1 ಆಪ್ನು ಯೊಹಾನಾವ್ನಿ ಜಾಸ್ಥಿ ಶಿಶಾ ಕರುನ್ ತ್ಯನಾ ಬಾಪ್ತಿಸ್ಮಾ ದೆತ್ಯಾಲಿ ಖಬರ್ ಫರಿಸಾಯಾನಾ ಸಮಾಜ್ಲಿ ಮನ್ಹುನ್ ಯೇಸುಲಾ ಸಮಾಜ್ಲ. 2 ಫನ್ ಖರ‍್ಯಾನಿ ಲೊಕಾನಾ ಬಾಪ್ತಿಸ್ಮಾ ದಿಲ್ಯಾಲಿ ಯೇಸುನಿ ನವ್ಹ ತ್ಯಚಾ ಶಿಶಾಂಚಾನಿ ದಿಲ್ಯಾಲಿ. 3 ಸಗ್‌ಳ್ಯಾಂಚಾನಿ ಬೊಲ್ಯಾಲ ಐಕ್ಲ ತವಾ ತ್ಯೊ ಯುದಾಯ ಸುಡುನ್ ಆನಿ ಪರತ್ ಗಲಿಲಾಯಾತ್ ಗೇಲಾ 4 ಯೇಸು ಜಾ಼ತಾನಾ ಸಮಾರ್ಯ ಸಿಮಾ ವಲ್ಯಾಂಡುನ್ ಗಲಿಲಾಯಾತ್ ಜಾ಼ಯಾಚಾ಼ ಹುತ್ತ.

5 ಯೇಸು ಸಮಾರ್ಯಾಚಿ ಪ್ಯಾಟ್ ಸುಖಾರ್ ಮಂಥ್ಯಾತ ತಿಥ ಆಲಾ ಯಾಕೊಬಾನಿ ಆಪ್ಲಾ ಲ್ಯೊಕ್ ಯೊಸೆಪಾಲಾ ದಿಲ್ಯಾಲೆ ಜಿಮ್ನಿಚೆ ಜವಳ್ ತ್ಯ ಗಾವ್ ಹಾ. 6 ಯಾಕೊಬಾಚಿ ಬ್ಯಾವ್ ತಿಥ ಹುತ್ತಿ ಯೇಸು ಚಾ಼ಲುನ್ ದಮ್ಲಾ ಹುತ್ತಾ. ಮನ್ಹುನ್ ತ್ಯೊ ಬಾವಿಪ ಬಸ್ಲಾ ತವಾ ಜ಼ವ ಜ಼ವಳ್ ದ್ಯೊಪ್ಯಾರ‍್ಚಾ ಯೊಳ್ ಜಾ಼ಲ್ಥಾ.

7 ಯೇಕ್ ಸಮಾರ್ಯಾಚೆ ಸಿಮತ್ಲಿ ಬಾಯಿಲ್ ಮಾನುಸ್ ಪಾನಿ ನಿಹ್ಯಾ ತೇ ಬಾವಿಪ ಆಲಿ ಯೇಸುನಿ ತಿಚಿಪ, "ಪಿಯಾ ಥೊಡ ಪಾನಿ ದಿತಿಸ್ ಕ್ಯಾ? ಮನ್ಹುನ್ ಮಾಗ್ಲ. 8 ತ್ಯಚ಼ ಶಿಶಾ ಖಾಯಾ ಕಾಯ್ತರಿ ಆನಾಯಾ ಪೆಠತ್ ಗೆಲ್ತ.

9 ತೀ ಸಮಾರ‍್ಯಾಚಿ ಬಾಯಿಲ್ ಮಾನುಸ್ ತು ಪಿಯಾ ಪಾನಿ ಮಾಜಿಪ ಮಾಗಾಚ಼ ಮನಾ ಆಜಾಬ್ ವಾಟ್ಯಾ ತು ಯೊಕ್ ಯೆಹುದಿ ಆನಿ ಮಿ ಯೆಕ್ ಸಮಾರ್ಯಾತ್ಲಿ ಮನ್‌ಲ್ಹಿ. ಯೆಹುದ್ಯಾಂಚೆ ಆನಿ ಸಮಾರ‍್ಯಾಂಚೆ ಮದ್ದಿ ಕಸ್ಲಾಸ್ ಸಮಂದ್ ನವ್ಥ.

10 ಯೇಸುನಿ ತಿಲಾ ಸಾಂಗ್ಲ, "ಯಕ ಯಳಿ ದೇವಾನಿ ದಿಲ್ಯಾಲ ವರಾ ಕ್ಯಾ ಮನ್ಹುನ್ ತು ಯವ್ಡ ಸಮಾಜ್ಲಿ ಆಸ್ಥಿತ ‘ಪಿಯಾ ಪಾನಿ ದೇ ಮನ್ಹುನ್ ತುಲಾ ಇಚಾರ್ಲ್ಯಾಲಾ ಕೊನ್ ಮನ್ಹುನ್ ಸಮಾಜ್ಲಾ ಆಸ್ಥಾತ ತ್ಯಚಿಪ ಮಾಗ್ಲ ಆಸ್ಥಸ್ ಆನಿ ತ್ಯೊ ತುಲಾ ಜೀವಾಚಾ಼ ಜ಼ರ‍್ಹಾ ದಿಯಿತಾ. "

11 ತೀ ಬಾಯಿಲ್ ಮಾನುಸ್ ಪ್ರಭುಲಾ ತ್ಯೊ ಜೀವಾಚಾ಼ ಜ಼ರ‍್ಹಾ ತುಲಾ ಕುಠ ಗಾವ್ನಾರ್? ಬ್ಯಾವ್ ಖುಬ್ ಖೊಲ್ ಹಾ ಆನಿ ಪಾನಿ ಕಾಡಾಯಾ ತುಜಿಪ ಕಾಯ್ ಐದಾನ್ ನಾಹಿ, 12 ಆಮಾನಾ ಹಿ ಬ್ಯಾವ್ ಯಾಕೊಬಾನಿಸ್ ದಿಲೆ. ಆನಿ ತ್ಯೊಸ್ ಹ್ಯ ಪಾನಿ ಪಿಯಾಲ್ಯಾ ತ್ಯಚಿ ಪೊರ ಹೆ ಬಾವಿಚ಼ ಪಾನಿ ಪಿಯಾಲಿತ ತ್ಯಚಿ ಜ಼ನಾವಾರ ಸಗ್ಳಿ ಹೆ ಬಾವಿಚ಼ ಪಾನಿ ಪಿಯಾಲಿತ ತ್ಯಾ ಆಮ್ಚಾ ವಡಿಲ್ ಯಾಕೊಬಾವ್ನಿ ತು ಥೊರ‍್ಲಾ ಕ್ಯಾ? ಮನ್‌ಲ್ಹಿ.

13 ಯೇಸು ಮನ್‍ಲ್ಹಾ, "ಹ್ಯ ಪಾನಿ ಪಿತ್ಯಾಲ್ಯಾ ಪರತೇಕಾಲಾ ಪರತ್ ಆನಿಕ್ ತಾನ್ ಲಾಗ್ನಾರ್, 14 ಫನ್, ಮಿ ದೇತ್ಯಾಲ ಪಾನಿ ಕೊನ್ ಪಿತಿಲ್ ತ್ಯನಾ ತಾನುಸ್ ಲಾಗ್ನಾರ್ ನಾಹಿ. ಮಿ ತ್ಯನಾ ದೇತ್ಯಾಲ ತ್ಯಂಚೆ ಆತ್ ಪಾನ್ಯಾಚಾ಼ ಜ಼ರ‍್ಹಾ ವ್ಹನಾರ್. ಆನಿ ತ್ಯ ಪಾನಿ ತ್ಯನಾ ಶಾಶ್ವತ್ ಜೀವ್ ದೇತ. "

15 ತವಾ ತೀ ಬಾಯಿಲ್ ಮಾನುಸ್ ಯೇಸುಲಾ, "ಪ್ರಭು ತ್ಯ ಪಾನಿ ಮನಾ ದೇ! ಮನಾ ಆನಿ ಕಂದಿಸ್ ತಾನ್ ಲಾಗತ್ ನಾಹಿ. ಮಿ ಪಾನಿ ನಿಹ್ಯಾ ಹಿತ ಆನಿ ಯಯಾಚಿ ಗರಜ಼್ ನಾಹಿ" ಮನ್‌ಲ್ಹಿ.

16 ಯೇಸುನಿ ತಿಲಾ, "ಜಾ಼ವುನ್ ತುಜಾ ದನ್ಗಾರಾಲಾ ಹಾಕ್ಟುನ್ ಗಿಹುನ್ ಯೇ" ಮನ್ಹುನ್ ಸಾಂಗ್ಲ.

17 ತವಾ ತೀ ಬಾಯಿಲ್ ಮಾನುಸ್, "ಮನಾ ದನ್ಗೊರ್ ನಾಹಿ" ಮನ್‌ಲ್ಹಿ ಯೇಸು ತಿಲಾ ಮನ್‍ಲ್ಹಾ, "ತಲಾ ದನ್ಗೊರ್ ನಾಹಿ ಮನ್ಹುನ್ ಖರ ಸಾಂಗ್ಲಸ್, 18 ಖರ‍್ಯಾನಿಸ್ ತುಲಾ ಪಾಚ್ ಜಾ಼ನ್ ದನ್ಗಾರ್ ಹುತ್ತ ಫನ್ ಆತಾ ತು ಕಚಾಪ ಜ಼ಲ್ಮ ಕರ್ತೆಸ್ ತ್ಯೊ ತುಜಾ಼ ದನ್ಗೊರ್ ನವ್ಹ ತು ಮನಾ ಖರ ಸಾಂಗ್ಲಸ್".

19 ತವಾ ತೀ, "ಪ್ರಭು ತು ಮನಾ ಯೊಕ್ ಪ್ರವಾದಿಚಿಗತ್ ಆಸಾ ವಾಟ್ಯೊ.

20 ಆಮ್ಚಾ ವಡ್ಲಾಂಚಾನಿ ಹ್ಯಾ ಗುಢ್ಯಾವ ಆರಾಧನಾ ಕಿಲಿ, ಫನ್ ಲೊಕಾಂಚಾನಿ ಆರಧನಾ ಕರಾಚಾ಼ ಜಾ಼ಗಾ ಯೆರುಸಲೇಮ್ ಮನ್ಹುನ್ ಯೆಹುದಿ ಜಾ಼ಲ್ಯಾಲ ತುಮಿ ಸಾಂಗ್ತಾಸಾ, ಮನ್‌ಲ್ಹಿ

21 ಯೇಸುನಿ ತಿಲಾ ಸಾಂಗ್ಲ, "ಮಾಜಿವ ಇಸ್ವಾಸ್ ಥೆವ್ ತೀ ಆನಿ ಕಂದಿಸ್ ದೇವಾಲಾ ಯೆರುಸಲೇಮಿತ್ ವ್ಹವುನಿ ಹ್ಯಾ ಗುಢ್ಯಾವ ವ್ಹವುನಿ ಆರಾಧನ್ ಕರಾಯಾ ವ್ಹನಾರ್ ನಾಹಿ ಆಸಾ ಯೊಳ್ ಯನಾರ್. 22 ತುಮಿ ಸಮಾರ್ಯಾಚಿ ಲೊಕ ಕುನಾಲಾ ಆರಾಧನ್ ಕರ್ತಾಸ್ ತ್ಯೊ ತುಮಾನಾ ಠಾವಾ ನಾಹಿ ಫನ್ ಆಮಿ ಯೆಹುದಿ ಲೊಕ ಆರಾಧನ್ ಕರ್ತ್ಯಾಲಾ ಆಮಾನಾ ಠಾವ ಹಾ. ಕಾ ಮಂಜೆ ಸುಟ್ನುಕ್ ಯೆಹುದ್ಯಾಂಚಿಪ್ನಿ ಯನಾರ್. 23 ಖರ‍್ಯಾನಿ ಆರಾಧನ್ ಕರ್ತ್ಯಾಲ ಬಾಚಿ ಆರಧನಾ ಆತ್‌ಮ್ಯಾನಿ ಖರ‍್ಯಾನಿ ಕರ್ನಾರ್ ಆಸ್ಲಾ ಯೊಳ್ ಯಯಾಲಾಗ್‍ಲ್ಯಾ ನಾಹಿತ ಸಮ್ಜುನ್ ಗೆವ್ಹಾ ತ್ಯೊ ಯೊಳ್ ಆತಾಸ್ ಆಲ್ಯಾ ಆನಿ ಆರಧನ್ ಕರ್ತ್ಯಾಲ್ಯಾ ಆಸ್‍ಲ್ಯಾನಾಸ್ ದೇವ್ ಶೊತ್ಯೊ. 24 ದೇವ್ ಆತ್ಮ ಹಾ ದೇವಾಲಾ ಆರಾಧನ್ ಕರ್ತ್ಯಾಲ್ಯಾಂಚಾನಿ ಆತ್‌ಮ್ಯಾನಿ ಖರ‍್ಯಾನಿ ಆರಾಧನ್ ಕರಾಯಾ ವ್ಹಯಿ ಮನ್ಹುನ್ ಸಾಂಗ್ಲ.

25 ತೀ ಬಾಯಿಲ್ ಮಾನುಸ್ ಯನಾರ್ ಮೆಸ್ಸಿಯಾ ಮನ್ಹುನ್ ಮನಾ ಠಾವ ಹಾ ತ್ಯೊ ಆಲಾಕಿ ಆಮಾನಾ ಸಗ್ಳ ಫುಡುನ್ ಸಾಂಗ್ನಾರ್ ಮನ್‌ಲ್ಹಿ.

26 ಯೇಸುನಿ ತಿಲಾ ಸಾಂಗ್ಲ, "ತುಜಿ ಸಂಗ ಬೊಲ್‌ತ್ಯಾಲಾ ಮಿಸ್ ತ್ಯೊ. "

27 ತವಾಸ್ ತ್ಯಚ ಶಿಶಾ ಪರ್ತುನ್ ಮಾಗಾರ ಆಲ ಯೇಸು ಯಕ ಬಾಯಿಲ್ ಮಾನ್ಸಾ ಸಂಗ ಬೊಲ್‌ತ್ಯಾಲಾ ಬಗುನ್ ಖುಬ್ ಆಜಾಬ್ ವಾಟ್ಲ ಫನ್ ತಿಲಾ ತುಲಾ ಕ್ಯಾ ವ್ಹಯಿ? ನಾಹಿತ ತು ತಿಚಿ ಸಂಗ ಕಾ ಬೊಲ್‌ತ್ಯೊಸ್? ಮನ್ಹುನ್ ತ್ಯಾತ್‌ಲ್ಯಾ ಯಕಾನಿಬಿ ಇಚಾರ್ಲ ನಾಹಿ.

28 ಮಂಗ್ ತೇ ಬಾಯಿಲ್ ಮಾನ್ಸಾನಿ ಆಪ್ಲಿ ಗಾಘರ್ ತಿಥಸ್ ಸುಡುನ್ ಪೆಠತ್ ಮಾಗಾರಿ ಜಾ಼ವುನ್ ಲೊಕಾನಾ ಸಾಂಗ್ಲ, 29 ಮಿ ಆಜು಼ನ್ ಪರ‍ತ್ ಕೆಲ್ಯಾಲ ಸಗ್ಳ ಯಕಾ ಮಾನ್ಸಾನಿ ಮನಾ ಸಾಂಗ್ಲ ಯವುನ್ ತ್ಯಲಾ ಬಗಾ ತ್ಯೊಸ್ ಕ್ರಿಸ್ತ ಆಸಲ್? 30 ಮನ್ಹುನ್ ಲೊಕ ಸಗ್ಳಿ ತ್ಯಲಾ ಬಗಾಯಾ ಪೆಠತ್ನಿ ಬಾಹಿರ್ ಆಲಿತ.

31 ತ್ಯವ್‍ಡ್ಯಾತ್ ಯೇಸುಚಾ ಶಿಶಾಂಚಾನಿ, "ಗುರು ಜೇವಾನ್ ಖಾ ಮನ್ಹುನ್ ತ್ಯಲಾ ಇನಂತಿ ಕಿಲಿ.

32 ಫನ್ ತ್ಯಲಾ ಯೇಸು, "ಮಾಜಿಪ ಖಾಯಾ ಜೇವಾನ್ ಹಾ ತ್ಯಚೆ ಯಸಿ ತುಮಾನಾ ಕಾಯ್ ಠಾವ ನಾಹಿ" ಮನ್‍ಲ್ಹಾ.

33 ಮನ್ಹುನ್ ಶಿಶಾ ಕುನಿ ತರಿ ತ್ಯಲಾ ಆಂದಿಸ್ ಜೇವಾನ್ ಆನುನ್ ದಿಲ ಕ್ಯಾ? ಮನ್ಹುನ್ ಆಪ್‌ಲ್ಯಾತ್ ಯಕಾಮಕಾಲಾ ಇಚಾರಾಯಾ ಲಾಗ್ಲ

34 ಯೇಸುನಿ ತ್ಯಲಾ ಸಾಂಗ್ಲ ಮಾಜ಼ ಜೇವಾನ್ ಕುನಿ ಮನಾ ಲಾವುನ್ ದಿಲ್ಯಾ ತ್ಯಚಿ ಇಚ್ಚಾ ಪುರ್ನ ಕರಾಚಿ ಜಾ಼ಲ್ಯಾ. ಆನಿ ಮಾಜಾ ತಾಬ್ಯಾತ್ ದಿಲ್ಯಾಲಿ ಕಾಮ್ ಪುರ್ನ ಕರಾಯಾ ವ್ಹಯಿತ. 35 ಲಾನಿಲಾ ಆಜು಼ನ್ ಚಾರ್ ಮೈನ ರಾಖಾಯಾ ವ್ಹಯಿ ಮನ್ಹುನ್ ತುಮಿ ಮಂಥ್ಯಾಸಾ ಫನ್ ಮಿ ತುಮಾನಾ ಸಾಂಗ್ತೊ ತುಮ್ಚ ಡೊಳ ಉಗ್ಡುನ್ ಸೆತಾಂಚಿಕ್ಡ ಬಗಾ ತೀ ಕಾಪಾಯಾ ಆಲ್ಯಾತ 36 ಪೀಕ್ ಕ್ಯಾಪ್ನಾರ‍್ಯಾಲಾ ಆತಾ ಸಾಹಿತ್ ಕುಲ್ ಮಿಳಲ್ ಆನಿ ತ್ಯ ಪೀಕ್ ಶಾಶ್ವತ್ ಜೀವ್ನಾ ಸಾಟಿ ಗೊಳಾ ಕರ್ತ್ಯೊ ಮನ್ಹುನ್ ಪೇರ್ತ್ಯಾಲ ಆನಿ ಕ್ಯಾಪ್‌ತ್ಯಾಲ ಯಂಗ್ದಾಸ್ ಸಂತೊಶ್ ವ್ಹತ್ಯಾತ. 37 ಯೊಕ್ ಪೇರ್ತೊ ಆನಿ ದಿಸ್ರಾ ಕ್ಯಾಪ್ತೊ ಮನ್ಹುನ್ ಆಮಿ ಮಂತ್ಯಾಲ ಮನ್ಹ ಖರ. 38 ತುಮಿ ರಾಬ್‌ಲ್ಯಾ ನಸ್‌ಲ್ಯಾಲ ಪೀಕ್ ಕಾಪಾಯಾ ಸಾಟಿ ಮಿ ತುಮಾನಾ ಲಾವುನ್ ದೇತೊ ದುಸ್ರಿ ರಾಬ್ಲಿತ ಫನ್ ತ್ಯಂಚಾ ರಾಬ್‌ನ್ಯಾನಿ ತುಮಿ ಫ್ಯಾಯ್ದಾ ಗೆಥಾಸಾ ಮನ್‍ಲ್ಹಾ.

39 ತೇ ಪೆಠತ್ಲಿ ಖುಬ್ ಸಮಾರ‍್ಯಾ ಲೊಕಾಂಚಾನಿ ಯೇಸುವ ಇಸ್ವಾಸ್ ಥೆವ್ಲಾ ಕಾ ಮಂಜೆ ತೇ ಬಾಯಿಲ್ ಮಾನ್ಸಾನಿ ತ್ಯಚಿ ವಳಕ್ ತ್ಯನಾ ಮಿ ಕೆಲ್ಯಾಲ ಪರತೇಕ್ ಸಗ್ಳ ಮನಾ ಸಾಂಗ್ಲ. 40 ಸಮಾರ‍್ಯಾತ್‌ಲ್ಯಾಂಚಾನಿ ಯೇಸುಪ ಜಾ಼ವುನ್ ಆಪ್ಲಿ ಸಂಗ ರ‍್ಹಾ ಮನ್ಹುನ್ ತ್ಯಲಾ ಇನಂತಿ ಕಿಲಿ ತವಾ ತ್ಯೊ ದೊನ್ ದೀಸ್ ತಿಥ ಹುತ್ತಾ.

41 ತ್ಯನಿ ಸಾಂಗ್‌ಲ್ಯಾಲ್ಯಾ ಸಬ್ದ ಐಕುನ್ ಖುಬ್ ಲೊಕಾಂಚಾನಿ ಇಸ್ವಾಸ್ ಥೆವ್ಲಾ.

42 ತ್ಯಂಚಾನಿ ತ್ಯಾ ಬಾಯಿಲ್ ಮಾನ್ಸಾಲಾ ಆಮಿ ಆಂದಿ ತುಜ ಸಾಂಗ್ನ ಐಕುನ್ ಯೇಸುವ ಇಸ್ವಾಸ್ ಥೆವ್‍ಲ್ಥಾ. ಫನ್ ಆತಾ ಆಮಿಸ್ ತ್ಯಚ ಸಬ್ದ ಐಕ್ಲ ಮನ್ಹುನ್ ಇಸ್ವಾಸ್ ಥೆವ್‌ಲ್ಯಾ ಖರ‍್ಯಾನಿ ಹ್ಯೊಸ್ ದುನಿಯಾಲಾ ಸುಡಿವ್ನಾರಾ ಮನ್ಹುನ್ ಆತಾ ಆಮಾನಾ ಸಮಾಜ್‌ಲ್ಯಾ ಮನ್‌ಲ್ಹಿತ.

43 ಯೇಸು ದೊನ್ ದೀಸ್ ತಿಥ ರಾಯಲ್ಯಾ ನಂತರ್ ಗಲಿಲಾಯಾತ್ ಗೆಲಾ. 44 ಪ್ರವಾದಿಲಾ ಸ್ವತಾಚಾ ಗಾವಾತ್ ಮರ‍್ಯಾದ್ ನಾಹಿ ಮನ್ಹುನ್ ಯೇಸುನಿ ಸಾಂಗ್ಲ

45 ತ್ಯೊ ಗಲಿಲಾಯಾತ್ ಪೊಚ್ಲಾ ತವಾ ತಿತಲ್ಯಾ ಲೊಕಾಂಚಾನಿ ತ್ಯಲಾ ಸ್ವಾಗತ್ ಕೆಲಾ. ಕಾ ಮಂಜೆ ತ್ಯಂಚಾನಿ ಬಗ್‌ಲ್ಯಾಲ ಸಗ್ಳ ತ್ಯನಿ ಯೆರುಸಲೇಮಿತ್ ಸನಾಚಾ ದಿಸಾತ್ ಕೆಲ್ತ ಕಾ ಮಂಜೆ ತೀ ಸಗ್ಳಿ ಹ್ಯಾ ಯಳಾತ್ ಸನಾಲಾ ಗಿಲಿತ.

46 ಯೇಸುನಿ ಗಲಿಲಾಯಾಚಾ ಕಾನಾ ಗಾವಾತ್ ಆನಿ ಯಂಗ್ದಾ ಭೇಟ್ ದಿಲಿ ತಿಥಸ್ ತ್ಯನಿ ಪಾನ್ಯಾನಿ ದರಾಕ್ಶಿಚಾ಼ ರಸ್ ಕೆಲ್ಯಾಲಾ. ತ್ಯಾಸ್ ಗಾವಾತ್ ಯೊಕ್ ಸರ್ಕಾರಿ ಅಧಿಕಾರಿ ಹುತ್ತಾ ತ್ಯಚಾ಼ ಲ್ಯೊಕ್ ಕಪೆರ್ನೌಮ್ ಪೆಠತ್ ಸೀಕ್ ಪಡುನ್ ಹುತ್ತಾ. 47 ಯೇಸು ಯುದಾಯಾತ್ನಿ ಯವುನ್ ಆತಾ ಗಲಿಲಾಯಾತ್ ಹಾ ಮನ್ಹಾಚಿ ಬಾತ್ನಿ ತ್ಯನಿ ಐಕ್ಲಿ ಆನಿ ತ್ಯೊ ತ್ಯಚಿಪ ಜಾ಼ವುನ್ ಮರಾಯಾ ಠಕ್‌ಲ್ಯಾಲ್ಯಾ ಆಪ್‌ಲ್ಯಾ ಲೆಕಾಲಾ ಬರಾ ಕರಾಯಾ ಕಪೇರ್ನೌಮಿತ್ ಯೇ ಮನ್ಹುನ್ ಇನಂತಿ ಕೆಲಿ. 48 ಯೇಸುನಿ ತ್ಯಲಾ ತುಮಿ ಮುಟಿ ಮುಟಿ ಅದ್ಬುತಾಚಿ ಆನಿ ಚಮತ್ಕಾರಾಚಿ ಕಾಮ ಬಗ್‌ಲ್ಯಾ ಸಿವಾರ್ ಮಾಜಿವ ಇಸ್ವಾಸ್ ಥಿವಿತುಸ್ ನಾಹಿಸಾ ಮನ್‍ಲ್ಹಾ.

49 ಸರಕಾರಿ ಅಧಿಕಾರಿ ಪ್ರಭು ಮಾಜಾ಼ ಲ್ಯೊಕ್ ಮರಾಚೆ ಆಂದಿಸ್ ತು ಮಾಜಿ ಸಂಗ ಚ಼ಲ್.

50 ಯೇಸು ತ್ಯಲಾ ಜಾ಼ ತುಜಾ಼ ಲ್ಯೊಕ್ ಜಿತ್ತಾ ರಾನ್ಹಾರ್. ಯೇಸುಚಾ ಸಬ್ದಾವ ಇಸ್ವಾಸ್ ಥಿವುನ್ ಮಾಗಾರಾ ಗರ‍್ಹಾತ್ ಜಾ಼ಯಾ ಗೇಲಾ. 51 ತ್ಯೊ ಗರ‍್ಹಾತ್ ಜಾತಾನಾ ತ್ಯಚ ಆಳ್ ತ್ಯಚಿಪ ಯವುನ್ ತುಜಾ಼ ಲ್ಯೊಕ್ ಜಿತ್ತಾ ಜಾ಼ಲ್ಯಾ ಮನ್‌ಲ್ಹ.

52 ತ್ಯನಿ ಮಾಜಾ ಲೇಕಾಲಾ ಕಿತಿ ವಾಸ್ತಾ ಬರ ಜಾ಼ಲ? ಮನ್ಹುನ್ ಇಚಾರ್ಲ. ತವಾ ಸೇವಕಾಂಚಾನಿ ಕ್ಯಾಲ್ ದೊಪಾರಾ ಯೇಕ್ ವಾಸ್ತಾ ತ್ಯಚ಼ ತಾಪ್ ಗೇಲಾ ಮನ್‌ಲ್ಹ.

53 ತುಜಾ಼ ಲ್ಯೊಕ್ ಜಿತ್ತಾ ವ್ಹನಾರ್ ಮನ್ಹುನ್ ಯೇಸುನಿ ಸಾಂಗ್‌ಲ್ಯಾಲ ಹ್ಯಾಸ್ ಯಳಾಲಾ ಬಾನಿ ಸಮ್ಜುನ್ ಗೆತ್ಲ ತ್ಯನಿ ಆನಿ ತ್ಯಚಾ ಗರ‍್ಹಾತಲ್ಯಾ ಸಗ್‌ಳ್ಯಾಂಚಾನಿ ಯೇಸುವ ಇಸ್ವಾಸ್ ಥೆವ್ಲಾ.

54 ಯೇಸು ಯುದಾಯಾತ್ನಿ ಗಲಿಲಾಯಾತ್ ಆಲ್ಯಾವ ಕೆಲ್ಯಾಲ ದೊನ್ವ ಮೊಟ ಚಮತ್ಕಾರಾಚ಼ ಕಾಮ್ ಹ್ಯ.