಹುನ್ ಆನಿ ಮಾಜಿ ಮೈಮಾ ಬಗಾಯಾ ವ್ಹಯಿ ಮನ್ಹುನ್ ಮನ್ ಕರ್ತೊ ಹಿ ದುನ್ಯಾ ಉತ್ಪನ್ ವ್ಹಯಾಚೆ ಆಂದಿ ತು ಮಾಜಿ ಮಾಯಾ ಕೆಲೆಸ್ ಮನ್ಹುನ್ ತುಸ್ ಮನಾ ಹಿ ಮೈಮಾ ದಿಲೆಸ್. 25 ನಿಯತಿಚಾ ಬಾ ಹೆ ದುನೆತಲ್ಯಾಂಚಾನಿ ತುಲಾ ಸಮಜು಼ನ್ ಗೆತ್ಲ ನಾಹಿ ಖರ ಮಿ ತುಲಾ ಸಮಜು಼ನ್ ಗೆತ್ಲ ಆನಿ ತುಸ್ ಮನಾ ಲಾವುನ್ ದಿಲ್ಯಾಸ್ ಮಂಥ್ಯಾಲ ಹ್ಯ ಲೊಕಾನಾ ಸಮಾಜ಼್ಲ. 26 ನಿಸ್ಥ ಮಿ ತು ಹ್ಯನಾ ಠಾವ ನಾಹಿಚೆಗತ್ ಕೆಲ ನಾಹಿ. ಮಿ ಹ್ಯನಾ ತುಜಿ ವಳಕ್ ಕರುನ್ ದಿಲೆ. ಆನಿ ಮಿ ತ್ಯ ಕರೀತುಸ್ ರಾನ್ಹಾರ್ ಮನ್ಹುನ್ ಕಚಿ ಮಾಯಾ ತು ಮನಾ ದ್ಯಾವ್ಲೆಸ್ ತಿ ತ್ಯಂಚಿಪಬಿ ರಾಹುನಿ ಆನಿ ಮಿಬಿ ತ್ಯಂಚಿಪ ರಾಹುನಿ.