14 ಸನ್ ಲ ಥೊಡಾ ಅರ್ದಾ ಸಪ್ಲಾ ಹುತ್ತಾ. ತವಾ ಯೇಸು ದೇವ್ಳಾತ್ ಜಾ಼ವುನ್ ಸಿಕ್ವಾಯಾ ಲಾಗ್ಲಾ. 15 ಯೆಹುದಿ ಅಧಿಕಾರಿ ಆಜಾಬ್ ಜಾ಼ಲ. ಆನಿ ಹ್ಯೊ ಮಾನುಸ್ ಸಾಳಾ ಸಿಕ್ಲಾ ನಾಹಿ. ತರಿ ಹ್ಯ ಯವ್ಡ ಸಗ್ಳ ಕಸಾ ಸಿಕ್ಲಾ? ಮನ್ಹುನ್ ಇಚಾರ್ ಕರಾಯಾ ಲಾಗ್ಲ

16 ಯೇಸು ಮಿ ಹ್ಯ ಸಿಕಿವ್‌ತ್ಯಾಲ ಮಾಜ಼ ಸ್ವತಾಚ಼ ನವ್ಹ. ಮಿ ಸಿಕಿವ್‌ತ್ಯಾಲ ಮನಾ ಲಾವುನ್ ದಿಲ್ಯಾಲ್ಯಾ ಬಾಪ್ನಿ ಆಲ್ಯಾಲ. 17 ದೇವಾಚಾ ಮನಾತ್ ಆಸ್‌ಲ್ಯಾಲ ಕರಾಯಾ ವ್ಹಯಿ ಮಂಥ್ಯಾಲ್ಯಾಲಾ ಮಾಜ಼ ಸಿಕಿವ್ನ ದೇವಾಪ್ನಿಸ್ ಆಲ್ಯಾಲ ಮಾಜ಼ ಸ್ವತಾಚ಼ ನವ್ಹ ಮನ್ಹುನ್ ಸಮಾಜ಼್ನಾರ್. 18 ಕೊನ್ ಆಪ್‌ಲ್ಯಾ ಸ್ವತಾಚಾ ಅಧಿಕಾರಾನಿ ಬೊಲ್ತೊ ತ್ಯೊ ಆಪ್‌ಲ್ಯಾಲಾ ಮೈಮಾ ಗಿಹ್ಯಾ ಯತ್ನ ಕರ್ತೊ ಫನ್ ಕುನಿ ತ್ಯಲಾ ಲಾವುನ್ ದಿಲ್ಯಾ ತ್ಯಲಾ ಮೈಮಾ ದಿಯಾ ವ್ಹಯಿ ಮಂತೊ ತ್ಯೊ ಮಾನುಸ್ ನಿಯತಿಚಾ಼ ಆನಿ ತ್ಯಚಿಪ ಕಸ್ಲಿಸ್ ಲಬಾಡ್ಗಿರಿ ರಾಹಿತ್ನಾಹಿ.