1 ಹ್ಯ ಜಾ಼ಲ್ಯಾವ ಯೇಸು ಗಲಿಲಾಯಾತ್ ಫಿರ‍್ಲಾ ತ್ಯಲಾ ಯುದಾಯಾತ್ ಜಾ಼ಯಾ ಮನ್ ನವ್ಥ. ಕಾ ಮಂಜೆ ತಿತ್ಲ ಯೆಹುದಿ ತ್ಯಲಾ ಮಾರುನ್ ಟಾಕಾಯಾ ರಾಖಿತ. 2 ತವಾ ಯೆಹುದ್ಯಾಂಚಾ಼ ಮಾಂಡ್ವಾಚಾ ಸನಾಚಾ಼ ಯೊಳ್ ಜಾ಼ಲ್ತಾ 3 ಮನ್ಹುನ್ ಯೇಸುಚ಼ ಶಿಶಾ ತ್ಯಲಾ, "ತು ಹಿತ್ನಿ ಗಲಿಲಾಯ್ ಸುಡುನ್ ಯುದಾಯಾತ್ ಜಾ಼, ತವಾ ತಿಥ ಆಸ್‌ಲ್ಯಾಲ ತುಜಿ ಮಾಗ್ನಿ ಯತ್ಯಾಲ ಬಾಹು ತು ಕರ್ತ್ಯಾಲ ಚಮತ್ಕಾರಾಚ಼ ಕಾಮ್ ಬಗ್ತಿಲ" ಮನ್ಲ. 4 ಕಚಾ಼ ಮಾನುಸ್ ದುನೆತ್ ಮೊಟಾ ವ್ಹಯಾ ವ್ಹಯಿ ಮಂಥೊ ತ್ಯೊ ಆಪ್ಲಿ ಕಾಮ ಚು಼ರುನ್ ಕರೀತ್ನಾಹಿ ತು ಚಮತ್ಕಾರಾಚಿ ಕಾಮ ಕರತ್ಯೊಸ್ ಸಗ್ಳೆ ದರ್ಥಿವ ತುಜ಼ ತುಸ್ ಸಾಂಗ್. 5 ಯೇಸುಚ಼ ಬಾಹು ಸಾಹಿತ್ ತ್ಯಚಿವ ಇಸ್ವಾಸ್ ಥಿವಿತ್ ನವ್ಥ.

6 ಯೇಸು ಆಪ್‌ಲ್ಯಾ ಬಾವ್ಹಾನಾ ಮಾಜಾ಼ ಶಾರ್ಕಾ ಯೊಳ್ ಆಜು಼ನ್ ಆಲಾ ನಾಹಿ ತುಮಾನಾ ಸಗ್ಳಾ ಯೊಳ್ ಶಾರ್ಕಾಸ್. 7 ಹ್ಯಾ ಲೊಕಾತ್ಲಿ ತುಮ್ಚಿ ನಕ್ವಾಟ್ ಕರೀತ್ನಾಹಿತ ಫನ್ ಮನಾ ನಕ್ವಾಟ್ ಕರ್ತ್ಯಾತ ಕಾ ಮಂಜೆ ಮಿ ಹೆ ದುನೆತ್‍ಲ್ಯಾ ಮಾನ್ಸಾನಾ ತೀ ಕರ್ತ್ಯಾಲಿ ಕಾಮ ಬುರ್ಸಿ ಮನ್ಹುನ್ ಸಾಂಗ್ನಾರ್. 8 ಮನ್ಹುನ್ ತುಮಿ ಸನಾಲಾ ಜಾ಼ವಾ ಮಿ ಹ್ಯಾ ಸನಾಲಾ ಜಾ಼ಯಿತ್ನಾಹಿ ಮಾಜಾ಼ ಶಾರ್ಕಾ ಯೊಳ್ ಆಜು಼ನ್ ಆಲಾ ನಾಹಿ ಮನ್ಲಾ. 9 ಆನಿ ಯೇಸು ಆಸಾ ಸಾಂಗುನ್ ಗಲಿಲಾಯೆತ್ತುಸ್ ರಾಯ್ಲಾ.

10 ಮನ್ಹುನ್ ಯೇಸುಚ಼ ಬಾಹು ಸನಾಲಾ ನಿಗಾಲ ತೇ ಗೆಲ್ಯಾ ನಂತರ್ ಯೇಸು ಲೊಕಾನಾ ಸಮಜಾ಼ಚೆ ಆಂದಿ ಗೇಲಾ 11 ಸನಾತ್ ಯೆಹುದ್ಯಾಂಚ಼ ಜಾಂತ ಯೇಸು ಕುಠ ಹಾ. ಮನ್ಹುನ್ ಇಚಾರಿತ್ ತ್ಯಲಾ ಸುದಿತ.

12 ತಿಥ ಲೊಕಾಂಚಾ಼ ಮೊಟಾ ಹಿಂಡ್ ಯೊಕ್ ಜ಼ಮ್ಲಾ ಹುತ್ತಾ. ತ್ಯಾತ್ಲಿ ಥುಡಿ ಜ಼ನ ಯೇಸುಚ಼ಸ್ ಗುಸು ಗುಸು ಬೊಲತಿತ ಥುಡಿಜ಼ನ ತ್ಯೊ ಚಾ಼ಂಗ್ಲಾ ಮನ್ಹುನ್ ಆನಿ ಥುಡಿಜ಼ನ ನಾಹಿ ತ್ಯೊ ಲೊಕಾನಾ ಫಸಿವ್‍ತ್ಯೋ ಮನ್ಹುನ್ ಬೊಲತಿತ. 13 ಫನ್ ಯೇಸುಚೆ ಗುಶ್ಟಿತ್ ಸಗ್‌ಳ್ಯಾಂಚೆ ಮೊರ‍್ಹ ಬೊಲಾಯಾ ತ್ಯಾತ್‌ಲ್ಯಾ ಕುನಾಲಾ ತ್ಯವ್ಡಾ ಧಿರ್ ನವ್ಥಾ ಲೊಕ ಯೆಹುದಿ ಅಧಿಕಾರ‍್ಯಾನಾ ಬಿಹಿತಿತ.

14 ಸನ್ ಲ ಥೊಡಾ ಅರ್ದಾ ಸಪ್ಲಾ ಹುತ್ತಾ. ತವಾ ಯೇಸು ದೇವ್ಳಾತ್ ಜಾ಼ವುನ್ ಸಿಕ್ವಾಯಾ ಲಾಗ್ಲಾ. 15 ಯೆಹುದಿ ಅಧಿಕಾರಿ ಆಜಾಬ್ ಜಾ಼ಲ. ಆನಿ ಹ್ಯೊ ಮಾನುಸ್ ಸಾಳಾ ಸಿಕ್ಲಾ ನಾಹಿ. ತರಿ ಹ್ಯ ಯವ್ಡ ಸಗ್ಳ ಕಸಾ ಸಿಕ್ಲಾ? ಮನ್ಹುನ್ ಇಚಾರ್ ಕರಾಯಾ ಲಾಗ್ಲ

16 ಯೇಸು ಮಿ ಹ್ಯ ಸಿಕಿವ್‌ತ್ಯಾಲ ಮಾಜ಼ ಸ್ವತಾಚ಼ ನವ್ಹ. ಮಿ ಸಿಕಿವ್‌ತ್ಯಾಲ ಮನಾ ಲಾವುನ್ ದಿಲ್ಯಾಲ್ಯಾ ಬಾಪ್ನಿ ಆಲ್ಯಾಲ. 17 ದೇವಾಚಾ ಮನಾತ್ ಆಸ್‌ಲ್ಯಾಲ ಕರಾಯಾ ವ್ಹಯಿ ಮಂಥ್ಯಾಲ್ಯಾಲಾ ಮಾಜ಼ ಸಿಕಿವ್ನ ದೇವಾಪ್ನಿಸ್ ಆಲ್ಯಾಲ ಮಾಜ಼ ಸ್ವತಾಚ಼ ನವ್ಹ ಮನ್ಹುನ್ ಸಮಾಜ಼್ನಾರ್. 18 ಕೊನ್ ಆಪ್‌ಲ್ಯಾ ಸ್ವತಾಚಾ ಅಧಿಕಾರಾನಿ ಬೊಲ್ತೊ ತ್ಯೊ ಆಪ್‌ಲ್ಯಾಲಾ ಮೈಮಾ ಗಿಹ್ಯಾ ಯತ್ನ ಕರ್ತೊ ಫನ್ ಕುನಿ ತ್ಯಲಾ ಲಾವುನ್ ದಿಲ್ಯಾ ತ್ಯಲಾ ಮೈಮಾ ದಿಯಾ ವ್ಹಯಿ ಮಂತೊ ತ್ಯೊ ಮಾನುಸ್ ನಿಯತಿಚಾ಼ ಆನಿ ತ್ಯಚಿಪ ಕಸ್ಲಿಸ್ ಲಬಾಡ್ಗಿರಿ ರಾಹಿತ್ನಾಹಿ. 19 ಮೊಶೆನಿ ತುಮಾನಾ ಧರ್ಮಶಾಸ್ತಾರ್ ದಿಲ ನಾಹಿ ಕ್ಯಾ? ಫನ್ ತುಮ್ಚಾತ್ಲಾ ಯೊಕ್ಬಿ ತ್ಯಚಿಗತ್ ಚಾ಼ಲತ್ ನಾಹಿಸಾ. ತುಮಿ ಕಾ ಮನಾ ಮಾರುನ್ ಟಾಕಾಯಾ ಯತ್ನ ಕರ್ತ್ಯಾಸಾ? ಮನ್ಲಾ

20 ತವಾ ಲೊಕ , "ತುಲಾ ಲಾಗಿರ್ ಲಾಗ್‌ಲ್ಯಾ. ಕೊನ್ ತುಲಾ ಮಾರುನ್ ಟಾಕಾಯಾ ಬಗ್‌ತ್ಯಾತ? ಮನ್ಲಿತ.

21 ತವಾ ಯೇಸು ತ್ಯನಾ , "ಮಿ ಕೆಲ್ಯಾಲ ಯಾಕ್ ಚಮತ್ಕಾರಚ಼ ಕಾಮ್ ಬಗುನ್ ತುಮಿ ಸಗ್ಳಿ ಗಾಭಾರ್ಲ್ಯಾಸಾ, 22 ಮೊಶೆನಿ ತುಮಾನಾ ಮುಂಜಿಚೆ* ಗುಶ್ಟಿತ್ ನಿಯಮ್ ದಿಲ್ತಾ. ಫನ್ ಖರ‍್ಯಾನಿಸ್ ತೀ ತುಮಾನಾ ದಿಲ್ಯಾಲಿ ಮೊಶೆನಿ ನವ್ಹ ತ್ಯಚೆ ಆಂದಿ ಆಮ್ಚಾ ವಡ್ಲಾಂಚಿಪ್ನಿ ಹಿ ಪದ್ದತ್ ಆಲೆ ಮನ್ಹುನ್ ತುಮಿ ಸಬ್ಬತ್ ದಿಸಾದಿಸಿ ಮಾನ್ಸಾಚಿ ಮುಂಜಿ ಕರ್ತಾಸಾ. 23 ಸಬ್ಬತ್ ದಿಸಾದಿಸಿ ಕುನಾಲಾ ಕುನಿ ಮುಂಜಿ ಕಾ ಕರ್ತ್ಯಾತ ಮಂಜೆ ಮೊಶೆಚಾ಼ ನೆಮ್ ವಲ್ಯಾಂಡು ನಾಹಿ. ಇಸ್ರಾಂತಿಚಾ ದಿಸಾತ್ ಯಕಾ ಮಾನ್ಸಾಲಾ ಸಗ್ಳೆ ತರನಿ ಬರಾ ಕೆಲ್ಯಾಲ್ಯಾಲಾ ಕಾ ರಾಗ್ ಕರ್ತಾಸಾ? 24 ಡೊಳ್ಯಾನಿ ದಿಸತ್ಯಾಲ್ಯಾಲಾ ನ್ಯಾಯಿ ತಿರ್ಮಾನ್ ಕರಾಚೆ ಆಂದಿ ಖರ‍ ಕ್ಯಾ ಹಾ ತ್ಯಚಿವ ನ್ಯಾಯಿ ತಿರ್ಮಾನ್ ಕರಾ ಮನ್ಹುನ್ ಸಾಂಗ್ಲ.

25 ನಂತರ್ ಯೆರುಸಲೇಮಿತ್ ರಾಯ್‍ಲ್ಯಾಲ್ಯಾತ್‌ಲ್ಯಾ ಥೊಡ್ಯಾಂಚಾನಿ, "ಅಧಿಕಾರಿ ಕಚಾಲಾ ಮಾರುನ್ ಟಾಕಾ ವ್ಹಯಿ ಮನ್ಹಿತ ತ್ಯೊ ಮಾನುಸ್ ಹ್ಯೊಸ್ ನವ್ಹ ಕ್ಯಾ. " 26 ಬಗಾ ಹ್ಯೊ ಸಗ್‌ಳ್ಯಾ ಲೊಕಾಂಚೆ ಮೊರ‍್ಹಸ್ ಬೊಲ್ತ್ಯೊ ಚಾ಼ಲತ್ಯೊ ಫನ್ ತೀ ಲೊಕ ತ್ಯಚೆ ಆಡ್ವಿ ಕಾಯೇಕ್ ಬೊಲಂತ ಹ್ಯೊ ಖರ‍್ಯಾನಿಸ್ ಕ್ರಿಸ್ತ್ ಮನ್ಹುನ್ ಯೆಹುದಿ ಅಧಿಕಾರಿಂಚಾನಿ ಸಮಜು಼ನ್ ಗೆತಲ್ಯಾ ಕ್ಯಾ? 27 ಫನ್ ಆಮಾನಾ ಠಾವ ಹಾ ಹ್ಯೊ ಮಾನುಸ್ ಕುಟ್ನಿ ಆಲ್ಯಾ ಮನ್ಹುನ್. ಕ್ರಿಸ್ತ್ ಕವಾ ಯನಾರ್ ಕುಟ್ನಿ ಯನಾರ್ ಹ್ಯ ಕುನಾಲಾಸ್ ಠಾವ ನಾಹಿ ಮನ್ಲ.

28 ತವಾ ಯೇಸುನಿ ದೇವ್ಳಾತ್ ಸಿಕಿವ್ತಾ ಆಸ್ಥಾನಾ ಜೊ಼ರಾನಿ, " ತುಮಾನಾ ಮಾಜೆ ಗುಶ್ಟಿತ್ ಠಾವ ಹಾ,ಆನಿ ಮಿ ಕುಟ್ನಿ ಆಲ್ಯೊ ಮನ್ಹುನ್ ತುಮಾನಾ ಸಮಾಜ್‍಼ಲ್ಯಾ. ಖರ ಮಿ ಆಲ್ಯಾಲೊ ಮಾಜಾ ಸ್ವತಾಚಾ ಹುಕ್ಮಾನಿ ನವ್ಹ. ಕುನಿ ಮನಾ ಲಾವುನ್ ದಿಲ್ಯಾ ತ್ಯೊ ಖರಾ ಹಾ. ತುಮಾನಾ ತ್ಯೊ ಠಾವಾನಾಹಿ. 29 ಫನ್ ಮನಾ ತ್ಯೊ ಠಾವಾಹಾ. ಮಿ ತ್ಯಚಿಪ್ನಿಸ್ ಆಲ್ಯೊ ಆನಿ ತ್ಯನಿಸ್ ಮನಾ ಲಾವುನ್‍ದಿಲ್ಯಾ." ಮನ್ಲಾ

30 ಹ್ಯ ಐಕುನ್ ಲೊಕ ತ್ಯಲಾ ಕೊಂಡಾಯಾ ಬಗಿತಿತ. ಖರ ಯೇಸುಲಾ ದರಾಯಾ ಕುನಾಲಾಸ್ ಜಾ಼ಲನಾಹಿ, ಕಾ ಮಂಜೆ ತ್ಯಚಾ಼ ಶಾರ್ಕಾ ಯೊಳ್ ಆಲಾ ನವ್ತಾ.

31 ಫನ್‍ ತ್ಯಾ ಹಿಂಡಾತ್‌ಲ್ಯಾ ಖುಬ್ ಲೊಕಾಂಚಾನಿ ಯೇಸುವ ಇಸ್ವಾಸ್ ಥಿವುನ್. ಮನ್ಲಿತ, "ಕ್ರಿಸ್ತ್ ಯನಾರ್ ತವಾ ಹ್ಯಚಿವ್ನಿ ಆಗಾವ್ ಕಾಮ ತ್ಯೊ ಕರಿಲಕ್ಯಾ? ಮನ್ಲಿತ.

32 ಯೇಸುಚೆ ಗುಶ್ಟಿತ್ ಲೊಕ ಗುಸುಗುಸು ಬೊಲ್‌ತ್ಯಾಲ ಫರಿಸಾಯಾಂಚಾನಿ ಐಕ್ಲ. ಆನಿ ಮುಖ್ಯ ಯಾಜಕಾಂಚಾನಿ ಆನಿ ಫರಿಸಾಯಾಂಚಾನಿ ಯೇಸುಲಾ ದರಾಯಾ ಸೈನಿಕಾನಾ ಲಾವುನ್‌ ದಿಲ. 33 ತವಾ ಯೇಸು, "ಆಜು಼ನ್ ಥೊಡಾ ಯೊಳ್ ಮಿ ತುಮ್ಚಿ ಸಂಗ ರಾನ್ಹಾರ್. ಮಂಗ್, ಮನಾ ಲಾವುನ್ ದಿಲ್ಯಾಲ್ಯಾಪ ಮಿ ಮಾಗಾರಾ ಜಾ಼ನಾರ್. 34 ತುಮಿ ಮನಾ ಶೊದ್ನಾರ್, ಫನ್ ತುಮಿ ಮನಾ ಬಗ್ನಾರ್ ನಾಹಿಸಾ, ಆನಿ ಮಿ ರಾನ್ಹಾರ್ ತೀಥ ತುಮಿ ಯನಾರ್ ನಾಹಿಸಾ" ಮನ್ಲಾ.

35 ತವಾ ಯೆಹುದಿ ಅಧಿಕಾರಿ ಆಪ್‌ಲ್ಯಾ ಆಪ್‌ಲ್ಯಾತ್, "ಹ್ಯಲಾ ಆಮಿ ಬಗ್ನಾರ್ ನಾಹಿ ಆಸಾ ಹ್ಯೊ ಕುಠ ಜಾ಼ನಾರ್? ಆಮ್ಚಿ ಲೊಕ ನಾಂತ್ಯಾಲ್ಯಾ ಗ್ರೀಕ್ ಲೊಕಾಂಚೆ ಪೆಠತ್ನಿ ಜಾ಼ವುನ್ ಗ್ರೀಕ್ ಲೊಕಾನಾ ಸಿಕಿವ್ನಾರ್ ಕ್ಯಾ? 36 ‘ತಮಿ ಮನಾ ಶೊದ್ನಾರ್, ಫನ್ ಮನಾ ಬಗ್ನಾರ್ ನಾಹಿಸಾ. ‘ಮಿ ಜಾ಼ನಾರ್ ತಿಥ ತುಮಿ ಯನಾರ್ ನಾಹಿಸಾ’ ಮಂಥ್ಯೊ. ಮಂಜೆ ಕ್ಯಾ? ಮನ್ಹುನ್ ಯಕಾಮಕಾ ಸಂಗ ಬೊಲ್ಲ.

37 ಸನಾಚಾ ಸರ್ತ್ಯಾ ಆನಿ ಮಹತ್ವಾಚಾ ದಿಸಾ ದಿಸಿ. ಯೇಸು ಉಬಾ ರಾಹುನ್, "ಕುನಾಲಾ ತರಿ ತಾನ್ ಲಾಗ್ಲಿತ ತ್ಯೊ ಮಾಜಿಪ ಯವುನ್ ಪಿವುನಿ.

38 ಕೊನ್ ಮಾಜಿವ ಇಸ್ವಾಸ್ ಥೆವ್ಥೊ ಶಾಸ್ತಾರ್ ಸಾಂಗ್‌ಲ್ಯಾಶಾರ್ಕ ತ್ಯಚೆ ಆತ್ನಿ ಜಿವ್ನಾ ದೆತ್ಯಾಲ್ಯಾ ಪಾನ್ಯಾಚಾ಼ ಜ಼ರ‍್ಹಾ ವ್ಹಾವ್ನಾರ್. 39 ಯೇಸುನಿ ಹ್ಯ ಪವಿತ್ರಾತ್ಮಾಚೆ ಗುಶ್ಟಿತ್ ಸಾಂಗ್ಲ. ಕೊನ್ ತ್ಯಚಿವ ಇಸ್ವಾಸ್ ಥೆವ್ತೊ. ತ್ಯಲಾ ತ್ಯ ಗಾವ್ನಾರ್. ತ್ಯಾ ಯಳಾ ಪರತ್ ತ್ಯನಾ ಪವಿತ್ರಾತ್ಮ ದಿಲ ನವ್ಥ ಕಾ ಮಂಜೆ ಆಜು಼ನ್ ಪರ‍್ಯಾತ್ ಯೇಸು ಮೈಮಾನಿ ಜಿತ್ತಾ ವ್ಹವುನ್ ಉಠುನ್ ಆಲಾ ನವ್ಥಾ.

40 ಹಿಂಡಾತ್‌ಲ್ಯಾ ಥೊಡ್ಯಾ ಲೊಕಾಂಚಾನಿ ಹ್ಯ ಐಕ್ಲ ತವಾ, "ಹ್ಯೊ ಮಾನುಸ್ ಖರ‍್ಯಾನಿಸ್ ಪ್ರವಾದಿ" ಮನ್ಲಿತ.

41 "ತ್ಯೊಸ್ ಕ್ರಿಸ್ತ" ಮನ್ಹುನ್ ಆನಿ ಥೊಡ್ಯಾಂಚಾನಿ ಸಾಂಗ್ಲ.

ಆನಿ ಥೊಡಿಜ಼ನ, "ಕ್ರಿಸ್ತ ಗಲಿಲಾಯಾತ್ನಿ ಯನಾರ್ ನಾಹಿ. 42 ಕ್ರಿಸ್ತ ದಾವೀದಾಚಾ ಗರ‍್ಹಾನ್ಯಾಚಾ಼ ಮನ್ಹುನ್ ದಾವೀದ್ ನಾಂದ್‌ಲ್ಯಾಲ್ಯಾ ಬೆತ್ಲೆಹೇಮ್ ಗಾವಾತ್ನಿ ತ್ಯೊ ಯನಾರ್ ಮನ್ಹುನ್ ಪವಿತ್ರ ಪುತೀಕ್ ಸಾಂಗ್ತ" ಮನ್ಲಿತ. 43 ಆಸಿ ಯೇಸುಚೆ ಗುಸ್ಟಿತ್ ಲೊಕಾತ್ನಿ ದುಯಿ ಬರ್ಲಿ. 44 ಥುಡಿ ಯೇಸುಲಾ ದರಾಯಾ ವ್ಹಯಿ ಮನಿತಿತ. ಫನ್ ತ್ಯಲಾ ಹಾತ್‌ ಲಾವಾಯಾ ಕುನಾಲಾಸ್ ಜಾ಼ಲಾ ನಾಹಿ.

45 ದೇವ್ಳಾತ್ಲ ರಕ್ವಲ್ದಾರ್ ಪರತ್ ಆಲ ತವಾ, ಮುಖ್ಯ ಯಾಜಕಾಂಚಾನಿ ಆನಿ ಫರಿಸಾಯಾಂಚಾನಿ ತ್ಯನಾ, "ತುಮಿ ತ್ಯಲಾ ಕಾ ದರುನ್ ಆನ್ಲಾ ನಾಹಿಸಾ? ಮನ್ಹುನ್ ಇಚಾರ್ಲ.

46 ರಕ್ವಲ್ದಾರ್ ಮನ್ಲ, "ಹ್ಯೊ ಬೊಲ್‌ತ್ಯಾಚೆಗ್ ದುಸ್ರಾ ಕೊನ್ ಆಜು಼ನ್ ಪರ‍್ಯಾತ್ ಬೊಲ್ಲಾ ನಾಹಿ.

47 ಫರಿಸಾಯಾಚಾಂನಿ, ತಸ ಜಾ಼ಲತ ಯೇಸುನಿ ತುಮಾನಾಬಿ ಫಸಿವ್ಲ! 48 ಅಧಿಕಾರಾತ್ಲ ವ್ಹವುಂತ ಫರಿಸಾಯಾತ್ಲ ವ್ಹವುಂತ ಕಚಾನಿತರಿ ಯಕಾನಿ ಇಸ್ವಾಸ್ ಥೆವ್‌ಲ್ಯಾ ಕ್ಯಾ. 49 ಫನ್ ಲೊಕಾಂಚಾ ಹಿಂಡಾಲಾ ಮೊಶೆಚಾ ಧರ್ಮಶಾಸ್ತಾರಾಚೆ ಗುಸ್ಟಿತ್ ಕಾಯ್ ಠಾವ ನಾಹಿ. ಆನಿ ತೀ ದೇವಾಚಾ ಸರಾಪಾತ್ ಗಾವಲ್ಯಾತ!" ಆಸ ಮನ್ಲ

50 ಫನ್ ಪರಿಸಾಯಾತ್‌ಲ್ಯಾಂಚಾತ್ ನಿಕೊದೇಮ್ ಹುತ್ತಾ. ಹ್ಯೊ ಆಂದಿ ಯಂಗ್ದಾ ಯೇಸುಲಾ ಬಗಾಯಾ ಗೆಲ್ತಾ. 51 ನಿಕೊದ್ಯಮ್ ತ್ಯನಾ, "ಆಮ್ಚಾ ಧರ್ಮಶಾಸ್ತಾರಾಚಾ ನೆಮಾಶಾರ್ಕ ಕುನಿ ಕಾಯ್ ಐಕಾಚೆ ಆಂದಿ ಆನಿ ತ್ಯನಿ ಕ್ಯಾ ಕೆಲ್ಯಾ ಮನ್ಹುನ್ ಬಗಾಚೆ ಆಂದಿ ಗುನ್ನದಾರ್ ಮನ್ಹುನ್ ಸಾಂಗಾಯಾ ವ್ಹಯಿತ್ನಾಹಿ.ಮನ್ಲಾ

52 ತವಾ ತೇ ತ್ಯಲಾ , "ತುಬಿ ಗಲಿಲಾಯಾತ್ಲಾ ಕ್ಯಾ? ತೂಸ್ ಪವಿತ್ರ ಪುತಿಕಾತ್ ಬಗ್. ಗಲಿಲಾಯಾತ್ನಿ ಕಚಾ಼ಸ್ ಪ್ರವಾದಿ ಯಯಿತ್ ನಾಹಿ. " ಮನ್ಲ 53 ಮಂಗ್ ಸಗ್ಳ ಆಪ್‍ಲ್ಯಾ ಆಪ್‍ಲ್ಯಾ ಗರ‍್ಹಾತ್ನಿ ಗೆಲ.